عن سوداء وأبيض🖤
بقلم:تسنيم عبدون
_8_
مررت الايام وصورنا الحلقتين الاوائل طلعو ظابطين والتمثيل طلع أروع كان عن العنصرية بتاعة اللون وطلع ظريييف شديد والصافي عزمنا عرس اخوهو قال الاسبوع الجاي وعدناهو انو حنجي وودعناهم كل زول مشى بيتو
من ناحيتي نتيجتي طلعت بتاعة سمستر1وكنت جيد جدا فرحت شديد واقتنعت بكلام عرفه انو ربنا لمن يحرمك من حاجة بديك حاجة حلوه تانية..
........................
كمال ضميرو أنبو وحبه انو يكلم اولادو بالحقيقه لانو الزمن م معروف بكره ولا بعدو يسمعو كلام عنو كعب من حامد ولا غيرو ناداهم كلهم قعدهم وقال ليهم انا جمعتكم لانو عايز اوريكم حقيقة وانتو لازم تعرفوها قالو ليهو خير ان شاء الله ي ابوي اماني قالت ليهو خير ي كمال قال ليهم الصافي واريام اظن انكم شفتو الراجل الاسمو حامد الكان بجيني صح قالو ليهو ايوه قال ليهم طيب حامد ده كان جار جمال عمكم تؤمي بدري قبل م اولادو ديل يكبرو عمكم غدر بي جارو حامد في يوم من الأيام حامد كان عنده وفاة سافر بي اولادو وخلى مفتاحو بتع البيت عند جمال لان حامد كان مرووق شديد كان عندو في البيت دهب وقروش وبتع ادى جمال المفتاح عشان كل يوم يمشي يطمن عليهم فقام عمكم جمال الشيطان لعب بمخو ودخل سرق حامد جارو وعشان م يتعرف طوالي جاب اولادو رحل في بيت ابوي حتى لمن سالناهو السبب م ورانا م عرفنا الا لمن اعترف للقاضي بكل ده فقام جدكم الله يرحمه زعل وغضب شديد اهاااا قلنا نجمع نجتهد نجمع القروش المفقوده ونطلعوا من السجن جدكم حلففف علينا يمين مليم احمر م يندفع ليهو وقال خلوهو في السجن كده لحد م يتأدب وجدكم بالتفكير الكتير والصدمة الدخلت فيهو من ولدو بقى كل يوم وتاني عيان لمن اتوفى اهااا عمكم جمال لمن سمع انو ابوهو اتوفى وم راضي عنو مات بحسرتوو في السجن وطوالي بعدو حامد كان عامل حادث وهو كان في غيبوبة وصدمه ومرقدنو انعاش وزوجتو اتوفت نحنا بقينا نعمل الواجب نمشي ليهو بس كان كل م نمشي حالتو بتبقى اسوء وقال للمرضة تاني م تدخلنا مررت السنين واولاد عمكم كانوا قاعدين مع امهم ربتهم وسافروا بلاد بره وفي يوم وانا طالع من البيت ماشي المسجد لقيت حامد طالع من بيت في الحلة هنا يمكن حكاية ساعتين نحنا مقهيين نعاين في بعض الشي البعرفو سالت منو ناس البيت ابكان طلع منو قالو انو من الحادث فقد الذاكره بس متذكر حاجه وحده جمال اخوي وقصة السرقة فاااا لمن شافني انا عشاان بشبة جمال اخوي وطبعا هو ناسي انو جمال اتوفى طوالي من داك بقى مجرجرني يقول لي لو م عملت لي كده بوري اولادك حقيقتك اخر شي طلب مليار طبعا ع حسب اعتراف عمكم قال انو سرق منو 88مليون وهسه هو طلب مني مليار دبرناها ليهو انا والصافي اخوكم ف انا م سائل منو حاجه تاني حتى القروش الطلبها زياده عافيتها ليهو لله والرسول بس كنت عايز اوريكم الحقيقة عشان م معروف الزمن يمكن ربنا ياخد امانتو مني ويجي يقول ليكم حاجه كعبة عني وانتو تغضبو كلهم قالو ليهو بعد عمر طويل قال ليهم المهمم كده عرفتو الحقيقة يعني السارق اصلااا جمال اخوي تؤمي م انا تمام احمد قال ليهو ده كلو انت شايلو ع راسك ي ابوي بدون علمنا قال ليهو ي ولدي انا كنت عايزكم تحققوا طموحاتكم وم تشغلو نفسكم بالتفكير سااي و هسه كبرتو وم معروف القدر داسي لينا شنو اريام قالت ليهو طيب ي ابوي انتو مفروض تطالبو بحقكم بباقي القروش لانو عمي سرق 88مليون وهو شال منكم مليار قال ليها ي بتي انا م هماني القروش قليله رايحة كتيره رايحه المهم انكم عرفتو الحقيقه وخلاص اماني قالت ليهو بالله سبحان الله الراجل ده من شفتو اول مره معاك م ارتحت ليهو وعرفت في إن بيناتكم غايتو ربنا يكفينا شر الدنيا كمال قال ليهم يلا خلاص ندفن الموضوع ده هنا وم تشغلوا بالكم كتير هسه عايزكم تنبسطو وتفرحو قدامنا عرس تمام قالوا ليهو تمام......
.................................
مجموعتنا شبة بقت مشهوره ولقينا بركان بتاع لايكات😍❤️وبقينا نعمل حملات توعوية بين القبائل اللسة ماشة بالفهم الرجعي ونعمل تصالح بينهم وبقينا نعمل ندوات في الجامعات وتمثيليات وبازرات حلوه شديد والحمد لله الناس حبونا شديد❤️
يتبععع........
>>Click here to continue<<