ساعه ونص ع اني رح اصير 18
رح اكبر سنه اه بس لاول مره بحياتي بكون خايفه وحاسه بشعور غريب لهاي لدرجه🫀 ، انا بحياتي ما حبيت اني اكبر زي مهو الكل حاب يكبر ، ما بعرف ليش بس بجوز عالمنا والحياة ولمجتمع ما بخلو حدا حاب يكبر فيهم ، انا جد مخربطه لدرجه ما بعرف شو بدي ولا لوين بدي اوصل 📌، انا السنه هاي توجيهي🎓 بهلسنه صار معي شغلات بحياتي ما تخيلتها تصير مرقت باشياء وبضغط وبتعب وبتفكير لدرجه حسيتها اثقل سنه📦 ، ستوعبت فكرة انو مش كل اشي رح يمشي حسب تخطيطك ولا حسب انت شو بدك الدنيا ماشيه ع قدر ربنا تكه تكه 📜يمكن النا دور بانو نختار شو رح نعمل وقت ننحط بالاشي المكتوب رح نختار نكمل والا نهرب رح نختار نوقف ولا نوقع ، بحس هون اختيارنا بكون ، في آيه عطول براسي من سنين "وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لكم 🖤" لهيك انا راضيه بقدر ربنا راضيه ب يلي كاتبو الي ورح احاول اني اكون عند حسن ظنو فيي رح احاول اني اوقف ما اوقع احاول اتحمل يلي مرقت فيه ويلي رح امرق في لاقدر اوصل للمكان يلي بدي ياه🤍.
انا يمكن قاعده بكتب وبمسح الف مره لانو الشعور والحكي صعب وصفو ، ما بعرف احساس غريب انك قاعد بتكبر والحواليك بكبرو وذكرياتك بتزيد ومستقبلك بقرب ومخاوفك بتزيد والناس بتبطل كلها منيحه وتفكيرك ببطل ببرائتو ونتا طفل واحلامك بتبطل سهله زي مكنت تشوفها والحب بصير الو نهايتين تعيسه الاكثر انتشارا وسعيده وهي الأندر ، مو زي مكنت متخيلو بيت وولاد وحياة سعيده دايما 🖇والصحاب مو كلهم مناح وبحبولك الخير 🫂 بتصير تشوف الاشياء ع حقيقتها اكثر بتبطل عايش بخيالك يلي ممكن انتا حاب تضل فيه بصير الواقع ينفرض عليك وبتبطل قادر تتهرب منو ⏰ ، ما بعرف اذا رح اقدر ورح تمشي هلفتره واطلع منها مبسوطه واكون لسنه لجاي بمكان بشبهني ومكان انا حابيتو والا ما رح يصير هيك وبتمنى يكون نصيبي الخيار الاول🫶 ، الايام بتركض والناس بتتبدل وبنحس بالفقدان بزيد فقدان كل اشي مشاعر ، ناس ، عقل ، صحه🩹
بس انا بدعي دايما وبحكي يارب اطلع من هاي الحياة باقل خسارات ممكنه يارب ما افقد يارب ما افقد يارب ما افقد ❤️🩹 .
صدقوني ما في اشي بهاي الحياة بصير معنا عبث كل اشي مرق ورح يمرق بحياتنا الو معنى والو غاية ربنا بس عارفها ما تندمو ع اشي عشتوه ولا تندمو ع اشي اعطيتو ما تندمو ع اشي🥀 ضلكم اضحكو دايما ضلكم مبسوطين وحاولو تحبو الحياة حاولو ما تيأسو وتذكرو انو ربنا معكم بس انتو تكونو معو وحبو الخير لبعض صفو نواياكم وقلوبكم وبطلو تجرحو وتأذو بطلو غيره وبطلو حقد حنو عغيركم ربنا بحن عليكم ، وبالنهايه ما بعرف كم رح اعيش بهاي الدنيا بس بتمنى من كل قلبي اكون ما اذيت حدا فيها ولو حدا نجرح مني ف انا اسفه وبتمنى يسامحني لانو كل حدا دخل بحياتي بعرف اني مستحيل اذي حدا بقصد مني ، يمكن ما حد يقرا الرساله لانها طويله ويمكن حد يقراها عندو فضول ويمكن لانو بحبني يقرأها بس بتمنى من كل قلبي تتمنولي الخير وتدعولي كل ما تذكرتوني ، وشكرا لكل حدا مرق بحياتي سواء عمل منيح او لا لانو بالنسبه لالي الكل عباره عن درس بهاي لدنيا يا اما كنت درس لطيف ومرق بدون اضرار كبيره يا اما كنت درس علم عقلبي وتعلمت منك كيف اتصرف وكيف اكون وعالجهتين شكرا ، واخيرا ادعو لفقيدتي يلي علمتني كيف ما اذي حدا كيف اسامح وكيف اخذ حقي وكيف انسحب وكيف احب وكيف ما احقد علمتني كثير شغلات وربنا ابتلاني فيها وما أحب الله عَبْدًا الا وابتلاه فيما يحب والحمدلله دَائِمًا وَابِدًا على كل شيء 🎓🫂✨️
في أمان الله امضوا واسعوا وحاولوا حتى تصلوا الى ما تطمح وترغب به أنفسكم ولكل مجتهد نصيب ، كُل مُر سيَمُر وحاولوا دَائِمًا أن تسيرو عكس تيار الحياة ف نحن من لا يناسبنا ما يناسب الجميع🫂📝..
رزان 💛✨️.
>>Click here to continue<<