قصيده للزهراء عليها السلام
ــــــــــــــــــــــــــــــــــــــ
دارج ييمه اليوم
وحشه وخاليه
َََََََََََ___
وحشه وخليه الدار ماطب ليها
والروح خلصت حيل ماظل بيها
عگبج يمنهو الگال يمه اشبيها
(وجعانه /ابنيتج يمه)
✍️أم أحمد الساعدي
ـــــــــــــــــــــــــــــــــــــ
يوجع افراگ الموت ياضي عيني
يلشلتي عني بليل بس حاجيني
وبالحزن والاهـــــــات لتعوفيني
تانيني //عكبج ماضلن
ام علي البابلي
ـــــــــــــــــــــــــــــــــــــ
تانيني اروح اوياچ رحمي ابحالي
يـمـه عـلـيـچ ايـلـوج ظــل دلالـي
بعدچ يـزهره النوح بـس يحلالي
( اتخليني // ازغيره اشلون )
أم عــ✍🏻ــلـي الـحـلـفـي
ـــــــــــــــــــــــــــــــــــــ
چاوين بعد الگاج نمتـي بوادي
صحت بوراه بصوت ها ياالحادي
خل امي هذا اليوم حزني بادي
اتعوفيني //بالون والنوح
✍️ام علي البابلي
ـــــــــــــــــــــــــــــــــــــ
مو الچ يم حسين هاي الشيله
اتعوفيني يلتدرين مالي حيله
والشالت امه بليل يدي ادليله
باحزانه /عايش كل عمره
أم صــــ✍️ـــادق المنصوري
ـــــــــــــــــــــــــــــــــــــ
ضلمه المباني اخلاف عين الوالده.
اصرخ بعالي الصوت مامش فايده.
غيرچ يبعد الروح اني شرايده
( تخليني/ وي ضيم الدنيا)
✍🏾الاء الطائي
ـــــــــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 1/ جمادي الثاني / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العترة
https://hottg.com/+AAAAAEwOKHGXOfMP5uf_dQ
>>Click here to continue<<