لحظة إدراك:
قلة الموارد (معرفة، تمكين، إحاطة، أدوات) هي إلي تكون وراء شعور الفرد بيننا بالثقل تجاه عمله أو وظيفته.
اليوم لمن أشتغل بمجال التدريس، لمن تكون معلوماتي قاصرة بالمادة الدراسية، راح أحس بتثاقل وعدم رغبة لتقديمها للطلاب، لعدة أسباب:
خاف أتفشل.
خاف ما أوصّل لهم الفكرة.
خاف أنا ما مؤهل لهذه المادة.
فتگوم تتنصل من التدريس
أو ما تلتزم بالدوام
أو تفقد الرغبة بي
بالبداية تكون متحمس له، بعدين تفقد الرغبة!
لمن تشتغل بمجال مثلًا اللغة أو التحرير، لمن تكون معلوماتك قليلة وتحتاج تتعلم أكثر عنه، راح تؤجل شغلك باستمرار.
لمن تشتغل بمجال صناعة المحتوى، لمن تكون معلوماتك بالتسويق والكتابة شحيحة وما مواكبة لتطور سوق العمل، راح تحس بتململ من شغلك، راح تحس بثقل منه، وبالتالي ممكن تسوي أي شيء لتهرب من شغلك أو تأجله أو تتمنى يتأجل وينلغي!
- فمعرفة مواردك
- ترتيبها
- وضع خطة لها
- تنفيذها والأخذ بيها
هو إلي يخليك إنسان مُتمكن:
- بعملك
- أفكارك
- عواطفك
- حياتك
- قراراتك
والأهم هو استدامة هالأدوات واستمرار العمل بيها.
>>Click here to continue<<