الجزء السادس :
*(لا تلهيكم القراءة عن الصلاة يالغوالي) اللهم بلغت اللهم فاشهد*
*▭▭▭▭▭▭▭▭▭▭▭▭▭*
قامت رزان بدها تروح على غرفتها ترتاح ولما فتحت الباب شهقت شهقة كبيرة ووقفت مصدومة لامن تما ولا من كما
ابو مرهف: خير شبك رزان شوفي
رزان ما تحركت ولا حركة بس حطت ايدها على تما وصافنة بالشي يلي برات الغرفة
قام زوجها ليشوف شبها تفاجأ بوجود مرهف واقف قدام الباب ووشو اصفر ومابيتفسر وفاتح عيونو على ملاتن
شبك ابني شوفي
ماجاوب
هزو ابو مرهف : ابني حبيبي احكي شبك
جامد بارضو كأنو روحو فارقتو
ام مرهف : مممم مرهف اااا ابني شبك
بقلبا :: لا ياربي لا اكيد ما سمع دخيلك يارب دخيلك
بلعت ريقها وقوت قلبا مسكتو من ايديه وشدتو عالغرفة قعدتو عالكنباية وقعدت قبالو
ومرهف لساتو مصدوم وماقدران يحكي ولا قدران يعبر عن يلي جواتو وقف الكلام بحلقو علقو الدموع بعينو قلبو صارت دقاتو الف
بقلبو : مستحيل شو لا لا مين كيف وين ابي لا لا اكيد لا امي شو يعني مو امي
واقفين ابوه وامو قبالو وخايفين كتير من يلي عميصير معو شايفينو قدامن جسد بلا روح
قربت رزان منو مسكتو من كتافو امي حبيبي قول شي ببوس ايدك احكي
مرهف اطلع بعيونها: مين انت
رزان بقهر ووجع وتعب وبكل صوتا : لااااااااااااااااااااا
وفجأة ارتخت واغمى عليها
ركد كريم وهو عميصرخ رزان قومي مشان الله مرهف جيب مي ابي ومرهف بعالم تاني
قام ابوه بيأس من حالتو ركض عالمطبخ جاب مي واجا وصار يرش على وش مرتو
رزان اصحي حبيبي مشان الله اصحي
بلشت رزان تفيق وهي عمتقول مرهف امي وينو انت ابني مرهف
كريم : روقي حبيبتي روقي وصحصحي سندها لحتى نيمها على عالكنباية
وعيونها مليانة دموع وعمتطلع بمرهف يلي بلشت اطرافو ترتخي ركى ضهرو عالكنباية تقول جبال قاعدة على صدرو
سندو ابومرهف لصار راسو على صدرو وحاوطو بايديه التنتين وبلش يخبرو بالحقيقة وام مرهف دموعها ملات وشا
مرهف ببكا و حزن : يعني انتو مواهلي كيف هيك ابي كيف ليش ماخبرتني قبل هلا
كريم : سمعت شوناديتني ابي صح نحنا ماخلفناك بس والله اعتبرنا انك من صلبنا واحد منا وفينا ومارضينا نخبرك مشان تعيش حياة عادية وهادية وطبيعية
مرهف بحزن: يعني هلا رح تتخلو عني ماعاد بدكن ياني
ام مرهف ودموعها شرارة ركضت عند رجليه شو عمتقول لك امي انت ابني انت روحي وعمري وحياتي ولك انت قطعة من قلبي
اخيرا فاق مرهف من صدمتو وشاف امو بهالحالة بكل هدوء قال امي انت امي مبلا رفع راسو لفوق وصرخ وهو عميبكي يا الله الله يرحمك ياامي ااااااااه الله يرحمك انت وابي ورمى حالو بحضن رزان ااااخ ياامي ااااااخ
دخيلك ياامي ماتتركيني لك والله بحياتي ما حسيت انك مو امي والله ببوس رجلك يا امي خليني معك خليني بحضنك
وهي حاضنتو وعمتشهق من كل قلبا : انت الهوا يا ابني انت النبض مستحيل اتخلى عنك
بعدت عنو شوي حضنت وشو بين ايديها اطلعت فيه بنظرة حادة اسمعني حبيبي اصحك بيوم تفكر انو مالي امك ربيتك من اول يوم ولدت فيه حضنتك وحبيتك اكتر من بناتي انت ابني عمتسمع فهمان ابني انا لو بتخلى عن روحي عنك مابتخلى والله لوبدن يشقفوني شقف عنك مابتخلى
وهو عميراقبها بعيونو المليانة دموع اااخ ياامي ورجع رمى حالو بحضنا وشد عليها
ضمتو وكل حب الدنيا وحنيتا اجتمعو بهالحضن
حط كريم ايدو على راسو قلو اهدى ابني قوم ارتاح بغرفتك وحاول تنسى وبدي منك تعيش حياتك معنا كأنك ماسمعت شي واصحك ياابني تحكي لحدا اصحك ماشي
مرهف : ليش ابي
كريم : ابني لحتى تكبر ويشتد عودك انت سمعت امك ليش ماحبت تخبرك ما
مرهف اي ابي
كريم : بدنا ياك قوي لما تواجه الناس وماتكون ضعيف ابدا مشان هيك تكتم عالموضوع لحتى شوف انا انك صرت جاهز
مرهف : حاضر ابي
كريم حضنو: الله يرضى عليك ياابني قوم نام وارتاح هلا وبكرة شو بدك انا جاهز
قام مرهف وهو منهار فات على غرفتو يلي كان يتشارك فيها مع المى ( واخواتو يلي تزوجو كان الن الغرفة التانية ) لقاها تاركة تختا ونايمة مكانو قعد عند راسها ومسح على شعراتا وبقلبو غصة كبيرة كأنو كان عايش بحلم وصحي منو
بقلبو : معقول انت مواختي كيف هيك يارب
تجمعو الدموع بعينو بس والله انا بحبكن كتير
حط راسو بين ايديه يارب دخيلك شو اعمل هلا
فاقت المى شبك اخي ليه ما نمت
ابتسم ابتسامة ناعمة كيف بدي نام وانت نايمة بتختي
المى : كنت خايفة وين كنت انت تعال نام حدي الله يوفقك
مرهف : طيب اختي بعدي شوي لهنيك حضن اختو بين ايديه حس بالأمان وغط بنوم عميق
تاني نهار فاتت امو تطمن عليه تفرجت فيهن كيف نايمين وابتسمت : انت هيك بدك تضلي لازقة فيه ههههه
حس مرهف على وجود امو فتح عينو صباح الخير امي
>>Click here to continue<<