أكو آية في سورة البقرة (آية 114)
يقول بها:«وَمَنْ أَظْلَمُ مِمَّنْ مَنَعَ مَسَاجِدَ اللَّهِ أَنْ يُذْكَرَ فِيهَا اسْمُهُ وَسَعَى فِي خَرَابِهَا أُولَئِكَ مَا كَانَ لَهُمْ أَنْ يَدْخُلُوهَا إِلَّا خَائِفِينَ»
وأنا أقرأها فكرت بأن هذا الشيء ليس عن تهديم المساجد أو أن تضع مفخخات أو تهدد بقتل كل من يدخلها، أو تجرم الي يرحون إلى هذا المكان.
ممكن أنت تسعى بخرابها بكلمة!
يعني على سبيل المثال، بيوت الله/ مساجده هي بكل مكان وعلى اختلاف المذاهب والطوائف والأديان، كلها لله.
بس خل نأخذ مثال من بيئتنا، لمن تروح لزيارة كربلاء، وأخص بالذكر كربلاء لأن المحافظة الوحيدة الي كادر المفتشات بيها على اختلاف الشفتات اسلوبهم قبيح وغير محترم وبأي وقت تروح وبأي سنة، من اني طفلة، لحد ما قاطعت الذهاب، لحد ما رحت ورة سنين وي أمي من تمرضت، لحد ما رحت سياحة حتى أشوف صديقاتي، هم هم يكون أسلوبهم قبيح..
فهنا نفس الفكرة إنك دتخرب مسجد من مساجد الله بغض النظر عن كونه بيه قبر أو مو قبر، أو هذا المكان أو مزار أو غيرها بس هو مكان يتم الصلاة به لله فيعتبر مسجد من مساجد الله فإنك إذا تتخرب هذا المسجد تخلي الناس تنفر منه فإنت تسعى بخرابه، وتعتقد انك صح، بس الحقيقة بعيدة كل البعد عن هذا الشيء!
>>Click here to continue<<