ليه بنكمل فى علاقات مؤذيه 🤷

أحياناً لأسباب نفسية، وعاطفية معقدة ورغم وعيك بأن العلاقة مش مناسبة لك ، وإنها فعلاً مسببالك ألم، إلا إنك مكملة ومش بس كدة ،وكمان متمسكة بيها
فجأة بعد فترة من الزمن بنقعد نسأل نفسنا هو احنا إزاي بقينا عصبيين كدة؟ وإزاي بقي عندنا قلق وتوتر ؟
إزاي اتحولنا لكائن معدش شايف نفسه ولافاكر نفسه ولامدرك هو كان فين وبقى فين ؟

في بعض الأسباب اللي بتخلى الإنسان دائماً عندك أمل في العلاقة رغم إنها مؤذية ليكي

1️⃣ التعلق العاطفي العميق:

نمط التعلق بتاعك لو غير آمن في الغالب هيكون وجودك في العلاقة مبني على التعلق بالشخص مش التواصل معاه ، ودا بيخليكي بتواجهي صعوبة في الابتعاد أو إنهاء العلاقة، لأن هنا البعد أو التخلي وكإنه بيكون خسارة ل جزء من الذات بسبب ارتباط نمط تعلقك غير الآمن باحتياجات نفسية جواكي متسددتش من الطفولة.

2️⃣ الأمل في التغيير:

كتيير من الناس الإيجابية بيتمسكوا بعلاقات مؤذية عشان عندهم اعتقاد إن الشخص الاخر هيتغير في المستقبل وإن هي اللي هتساعده ع التغيير وإن وجود العلاقة في حد ذاته هيكون دافع في التغيير ودا طبعا مش بيحصل عشان الشخص المؤذي من سماته اللاشعورية إنه بيرفض التغيير.

3️⃣ الخوف من الوحدة:

إنك ممكن تخافي إنك تبقي وحيدة أو أنك مش هتعرفي تدخلي في علاقة تانية وهنا الوحدة بالنسبة ليكي هتبقى شي مخيف وهتفضلي تقعدي في علاقة غير صحية أكتر من مواجهة الوحدة.

4️⃣ الدورة النفسية للإساءة والتسامح:

أهم علامة تؤكد إنك في علاقة مؤذية هي "دورة الاساءة""abuse cycle"" وهي دورة عبارة عن مراحل مابين اللطف و الكلام الحلو والمعسول ثم الإساءة وبعد كدة التصالح والوعود والتسامح وهكذا تفضل الدايرة ماشية على الشكل ده وده بيدي أمل ليكي إن الدنيا هتبقى أفضل بس للأسف مع تكرار الدورة دي معاكي دماغك بيتبرمج على كدة وبيحصل حاجة جواكي اسمها "trauma bonding" بتخليكي دايما مربوطة بالعلاقة وعلى استعداد تغفري مهما كانت الإساءة.

5️⃣فقدان الثقة في النفس ونقص الاستحقاق أثناء العلاقة :

لو الشخص المؤذي بيركز على النقد والاستهزاء وقلب الترابيزة ممكن دا يؤثر على استحقاقك وتحسي إنك متستاهليش أفضل من كدة ف "اللي نعرفه احسن من اللي منعرفوش"

👈طيب إيه الحل 🤔؟؟

⬅️فيه حكمة جميلة بتقول️:
"مادام الشيئ لايعطيك إلا الحزن ،فلن يأتي يوما ليعطيك السعادة"
والعلاقات المؤذية بتستنزف الطاقة والمشاعر وبتحوله لإرهاق وتعب

⬅️الأمل بدون مايكون مبني على واقع ملموس وليه نتايج واضحة وتحسن فعلي يبقى وهم وسراب  مش أمل 
فلو كل شوية هتبني أمل على اساس إن اللي قدامك هيساعدك ان تكون العلاقة أفضل ويستثمر فيها ويبذل مجهود ودا مبيحصلش إنتي كدة عايشة الوهم وبتخدعي نفسك 
فيه# مقولة بتقول:
"التفاؤل بدون خطة مجرد وهم"

⬅️فيه باب في الفقه اسمه "فقه الأولويات "
عشان تحددي أولوياتك صح في الحياه بتبنيها على اساس:
(الله -أنا -الآخر) ،لذلك أي تغيير في المعادلة دي بيدخلك في شرك خفي والعياذ بالله بالإضافة إن حفظ النفس ضرورة ومقصد من مقاصد الشريعة
فلو علاقة هتتسبب في أذى ليكي سواء جسدي أو نفسي أو معنوي إنتي كدة بتضري نفسك

⬅️وآخيراً
احسبيها مكاسب وخساير ولو الخسارة أكتر انتي محتاجة أولا إنك تحصني نفسك بالقوة النفسية وتشتغلي على نفسك أووي وعلاقتك ب ربنا واستقلاليتك  عشان تقدري تواجهي تحديات القرار  وتذكري دايما قول الله تعالى
(( لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ )) " البقرة 286"
((رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ)) "البقرة 286"🙏🙏🙏

