قصيدة فزاعية ( للامام علي ع )
.....................
شلون اداوي طبرتك
يابويه يا ضي عيني
شلون اداوي اصوابك
اذيت گلب احبابك
الناس لزمت بابك
يابويه بس حاجيني
حاجيني جاشنو الدوه
ابعازتك نگعد سوه
يابعد ريتي و الوهوه
يالطبرتك تاذيني
والله اسوم اني العمر
و اشري الدوه للمنطبر
اعليك دلالي جمر
وياك اجر اونيني
ونيت و اسمعتك تون
شبيدي عليك اباالحسن
اخلافك ايذلني الزمن
تدري الوكت يوليني
بالعيد اعيادمن بعد
و گليبي لجماه الفگد
ياهيبتي و انته السند
لا تمشي و تخليني
لا تمشي بويه ابداعتّي
تكسر الخاطر ونتّي
بعدك مسعره جمرتّي
و اغيابك ايبجيني
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
https://hottg.com/Omwiessam
>>Click here to continue<<