وقفت بحيرة مش عارفة هعمل ايه بس لقيتني فعلا بعد دقيقتين بجري على الدولاب بحاول أختار حاجة كويسة عشان ألبسها..

......
بقلمي إيمان محمود
......

~ايه القمر دا!
-شكرا
~لا شكر على واجب يا أبلتي

حاولت أكتم ضحكتي بس معرفتش، ريأكشنات وشه غريبة أوي..

~المطعم دا تحفة، تعالي جربيه

دخل وأنا وراه وقعدنا وطلبنا الأكل..

~احكيلي عن نفسك بقىٰ

بصيتله بتردد بس خدت نفَس طويل وسندت على الترابيزة و..

-عايز تعرف ايه؟!
~كل حاجة
-ابتسمت بوجع: حياتي مش مُثيرة للدرجادي يعني.. بابا وماما منفصلين، وأنا شوية عند بابا وشوية عند ماما وشوية بترمىٰ عند تيتا، شخصياتهم كلهم مش شبه بعضها، ماما كانت القاسية، وبابا يعيني عليه كان طيب، وأنا (اتنهدت).. مكملتش تعليم من بعد تالتة ثانوي عشان مكنتش ثانوي عام ومجموعي جاب كلية في القاهرة، واحنا عندنا مفيش بنات تسافر، بس سيبتهم وسافرت غصب عنهم، وعشت في القاهرة لوحدي مع كام بنت من الكلية، كانوا المثال الحىّ لِـ أصدقاء السوء وبقت كل واحدة منهم تبخ سمها في وداني شوية، وأنا كنت بسمعلهم، مقدرتش أستحمل كتير لوحدي فرجعت البيت تاني، وياريتني ما رجعت بجد.. طول الوقت في خناق، ومشاكل، والحمد لله يعني البني آدم الوحيد اللي كنت بحبه راحت صحبتي لما عرّفتها عليه ارتبطت بيه وخزوقوني.. (ضحكت) صحبتي المتجوزة راحت ارتبطت بيه، يلا.. أهو كله رايح، هي يعني جات عليهم؟!
~بتحبي الشوكولاتة؟!

بصتله بتفاجؤ، بعد المأساة دي دا اللي هيقوله؟!، أما واحد.. قمر بصحيح..

-اه بحبها
~البيتزا وصلت، نخلص وهجيبلك

قعدنا ناكل في جو هادي نوعا ما وهو بيحكيلي عن نفسه شوية..

......

-في عريس متقدملي يا حسام
~انتي بتهزري صح؟!
-عيطت: لا، وماما ضاغطة عليا أوي عشان أوافق عليه
~بضيق: طب هتعملي ايه؟!
-مش عارفة

بص حواليه بضيق وأنا عياطي زاد، مش عايزة أتجوز غيره.. أنا.. حبيته!..

~بصي.. أنا عايزك تهدي تمام!، أنا.. هحاول أتصرف

هزيت راسي ومسحت دموعي وهديت نوعا ما.. بقالنا حوالي تلات شهور مع بعض، بنتكلم كتير وساعات بنخرج سوا، محدش فينا عارف مشاعر التاني بس العلاقة بينا كويسة.. علاقة لطيفة!..

.....

*داليا، عاملة ايه؟!

بصيت على الأكونت اللي بعتلي بصدمة وضحكت بذهول، دي فرح.. كانت زميلة ليا في السكن، الوحيدة اللي كنا بنتجنبها كلنا عشان كانت في حالها وكل ما تتكلم تقولنا إن اللي بنعمله دا غلط..

-فرح، عاملة ايه؟!
*الحمد لله يا حبيبتي، انتي اللي عاملة ايه؟!، جيتي على بالي فجأة فقلت أطمن عليكي
-أنا كويسة يا فروحة
*يارب دايما يا داليا
-أنا وانتي يا رب

الكلام خلص كدا؟!!

-فرح
*نعم؟

ردت بسرعة، مكانتش طلعت من الشات أصلا، الظاهر انها كانت بتفكر في طريقة تبدأ بيها حوار..

-عايزة آخد رأيك في حاجة
*خدي يا حبيبي
-بصي.. أنا بحب واحد
*اوعي تكوني بتكلميه يا داليا، أيام الكلية أنا عارفة ان البنات كانوا بيضغطوا عليكي وكانوا مفهمينك انها زيطة بس دلوقتي لا.. داليا اوعي

معرفتش أرد عليها، أقولها ايه؟؟! اني بقالي تلات شهور معاه؟!..

