Ona meni o'gil qilib tug'sang bo'larkan,
Uy tomin boshqatdan yopib berardim.
Ishlab, davlat topib hechkim kiymagan,
Asl matolardan topib berardim.
Qizbola birovning hasmi, palahmon
Uzoq uzoqlarga otilib ketdim.
Vada etilgani o'sha bir hirmon
Sariq chaqalarga sotilib ketdim
Qara qolib ketdi qarzlar uzilmay
Sen yo'q ostonani yalab yulqadim.
Seni sog'insam ham quchib suyolmay,
Kimni onajon deb tinmay alqadim.
Ona meni o'gil qilib tug'sang bo'larkan
Umrim o'tmasmidi yetti bukilib
Menga deb barmog'ing teshilib tikkan
Yostiq jildlariga ketdim to'kilib
Qizing qismatidan kuyib ketmasding
Ezilib ketmasding mendan ming chandon
Yetmishga bukilib ketmasdi qadding
Negayam qiz qilib tug'ding Onajon
Kechir kechirolsang mendan rozi bo'l
So'litgan men bo'ldim guldek yuzingni
Ox, ona shundayam duo qilasan
Faqat qizlarini o'ylar qizingni
✍ Malika Salimova
>>Click here to continue<<