https://youtu.be/AaEPZps9gIA
قصيدة:_ [حي الله النشامه]
اداء:_ #علي_الكيشوان
كلمات:_ #ميثاق_الحمداني
للتواصل مع #الشاعر_ميثاق_الحمداني
عبر مواقع التواصل الاجتماعي الروابط ادناه
{الحسابات الرسميّة للشاعر :ميثاق الحمداني}
فيـس بـوك
https://www.facebook.com/mithaq.alhamadni/
إنستـگـرام
https://instagram.com/mithaq_alhamadani
تـيـلـيـگـرام
https://hottg.com/MRHR4
حي الله النشامه . سووا الطف قيامه
خيصيح الجيش بخوفته . بخوفته
طب العباس و اخوته . إخوته
......
يمتعبيهم بالمشي . گدما يخافون . منكم
درب الطويل ولا خطر . هيچي يبعدون . عنكم
اسباع . وچن علي لو لفلف عباته
حيود . وبالحرب عدكم حركاته
ليوث . والتخزروه تيبس لهاته
اوصيكم وصيه . گلبوا الغاضريه
وحسين يصد من خيمته . خيمته
طب العباس و اخوته . إخوته
.....
عباس يا حيد وگمر . ومخلي عالراس . ريشه
يا اشجع أبطال العرب . ويشوفك حسين . جيشه
حسين . اليسمعه كلمه تجرحه
روح . جره من الجيش واذبحه
الجاي . برمحه خلي بنص گلبه رمحه
يبني عاشت ايدك . في صير لعضيدك
بخدمة زينب وبخدمته . بخدمته
طب العباس و إخوته . إخوته
.......
يا ولدي من خبرة علي . راح ارسم اليوم . خطه
لزموا الجهات الاربعه . وفرضوا عالطفوف . سلطه
ابطال . هجمه منهن هجموا سويه
هناك . عالعده طوقوا الغاضريه
بحيث . عالشرد ضحكولي رقيه
لو يشرد مقاتل . يتلگاه ابو فاضل
العسكر حيروه بشردته . بشردته
طب العباس و اخوته . إخوته
......
الگال أبناء اختنا . رفضوا التقاليد . اگباله
القاتل حبيبه ابو علي . ميشوفه عباس . خاله
ناس . مو گرابتنه الماله غيره
حسين . ماكو غيره شيخ العشيره
اوياه . نلفظ الأنفاس الاخيره
حسينيه الهويه . الشمر شجابه اليه
يخسى وما نقبل خولته . خولته
طب العباس و اخوته . إخوته
.....
لجل الحسين وزينبه . لازم تطيحون . واقنع
اربع مشيتوا لكربله . بس لا ترجعون . اربع
موت . يا گمر لخيام العقيله
عين . تطفي لجل حسينك قليله
چفوف . عالنهر گطعها بسبيله
عباس وبنيني . بالطف گروا عيني
لحسين واخته وعيلته . عيلته
طب العباس و اخوته . إخوته
>>Click here to continue<<