قصيدة لمولاتي الزهراء ( عليها السلام ) ولسان حال ابنتها زينب ( عليها السلام )
٠٠❥❥٠٠❥❥٠٠❥❥٠٠❥❥٠٠❥❥٠٠
شلون الفاگد امه تغمض اعيونه
وابنص اللحد هالليله مدفونه
٠٠❥❥٠٠❥❥٠٠❥❥٠٠❥❥٠٠❥❥٠٠
ابنص اللحد نامت اميمتنه
ابحسرة صوتها لحبيبه خلتنه
والتعبت علينه ليش عافتنه
الدنيه اليتمتنه أشكثر ملعونه
أم عــ✍🏻ــلــي الـحـلـفـي
٠٠❥❥٠٠❥❥٠٠❥❥٠٠❥❥٠٠❥❥
ملعونه يدنيه اشبيج وي امي
اخذتي أم المحنه التشرك ابهمي
عليها العين ابد ماتبطل وتعمي
روحي اعله العزيزه اليوم مسحونه
✍️أم أحمد الساعدي
٠٠❥❥٠٠❥❥٠٠❥❥٠٠❥❥٠
جاوين المحنه يمه واحضانج.
ردي يالحنينه خالي امجانج.
بعدهي ابيتنه ياريحة اردانج.
كون انموت وي امنه ويجفنونه
✍🏻الاء الطائي
٠٠❥❥٠٠❥❥٠٠❥❥٠٠❥❥٠٠❥
ويه الوالده اتمنى يچفنوني
وبفد گبر وياها يدفنوني
ماضنيت اهل گلبي يعوفوني
بنص الدار ويه اخواني محزونه
✍🏻 الحجيه ام علي
٠٠❥❥٠٠❥❥٠٠❥❥٠٠❥❥٠٠❥❥٠٠
يا حيف المثلها تموت يا وسفه
ومغطي التراب خدودها الترفه
يا نبع المحنه وللگصد ملفه
بشوگ احضان كعداتج يمزيونه
✍🏻العلوية أم منتظر جمال الدين
٠٠❥❥٠٠❥❥٠٠❥❥٠٠❥❥٠٠❥❥٠٠
مشتاگه الحنانج والگلب ملچوم
خلاف عيونج امي فارگيت النوم
ماانسه مصابج يم ظلع مهشووم
والعافتها امها حالها شلونه
✍️ام حسين الحسني
٠٠❥❥٠٠❥❥٠٠❥❥٠٠❥❥٠٠❥❥٠٠
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 23/ جمادي الاولى / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العترة
https://hottg.com/+AAAAAEwOKHGXOfMP5uf_dQ
>>Click here to continue<<