#المنظورات_الحسنية
#تسلسل_القصيدة_١٧
#صاح_أبو_محمد_صاح
«حسيناوي»
صـاح أبو محمد صاح يا ضوه إعيوني
گلبي بالسم إبتله عينك إعله العايله
يا ضوه إعيوني
* * *
صاح أبو محمد صدلي يبن أمي
ما سوه المعبود يعلم إبهمي
شاهد إبعيناك هالنشف دمي
گوم لِم أهلك گوم خل يودعوني
هاي إلي متسجله عينك إعله العايله
يا ضوه إعيوني
* * *
حَن أبو السجاد وإنتحب يمه
شـاف أبو محمد بي مضه سمه
والحسن دناه وبالنحر شمه
تعلم وما يخفـاك غدر چتلوني
والمصاب إتمثله عينك إعله العايله
يا ضوه إعيوني
* * *
هاك إخذ مني للصبر آيه
زم لعد هالدين بالنصر رايه
شيد المبناه منه مبنايه
يالتمثل معنـاي لليفگدوني
بالشرف والمنزلـه عينك إعله العايله
يا ضوه إعيوني
* * *
إمودعه عندي إمن أمك الزهره
إبذمتك صارت زينب الكبره
تحيي خلها إوياك للصبر أمره
يبن أبويـه وبحشاي ثگب چانوني
إو چبدتي متمثله عينك إعله العايله
ياضوه إعيوني
* * *
هـاك إخذ يحسين ثمر دلالي
جاسم وصرّيت بيه آمالي
للربه إيوافيك إبدمه الغالي
صـاح الحسين إيكون ينذبح دوني
والشهاده إبكربله عينك إعله العايله
يا ضوه إعيوني
* * *
لو گضه نحبي والصبر عونك
لو ردت دفني وإخوتك دونك
يم گبر جدي ما يخلونك
لُمّي الزهره إيهـون من تودوني
والمصيبه شامله عينك إعله العايله
يا ضوه إعيوني
* * *
الشاعر الشيخ كاظم المنظور الكربلائي
>>Click here to continue<<