-لا متكلمناش
*طيب يا حبيبتي، بصي أحسن حاجة تعمليها إنك لو بتشوفيه في أماكن معينة تتجنبيها، وبلاش تتكلمي معاه خالص، حافظي على الصلاة وادعي انه يكون من نصيبك ولو فيه الخير ان شاء الله نسمع بارك الله لكما وبارك عليكما قريب، أنا مش عايزة أتدخل في حاجة أنا مليش دخل فيها بس أنا بجد بتمنالك صلاح الحال، كلامك معاه في أي حاجة هيغضب ربنا ولو حصل نصيب بعدين واتجوزتوا صدقيني ربنا مش هيباركلكوا في حياتكوا لأنكوا بدأتوها بمعصية، فابعدي عنه أحسن
-ان شاء الله يا حبيبتي

بعتها وقفلت خالص، كلامها لغبطني، وترني، بس.. أنا مش بعمل حاجة غلط يعني.. ما كل الناس بترتبط ومقضيينها، أنا اللي الكون هيتهد بسببي مثلا؟!..

......
بقلمي إيمان محمود
......

«لا حول ولا قوة إلا بالله، حد يرن على الإسعاااف»

مكنتش حاسة بحاجة، زغللة مؤلمة في عيني مع وجع في كل جسمي خلاني مش قادرة أتحرك، دوشة كتيرة حواليا وناس كتيرة بتتكلم وأنا مش عارفة أعمل حاجة، حاسة إن روحي بتتسحب مني..

الزغللة خفت شوية ومرت واحدة حسيت بتُقل في راسي وغمضت عينيا بتعب.. ووجع!..

......

+بانهيار: انتي كويسة؟!
$بعياط: داليا ردي عليا

بصيتلهم ومرة واحدة غمضت عينيّا من تاني، مش قادرة أفضل صاحية..

.....

=آنسة داليا، ممكن تقوليلي حاسة بإيه؟!
-وجع
=إن شاء الله يخف قريب، أنا هديكي مسكن دلوقتي وإن شاء الله كلها نص ساعة ومش هتحسي بأي حاجة

هزيت راسي بصعوبة والدكتور حط مسكن في المحلول المتوصل بإيدي بعدين مشى، بصيت لماما وبابا اللي قاعدين جنبي و..

-بتعيطوا ليه؟!
$عياطها زاد: انتي كويسة؟!

هزيت راسي من غير كلام وشوية و..

$بعياط: ازاي تعدي الشارع بالتهور دا؟!، انتي اتجننتي؟!

ديچاڤو 📒💛

وقفت بحيرة مش عارفة هعمل ايه بس لقيتني فعلا بعد دقيقتين بجري على الدولاب بحاول أختار حاجة كويسة عشان ألبسها..

......
بقلمي إيمان محمود
......

~ايه القمر دا!
-شكرا
~لا شكر على واجب يا أبلتي

حاولت أكتم ضحكتي بس معرفتش، ريأكشنات وشه غريبة أوي..

~المطعم دا تحفة، تعالي جربيه

دخل وأنا وراه وقعدنا وطلبنا الأكل..

~احكيلي عن نفسك بقىٰ

بصيتله بتردد بس خدت نفَس طويل وسندت على الترابيزة و..

-عايز تعرف ايه؟!
~كل حاجة
-ابتسمت بوجع: حياتي مش مُثيرة للدرجادي يعني.. بابا وماما منفصلين، وأنا شوية عند بابا وشوية عند ماما وشوية بترمىٰ عند تيتا، شخصياتهم كلهم مش شبه بعضها، ماما كانت القاسية، وبابا يعيني عليه كان طيب، وأنا (اتنهدت).. مكملتش تعليم من بعد تالتة ثانوي عشان مكنتش ثانوي عام ومجموعي جاب كلية في القاهرة، واحنا عندنا مفيش بنات تسافر، بس سيبتهم وسافرت غصب عنهم، وعشت في القاهرة لوحدي مع كام بنت من الكلية، كانوا المثال الحىّ لِـ أصدقاء السوء وبقت كل واحدة منهم تبخ سمها في وداني شوية، وأنا كنت بسمعلهم، مقدرتش أستحمل كتير لوحدي فرجعت البيت تاني، وياريتني ما رجعت بجد.. طول الوقت في خناق، ومشاكل، والحمد لله يعني البني آدم الوحيد اللي كنت بحبه راحت صحبتي لما عرّفتها عليه ارتبطت بيه وخزوقوني.. (ضحكت) صحبتي المتجوزة راحت ارتبطت بيه، يلا.. أهو كله رايح، هي يعني جات عليهم؟!
~بتحبي الشوكولاتة؟!

بصتله بتفاجؤ، بعد المأساة دي دا اللي هيقوله؟!، أما واحد.. قمر بصحيح..

-اه بحبها
~البيتزا وصلت، نخلص وهجيبلك

قعدنا ناكل في جو هادي نوعا ما وهو بيحكيلي عن نفسه شوية..

