عن سوداء وأبيض
بقلم:تسنيم عبدون
_14_والاخيره..
مرت الايام والاسبوع الجاي عرس عماد في يوم وانا قاعده ناداني مشيت ليهو بقى يتكلم معاي كده تاني قال لي تعرفي الصافي المعانا في الفرقة قلت ليهو اكيد طبعا قال لي قال عايزك ع سنة الله ورسولة طوالي وقفت ع حيلي وانا مصدومة قلت ليهو مستحيل طبعا مستحييييييل قال لي ليه يعني قلت ليهو عماد الصافي انا م مابياهو دين وخلق وكامل مكمل والكمال لله بس م مناسب لي قال لي السبب قلت ليهو عماد انا م صدقت خلصت الجامعة عشان كلام الناس في لوني كمان اعرس الصافي تاني م حيخلو لي جنبة ارقد عليها قاطعني قال لي هششششششش لو ده عزرك اسكتي ي عبلة اوعك تواصلي عبلة انتي لو متخيلة انو ممكن يوم يعدي بدون كلام الناس كذاابة ف انتي م تخلي كلام الناس ع حساب سعادتك تمام عبلة انا اديك مثال الرسام لمن يرسم لوحة بتكون فيها عدة الوان كل لون بكمل رفيقو يعني مثلا الابيض والاسود الاحمر والأصفر تمام معاك يلا نحنا زاتنا ربنا لمن خلقنا نحنا البشر بي الوان مختلفه برضو شان نكمل بعضنا ونظبط لوحة عبلة بطلي تفكيرك الرجعي ده وامشي فكري تمام وخليك عارفة انو دي وصية امو كمان تمام قلت ليهو تمام مشيت بقيت قاعده سرحانه وكل يوم بفكر وم قادره اصل لي حل والضيوف وصلو للعرس مشيت قلت استشير بت عمي سالتها قالت لي صلي استخاره بليل بعد الناس نامت قمت صليت ودعيت ورقدت نمت الصباح صحيت مطمئنة شديد والعجب حلمت حلم حكيتو لبت عمي قلت ليها حلمت انو الصافي جا اداني مفتاح لكن ده مفتاح شنو م عارفة وصحيت متقبلة فكرة اني اعرس الصافي قالت بسسس النصيحة اللففف مبروووك ي زولة والمفتاح ده يكون مفتاح بيتك يختي ههههه بقت تضحك قلت ليها طيب انا حامشي اكلم عماد قالت لي ايوا مشيت نايتو ع جنب ووريتو بي اي شي فرح شديد لمن دمع قال لي يعني اقول مبرووك سكت ساي وبتخجل بقى يضحك قال لي معقولة انتي عبلة اختي عيانة ولا حاجة اول مرة اشوفك هادئة ههههه بقى يضحك وقال لي انا حاتصل ليهو واوريهو انك وافقتي ومشى وانا جيت راجعة عماد اتصل للصافي ووراهو انو وافق فرح شديد وقال ليهو انا جاهز كمان بجي اتقدم ليها تاني يوم عرسك بس الليلة حاتصل لعم بخاري واوريهو قال ليهو قدام وقال ليهو م تنسى الليلة الحنة قال ليهو قدام ي صحبي هههه بقو يضحكو
وعدا العرس زي السكر وتاني يوم اتقدمو لي كان يوم سبت ويوم الاتنين كان تخريجي ما شاء الله اسبوع كلو فرح ان شاء الله دايما ويوم الاتنين لبست واتشيكت وشفت فرحة اهلي في عيونهم ومشينا اتصورنا آوت دور كلنا وكانت ناقصه عماد وبعداك مشينا صالة التخريج لمن زاعوني وكنت مجهزه وشاحين لامي وابوي واول اغنية كانت اغنية حرم النور(رضاكم لي دروبي الضي امي وابوي ارضو علي وصيتك يمة م بنساها محفوظه في سواد عيني ديل وقولك يابا حافظه عديل حاشاك الكلام الني)ولبستهم الوشاحين وبعداك رقصنا انا وعرفة اغنية دي جي بيسكوير ومشيت استلمت الشهاده وبقو يندهو في الاهداءات الجاتني منها اهداء من الصافي واول حاجه كان كاتبة إلا باكر ي حليوه لمن أولادنا السمر يبقو افراحنا البنمسح بيها احزان الزمن نمشي في كل الدروب الواسعة ديك والميادين الصغيره تبقى اكبر من مدن ايدي في ايدك نغني....
فرحت شديد لمن بكيت وشلت اهداءاتي انا نازلة من المسرح القى عماد اخوي منتظرني حضني عليهو شديد وهو يبكي وفرحان شديد بارك لي وسلمت على ماريا باركت لي كان يوم رهييب شديد ورجعنا البيت وعماد وماريا رجعو الفندق عشان مسافرين بكره كان مفروض يسافرو الليله بس أجلو عشان تخريجي
لمن انتهيت خلاص وامتحنت ونجحت بي امتياز مرتبة شرف وكنت مبسوطة شديد عرسي قرب بقيت في التجهيزات في يوم لقيت الصافي منزل منشور في الفيس كاتب انتو بتعشقو اللون الابيض لجمال مظهره وانا أعشق اللون الاسود لنقاء داخلة عملته ليهو لايك وعلقت ان كان اللون الاسود نقي بداخلة فالابيض نقي بداخلة وخارجه..
ومرررت الايام والعرس تم والحمد لله بالرغم من السمعتو كتير من كلام الناس لمن شافو الصافي قالوا ولد ابيض زي ده يعاين لعبلة م اشتغلت بيهم كتير وبي الزفاف طلعت نجفة عشان م بعمل ميكب واول مره اعملوا وم عملنا حفلة عشان خالتو اماني بس كان حلوو شديد وبسيط
كسره:الرواية دي كتبتها انا تسنيم عبدون م بمنع من نشرها بس حفظ الحقوق في مكانها🙂✋
==كسره:
كده الرواية خلصت وبتمنى تكون عرفتو قصدي من الرواية مافي داعي للعنصريه مافي داعي للتفريز كلنا واحد وكلنا بشر
واهداف الروايه الوعي التام وعدم العنصريه والقروش م كل حاجة والجنس م بحدد معدن الزول ومافي داعي نجرح الناس بشكلها ولا بجنسها ولا بلونها كلنا من طين وكلنا حنمشي تحت التراب نعيشها ونحنا واعيين بدون م زول يفرق بينا و بلاك أور وايت أول اذ ونن❤️
الحمد لله حمدا كثيرا طيبا مباركا فيه اللهم اجعلها سببا لتقدم بلادي ولوعينا واجعلها سببا في توحدنا ي الله واستغفر الله العظيم
وشكرا❤️❤️
النهاية.......
>>Click here to continue<<