#السلام_عليك_يارسول_الله
بوُداع النبي يا هو أكثر أحتار
گلب الزهره لو گلبك يكرار
*
يوم الغاب جد الحسن وحسين
و اسوَد الفضه وناحت الكونين
منهو احتار اكثر يبو الحسنين
وگلبمن بالمصيبه يشتعل نار
*
منك غصب رادو بيعة للجور
ومن فاطمه الزهره الضلع مكسور
وبعد هاي المصايب غايب النور
نور الهادي المصطفى المختار
*
من يافاجعه طرفك تغضه
وتنادي فاطمه بدمعه اتشضّه
وگع محسن الحگيلي يفضه
انهار الحيل من ضربة البسمار
*
من گربت وفاته والنبي غاب
أبيا جمره يحيدر گلبك أنصاب
غصب البيعه أشد لو محنة الباب
منو التركت ابگلبك سيدي آثار
*
قريش وللحقد رسمت علامه
تريد الما يريده الله بنظامه
اعترضت عالنبوه والامامه
ينجمعن بهاشم ،، رفضت الصار
*
انقطع عنهه الوحي والامه مولاي
على قطع الرحم متوحد الراي
جفن الزهره ظل بدموعه شچّاي
وبچه مسجد قِبا والركن والغار
*
بيت البي زغب جنح الوحي اليوم
بنار الحقد يابو الحسن مضروم
گلب النبي بصدر الزهره ملچوم
الـ بخآ ناداك امس هالليله غدّار
*
✍️سعد هادي الشمري
@saadhadi83
>>Click here to continue<<