......

-في عريس متقدملي يا حسام
~انتي بتهزري صح؟!
-عيطت: لا، وماما ضاغطة عليا أوي عشان أوافق عليه
~بضيق: طب هتعملي ايه؟!
-مش عارفة

بص حواليه بضيق وأنا عياطي زاد، مش عايزة أتجوز غيره.. أنا.. حبيته!..

~بصي.. أنا عايزك تهدي تمام!، أنا.. هحاول أتصرف

هزيت راسي ومسحت دموعي وهديت نوعا ما.. بقالنا حوالي تلات شهور مع بعض، بنتكلم كتير وساعات بنخرج سوا، محدش فينا عارف مشاعر التاني بس العلاقة بينا كويسة.. علاقة لطيفة!..

.....

*داليا، عاملة ايه؟!

بصيت على الأكونت اللي بعتلي بصدمة وضحكت بذهول، دي فرح.. كانت زميلة ليا في السكن، الوحيدة اللي كنا بنتجنبها كلنا عشان كانت في حالها وكل ما تتكلم تقولنا إن اللي بنعمله دا غلط..

-فرح، عاملة ايه؟!
*الحمد لله يا حبيبتي، انتي اللي عاملة ايه؟!، جيتي على بالي فجأة فقلت أطمن عليكي
-أنا كويسة يا فروحة
*يارب دايما يا داليا
-أنا وانتي يا رب

الكلام خلص كدا؟!!

-فرح
*نعم؟

ردت بسرعة، مكانتش طلعت من الشات أصلا، الظاهر انها كانت بتفكر في طريقة تبدأ بيها حوار..

-عايزة آخد رأيك في حاجة
*خدي يا حبيبي
-بصي.. أنا بحب واحد
*اوعي تكوني بتكلميه يا داليا، أيام الكلية أنا عارفة ان البنات كانوا بيضغطوا عليكي وكانوا مفهمينك انها زيطة بس دلوقتي لا.. داليا اوعي

معرفتش أرد عليها، أقولها ايه؟؟! اني بقالي تلات شهور معاه؟!..

-لا متكلمناش
*طيب يا حبيبتي، بصي أحسن حاجة تعمليها إنك لو بتشوفيه في أماكن معينة تتجنبيها، وبلاش تتكلمي معاه خالص، حافظي على الصلاة وادعي انه يكون من نصيبك ولو فيه الخير ان شاء الله نسمع بارك الله لكما وبارك عليكما قريب، أنا مش عايزة أتدخل في حاجة أنا مليش دخل فيها بس أنا بجد بتمنالك صلاح الحال، كلامك معاه في أي حاجة هيغضب ربنا ولو حصل نصيب بعدين واتجوزتوا صدقيني ربنا مش هيباركلكوا في حياتكوا لأنكوا بدأتوها بمعصية، فابعدي عنه أحسن
-ان شاء الله يا حبيبتي

بعتها وقفلت خالص، كلامها لغبطني، وترني، بس.. أنا مش بعمل حاجة غلط يعني.. ما كل الناس بترتبط ومقضيينها، أنا اللي الكون هيتهد بسببي مثلا؟!..

......
بقلمي إيمان محمود
......

«لا حول ولا قوة إلا بالله، حد يرن على الإسعاااف»

مكنتش حاسة بحاجة، زغللة مؤلمة في عيني مع وجع في كل جسمي خلاني مش قادرة أتحرك، دوشة كتيرة حواليا وناس كتيرة بتتكلم وأنا مش عارفة أعمل حاجة، حاسة إن روحي بتتسحب مني..

الزغللة خفت شوية ومرت واحدة حسيت بتُقل في راسي وغمضت عينيا بتعب.. ووجع!..

......

+بانهيار: انتي كويسة؟!
$بعياط: داليا ردي عليا

بصيتلهم ومرة واحدة غمضت عينيّا من تاني، مش قادرة أفضل صاحية..

.....

=آنسة داليا، ممكن تقوليلي حاسة بإيه؟!
-وجع
=إن شاء الله يخف قريب، أنا هديكي مسكن دلوقتي وإن شاء الله كلها نص ساعة ومش هتحسي بأي حاجة

هزيت راسي بصعوبة والدكتور حط مسكن في المحلول المتوصل بإيدي بعدين مشى، بصيت لماما وبابا اللي قاعدين جنبي و..

-بتعيطوا ليه؟!
$عياطها زاد: انتي كويسة؟!

هزيت راسي من غير كلام وشوية و..

$بعياط: ازاي تعدي الشارع بالتهور دا؟!، انتي اتجننتي؟!

hottg.com/Sidranovels/3149

34 viewsEsraa M. Ragab, Apr 15 at 10:09