أقولك الحقيقة يا بنتي ؟!
هو محبكيش..
هو كان بيحب الحب اللي لاقاه عندك،
عمره ما حبك صدقيني ،
بس لقى فيكي احساس عمره ما حسه قبل كده،
لقى حضن بيريّحه، كلام بيطمنه، حد بيخاف عليه أكتر من نفسه،
لقى واحدة بتحبه بصدق نادر، فافتكر إنه بيحبها.
هو محبكيش..
بس حب وجودك الدافي،
حب اهتمامك الزايد، حب صوتك وإنتي بتسألي عليه،
حب إنك كنتي سند من غير ما يطلب،
حب احساس الأمان اللي ما عرفوش غير معاكي.
حب إنه يبقى في قلب واحدة بتعشقه،
واحدة وصلت بيها الطيبة إن قلبها بقى قلب أم تانية ليه،
بتسامحيه في كل مرة، وبتحضنيه رغم كل شيء،
بتداوي وجعه، وتكتمي وجعك، وتفضلي تدوري عليه وسط كل الدنيا.
هو حب كل ده، بس محبكيش انتي كـ “إنسانة”.
حَب حُبك ليه، حَب كونه مهم عندك، حب إنه يعيش في اهتمامك،
بس ولا مرة حاول يفهم احتياجك.
الحب الحقيقي مبيبقاش من طرف واحد،
ومبيبقاش مبني على استغلال المشاعر الطيبة.
هو أخد، وأخد كتير أوي منك،
بس عمره ما فكر يديكِي رُبع اللي إنتي اديتهوله..
ولما جه يحب، حب نفسه في عنيكي، محبكيش انتي.
حب الحب اللي انتي مغرقاه فيه، ولما خلص منك..
راح يدور عليه عند غيرك.
>>Click here to continue<<