يِمكن يا #رفيقتي الأيام تشغِلني عنّكِ ، يمكِن بعض الأوقات احكي مع الناس يلي بعرفها جديدة أكتر ما احكي معكِ ، ويمكن ما أعرف اعبّرلك عن حبي الحقيقي إلك ، لأنو إحنا دايماً بنمزح وكل حياتنا تفاهة ، بس أنا جد بحمد ربنا عوجودكِ بحياتي 💚
ما بخاف من أي مشكلة بوقع فيها لأنو دايماً بتذكر إنو في حدا مستعد يعمل كلشي لحتى يشوفني مرتاحة ، ما بزعل إذا خسرت أي شخص بحياتي ما دام هالشخص مش أنتِ 💚
بحب فكرة وجودكِ معي وبتخليني مطمئنة ، بتخليني أعرف إنو الحياة صعب تعيشيها لحالك ، بس بوجودكِ الحياة مش بس سهلة !
الحياة حلوة 💚
اللّحظات البريئة ، الاعترافات الصريحة ، بحس إنك مثل المراي بالنسبة إلي مستحيل يصير شغلة إلا تعرفيها قبل أي حد ثاني ، لأني واثقة فيكِ أكتر من نفسي 💚
يمكن هالحكي كلو هاد ما حكيتلك ياه قبل ، يمكن ما ذكرت موضوع حبّي القوي لوجودكِ ، بس أنا عارفة إنك باللحظة يلي عم تقرأي فيها هالحكي ، قلبكِ نفسو عم يبتسم ، مثل ما قلبي بيبتسم بالوقت يلي بتذّكر إنكِ #رفيقتي_الأبدية 💚
>>Click here to continue<<