توليب_Tulip

ليه بنكمل فى علاقات مؤذيه 🤷

أحياناً لأسباب نفسية، وعاطفية معقدة ورغم وعيك بأن العلاقة مش مناسبة لك ، وإنها فعلاً مسببالك ألم، إلا إنك مكملة ومش بس كدة ،وكمان متمسكة بيها
فجأة بعد فترة من الزمن بنقعد نسأل نفسنا هو احنا إزاي بقينا عصبيين كدة؟ وإزاي بقي عندنا قلق وتوتر ؟
إزاي اتحولنا لكائن معدش شايف نفسه ولافاكر نفسه ولامدرك هو كان فين وبقى فين ؟

في بعض الأسباب اللي بتخلى الإنسان دائماً عندك أمل في العلاقة رغم إنها مؤذية ليكي

1️⃣ التعلق العاطفي العميق:

نمط التعلق بتاعك لو غير آمن في الغالب هيكون وجودك في العلاقة مبني على التعلق بالشخص مش التواصل معاه ، ودا بيخليكي بتواجهي صعوبة في الابتعاد أو إنهاء العلاقة، لأن هنا البعد أو التخلي وكإنه بيكون خسارة ل جزء من الذات بسبب ارتباط نمط تعلقك غير الآمن باحتياجات نفسية جواكي متسددتش من الطفولة.

2️⃣ الأمل في التغيير:

كتيير من الناس الإيجابية بيتمسكوا بعلاقات مؤذية عشان عندهم اعتقاد إن الشخص الاخر هيتغير في المستقبل وإن هي اللي هتساعده ع التغيير وإن وجود العلاقة في حد ذاته هيكون دافع في التغيير ودا طبعا مش بيحصل عشان الشخص المؤذي من سماته اللاشعورية إنه بيرفض التغيير.

3️⃣ الخوف من الوحدة:

إنك ممكن تخافي إنك تبقي وحيدة أو أنك مش هتعرفي تدخلي في علاقة تانية وهنا الوحدة بالنسبة ليكي هتبقى شي مخيف وهتفضلي تقعدي في علاقة غير صحية أكتر من مواجهة الوحدة.

4️⃣ الدورة النفسية للإساءة والتسامح:

أهم علامة تؤكد إنك في علاقة مؤذية هي "دورة الاساءة""abuse cycle"" وهي دورة عبارة عن مراحل مابين اللطف و الكلام الحلو والمعسول ثم الإساءة وبعد كدة التصالح والوعود والتسامح وهكذا تفضل الدايرة ماشية على الشكل ده وده بيدي أمل ليكي إن الدنيا هتبقى أفضل بس للأسف مع تكرار الدورة دي معاكي دماغك بيتبرمج على كدة وبيحصل حاجة جواكي اسمها "trauma bonding" بتخليكي دايما مربوطة بالعلاقة وعلى استعداد تغفري مهما كانت الإساءة.

5️⃣فقدان الثقة في النفس ونقص الاستحقاق أثناء العلاقة :

لو الشخص المؤذي بيركز على النقد والاستهزاء وقلب الترابيزة ممكن دا يؤثر على استحقاقك وتحسي إنك متستاهليش أفضل من كدة ف "اللي نعرفه احسن من اللي منعرفوش"

👈طيب إيه الحل 🤔؟؟

⬅️فيه حكمة جميلة بتقول️:
"مادام الشيئ لايعطيك إلا الحزن ،فلن يأتي يوما ليعطيك السعادة"
والعلاقات المؤذية بتستنزف الطاقة والمشاعر وبتحوله لإرهاق وتعب

⬅️الأمل بدون مايكون مبني على واقع ملموس وليه نتايج واضحة وتحسن فعلي يبقى وهم وسراب  مش أمل 
فلو كل شوية هتبني أمل على اساس إن اللي قدامك هيساعدك ان تكون العلاقة أفضل ويستثمر فيها ويبذل مجهود ودا مبيحصلش إنتي كدة عايشة الوهم وبتخدعي نفسك 
فيه# مقولة بتقول:
"التفاؤل بدون خطة مجرد وهم"

⬅️فيه باب في الفقه اسمه "فقه الأولويات "
عشان تحددي أولوياتك صح في الحياه بتبنيها على اساس:
(الله -أنا -الآخر) ،لذلك أي تغيير في المعادلة دي بيدخلك في شرك خفي والعياذ بالله بالإضافة إن حفظ النفس ضرورة ومقصد من مقاصد الشريعة
فلو علاقة هتتسبب في أذى ليكي سواء جسدي أو نفسي أو معنوي إنتي كدة بتضري نفسك

⬅️وآخيراً
احسبيها مكاسب وخساير ولو الخسارة أكتر انتي محتاجة أولا إنك تحصني نفسك بالقوة النفسية وتشتغلي على نفسك أووي وعلاقتك ب ربنا واستقلاليتك  عشان تقدري تواجهي تحديات القرار  وتذكري دايما قول الله تعالى
(( لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ )) " البقرة 286"
((رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ)) "البقرة 286"🙏🙏🙏

hottg.com/Tulip28L/6819

1.2K viewsLoujen Mohamad, Nov 5, 2024 at 09:59