#المنظورات_الحسنية
#تسلسل_القصيدة_١١
#أستشهاد_ألإمام_الحسن_عليه_السلام
«ميمر»
زينب لفت وتنادي وينك يروح الهادي
مسموم أخوك الحسن يبن الزهره
* * *
زينب لبو اليمه لفت تتحسر
مرعوبه وبطرف الرده تتعثر
وتنادي ما تنهض يضنوة حيدر
للحسن شوفه اشحاله ابسم انمرد دلاله
امسه يجود بروحه مدرك أمره
* * *
گام ابواليمه وانذهل منه الراي
يختي مردتي ابصيحتچ لب احشاي
نادت يبو السجاد ما تمشي اوياي
ادرك عضيدك يحسين يتگلب ايديـر العين
والسم يگص بگلبه مثل الشفره
* * *
سار ابو اليمه او زينب المفجوعه
دون الحسين اوچب تفيض ادموعه
والحسن لمن شاف حني اضلوعه
لحسين حاله اتغير حن الوديعة حيدر
واشبگ عضيده وگام يلثم نحره
* * *
ابروحه يجود الحسن ويدير العين
الوالد اليمه اوسلّمه ازمام الدين
ابهاي الحرم هاللةٍ هالله يحسين
وانت چفيل اعيالي وانت التريف ابحالي
وانت توصي ياچتيل العبره
* * *
يحسين ودعتك أسرار الإسلام
چهف الأرامل وانت ريف الأيتام
عين التصدلي بيها صد الجسّام
أدريه ما يتيتم بوجودك اولا يهتم
ابماي اللطف من گلبه تطفي الجمره
* * *
يحسين هذي زينب المهيوبه
عندك وديعه ظلت اومحجوبه
اوعباس ناده اودمعته مسچوبه
اختي آنه اتكفلها خلها اتدلل خلها
اودون الوديعه الموت أخوض ابّحره
* * *
عباس لخته زينب اتكفلها
بوجوده يتفاداها ويدللها
ولمن سره للطف نصب محملها
اومحمل الحره أستاره من هيبته القهاره
والسيف للمحمل يحافظ خدره
* * *
الطف بنه البنت المچارم صيوان
من طاحن اچفوفه سگط عالتربان
اتفرهد الصيوان اسعرت بي نيران
زينب بگـت مهظومه ومكدره او مالومه
للشام راحت عگب عزها اميسره
* * *
الشاعر الشيخ كاظم المنظور الكربلائي
>>Click here to continue<<