قصة ابتزاز الرجال جنسيا !!!
.....
يجي لك واحد ماقد له خمس سنوات من حين سمحت له امه يخرج يلعب بالشارع
يساير خبرة المعهد والا الجامعة شهرين، ويحضر له ندوة على نسكافيه في احد الكافيهات
ويفتح له صفحة في الفيسبوك، وينضم بحماسة لمبادرة شبابية فيها شباب وشابات،
ويبدأوا يتناقشوا كم يوم عن ايش الوضع _ المش حلو_ الي وصلنا له، ويوصلوا بعد ساعة لمرحلة... " والله ان شكلهم كلهم على باطل " ،
واليوم الثاني، يجي احد معلميهم الذي درس بالغرب،يستغل الوضع المفروض علينا،ويحلس يشبجهم ساعتين ضد بلادهم، وشعبهم، وضد العادات والتقاليد
ومايجي موعد الدورة الثانية، الا وقد معاهم انشطة شبابية كثيرة مرررة حلوة،
ومجموعة في الوتس اسمها/نشتي نعيش/
ويجلسوا طول العطلة، يتناقشوا مع المدرب الوااو، صاحب ربطة العنق الحديثة، عن ايش الحل، واحنا شباب، نشتي نكون مثل غيرنا، ايش ذنبنا انحنا ولدنا بين هولا الناس
فيرسل لهم، المدرب قلب وردي ووردة، ويقل لاتستعجلوا حبايبي، لأنكم وسط مجتمع يرفض التطور والتقدم، لانهم محكومين بدين يمنعهم من ذلك ، فحاولوا تتحملوا
وضيعوا وقتكم بهذه الكتب والروايات لما نلتقي ونعيش المرح في الدورة القادمة يااحلى دفعة
وبعدها
مايجي وقت اللقاء حقهم، الا وقد كل واحد يلمح للثاني..
بيني وبينك، في حاجات صح وحاجات غلط،
وتقلهم الزميلة الرقيقة، لالا ولافي غلط، معقولة حتى انتم نخبة الشباب المثقف، تقولوا غلط!!
الا وهم يفلتوا للقع، ومايجي العشي الا وقدهم بيحفظوا مجموعة من الاسئلة في المجموعة الوتس
ويخرجوا من ثاني يوم يختلطوا بالصغير والكبير، وكل من جابرهم شوية
بدأوا يتعمقوا معه وان قد كل واحد منهم في بقعة،
يربش له كمن مسكين يلقاه، بحقه الاسئلة الذي هو بنفسه مش داري ايش معناها وايش الاجابة الصحيحة عنها
وهات يابي هات
ايش الي يثبت لنا ان هذا القرآااان من السماء!!!
ايش يثبت لك وجود الله!!!
ايش يثبت لك ان في حاجة اسمها رسول وووو!!!
وان قد الادمي يشتي ينكر 1440 سنة من الاسلااام وماقد له سنة بهذه المرفالة
مش هكذا بس، شوية شوية وقد بينكر كل الاددديان وكل التاريخ ولو عمره عشرات الالاف من السنوات، ويشتي يقنعك ان كل ماتوارثته الاجيال عبر الازمان،
وكل ماتؤمن به الشرق والغرب والجن والانس والعرب والعجم، كذب
وحتى قصة ادم كذب، ويشتي الناس يصدقوه، ويوقعوا مثله بقر...
والا انتم ماعندكم حرية رأي....!!!!؟
والمشكلة يكارح ويصر انه على صح، وهو لو تناقشه نص ساعة يعتجم والا يبلدك من كثر المكارحة والتناقضات الي فيه
ولو كان شغل عقله شوية عندما ما فلت عقله وقلبه لما قالت له الزميلة الرقيقة: انت مسقف ولاززيم ماتصدق هاازه الخورافات..
كان عيشوف الغرب الي هو منبهر بهم الي صنعوا المستحيل،
ويشوف كيف كلهم متمسكين بدياااناتهم كانت صح والا خطأ.
وكل المحرمات فعلوها، لكن ماقد حد منهم نبع لهذا الحد من السخافة، لانه مابش علاقة بين الارتقاء والتقدم، والتخلي عن الددين والمعتقد بنزعة كبرياء نفسية جاهلية، ونزغة انانية شيططططانننية
وبااختصار، لو يتخلى عن محنة التلال، ويبطل يسهر مع الكلام المرهف الى الصبح ويرقد للمغرب، ويبطل يعيش في وهم خياله،
انه عيشوف الصح، ويهتم بالمهم، ويقع رجال
لكن مابش فايدة، هو ماعيصحى، الا وقد البنت هذك فلتته وسارت تتعشى هي وصاحبه، وتفعل له رسالة
_"حبيبي صاحبك طلع يحبني مثلك بالضبط، ايش رأيك نتزوج الثلاثة ونعيش كلنا في بيت!!!-
😮
وهو يقعي سكتة، لاساخي يفلتها، ولا قادر يقلها مايجوز،
لأنهم قدهم ملححححددين مايعترفوش بأي حاجة من الدين، لأنها عتفلته لو يتخلى عن هذه السقافة ،
وهكذا يستمر ابتزازها له،ويجلس يطوي ارواحنا لغفجة وسماجة واسأله مالأمها دخل بمنطق، وكلمات ولا لأبوها اصل
وهو لافي حسه تطور ولا شعب ولا وعي، هو همه الحلوة تشوف منشوراته، وترسل له قلوب، وماتجلس مع صاحبه اكثر منه
#شوية_حيوانات_بلا_عقول
>>Click here to continue<<