ماهو التهديد الخفي في عالم الأمن السيبراني؟

في وقتنا هذا، الكل صار يسمع عن الاختراقات والهكرز والفيروسات، ويظن إن الحماية تعني برامج مضادة للفيروسات وجدران نارية. بس الحقيقة؟ أكبر خطر ما يجي من التقنية نفسها، يجي من الثقة الزايدة ومن قلة الوعي.
فيه شي اسمه الهندسة الاجتماعية، وهذا هو التهديد الخفي اللي ناس كثير ما تنتبه له.

و ان الهندسة الاجتماعية باختصار هي  طريقة يستخدمها الهاكرز عشان يخدعوك، مو يخترق جهازك، لا، يخترق تفكيرك.
يعتمدون على الكلام الحلو، أو الخوف، أو التمثيل، عشان يخلوك تعطيهم معلومات حساسة، زي كلمة السر، أو رقم حسابك، أو حتى تدخل رابط وهمي.
يعني بدل ما يتعب نفسه في كسر الجدار الناري، يخليك أنت تفتح له الباب بنفسك... وبكل طيبة.
باختصار شديد الهندسة الاجتماعية ما تعتمد على ضعف جهازك، تعتمد على ضعف لحظة وحدة من تركيزك.
وكلنا نمر بلحظات نكون فيها مشغولين أو مشتتين، وهنا يجي دور الوعي.

كيف تصير هالهجمات؟

فيه أكثر من طريقة، وبتتفاجأ قد ايش إنها أشياء ممكن تصير لأي أحد:

1. إيميل وهمي من البنك
توصلك رسالة تقول إن حسابك فيه مشكلة، ويطلبون منك تدخل رابط وتحدث بياناتك. تدخل؟ بسم الله… حسابك صار عندهم.


2. مكالمة من "الدعم الفني"
واحد يتصل يقول لك إنه من مايكروسوفت أو شركة الإنترنت، ويطلب منك تحميل برنامج يساعدك، وهو في الحقيقة برنامج تجسس.


3. رابط مغري في الواتساب أو الإيميل
“شوف صورتك في هذا الموقع!” أو “ربحت آيفون!”… تضغط؟ الله يعين.

4. شخص يتقرب لك في السوشال ميديا
يتعرف عليك، يكسب ثقتك، بعدين يطلب منك معلومات أو يساعدك بـ"حل" مشكلة… وهو اللي مسويها أصلاً.

🟦🟦🟦🟦🟦🟦🟦🟦🟦🟦🟦

hottg.com/MuhammadAlush0997

تابعني على :
Telegram | instagram | facebook | Twitter | YouTube