#المنظورات_الحسنية
#تسلسل_القصيدة_٨
#الحسن_الزكي
«النص : هجري»
شرفك يالحسن ربـك شرفك عالملك والجن والبشر
* * *
اشرف المخلوگ انته من عگب جدك وابوك
نورهم نورك ونورك نورهم بي جملوك
ارباك بحجور المعاني ومن ثدي العصمه ارضعوك
واصطفاك البـاري صفوه وشرفك وبعرشه مصباحك زهر
* * *
بيكم المعبود يفتح رحمته وبيكم ختم
وبيكم اينفس الهم ويكشف الضـر للأمم
وانت يارابع الخمسه فاز من بيك اعتصم
ابنـورك ايلاگي الإله الشرفك وبحسن ملگاه ابتشر
* * *
الخاصمك خاصمه الباري وخاصمه سيد الرسل
والنكر من بعض فضلك ماله عند الله فضل
والعمل من غير حبك يالحسن ما ينقبل
ابمحكم التنزيل وحـي الشرفك وارد ابفضلك هالخبـر
* * *
وضح المعبود وصفك مسفر ابسورة ( عبس )
والشمس من ضي جمالك والگمر منها اقتبس
إمن الزلل طهَّر وجودك واعصمه من الدنس
انطاك بالجنه السياده وشرفك وانطاك بالدنيا الفخر
* * *
بده ابسورة ( عمه ) فضلك واضح ابضمن الأمثال
يالحسن وانت السراج الواهج ابنور الجلال
بسورة ( الرحمن ) ليلو أخرجت من بحر الجمال
زانك الرحمن نور وشرفك نور على نور ابتدر
* * *
شرعك الحق وأنت حق اووارث الحق الحقيق
الما تمسك بيك گلبه واجعله ركن الوثيق
عالصراط ايحيرونه وللخلد ماله طريق
أي وحق مجدك ومجد الشرفك مثوه اليعاديـك ابسقر
* * *
خصك الباري ابثلاثه وما حظه بين سواك
اسم شگ لك من اسمائه الحسن بي حسن صفاك
المجتبى اسمك ولاچن من حسن ذاته اجتباك
بالكرم ثـالث فضيله الشرفك عالناس ما دام الدهر
* * *
اشلـون فضلك ينكرونه وجدك الفضلك دليل
ليلة المعراج لـمَّن زار معبوده الجميل
شاهدك قنديل تزهر حادق ابعرش الجليل
من شهد جدك ابفضلك شرفك واليطعن ابجدك كفر
* * *
فضلك اعله الناس شامل بي رسول الله شهد
انكرو ذيچ الوصيه وخالفو نص الورد
سم سگوك ابچاس غيظ ومنبع الغيض الحسد
گطعوا گلبك آه يا مسموم
ومرِّدو سبّاح چبدك المالوم
شائت الحكمه تنچتل مظلوم
صـابر ومحتسب باللي شرفك سعيك يمسموم انشكر
* * *
من مضه السم ابمفاصل جسمك الزاچي انطعن
واقذفت بالطشت چبدك گطع واهروشه إلتون
لن ابو اليمه ينادي انكسر ظهـري يالحسن
خويه لعمي عليك بالبچه اعيوني
يابن ابويه الگوم بيك فجعوني
ابفگدك وبالسم لو يخيروني
چنت اريد السم وحـق الشرفك لو تبره من هذا الخطر
* * *
ابحضن ابوالسجاد راس إلـ ـحسن لمن ودعه
وچبدته اتگطعت من شا ف چبدته امگطعه
هذا راس وراس شاله حسين دون المشرعه
من گلب مفجوع ناده ياعباس
علي من بعداك طالت ايد الناس
رحت ياللي بيك چان رفع الراس
ياعضيدي وحق رب الشرفك من طيحتك ظهري انكسر
* * *
مغشى عالعباس من دم إلمن اجروحه جره
فاق لمن هجس راسه ارتفع من فوگ الثره
ظن من الجيمان كوفي گاصد ايحز منحره
صاح ياسياف ريـض ابهيده
خل اودع حسين وإخذ التريده
انفجع گلب حسين والتوه جيده
هذا اخـوك حسين اي والشرفك يمك يبو فاضل حضر
* * *
اتشـابگ حسين وعضيده اواحد اعله الثاني طاح
اشلون ونه اشلون حنه صارت ولوجة ارواح
صد ابو فاضل وناده يابن حييَّ اعله الفلاح
للخيم يحسين لا توديني
واعدت سكنه ابماي تدريني
شعتذرمنها من تداعيني
وحگ من صورك نور وشرفك وياها خجلني الدهر
* * *
رفع من حسين راسه وعلى الغبره وسده
وبضعيف الصوت ناده افراگك الچبدي امرده
لو ردت راحةعضيدك من اصواب الضاهده
جر يبو السجاد سهم البعيني
ما بجسمي اصواب مثله ماذيني
عالنهر مطروح خويه خليني
ماردت فرگاك اي والشرفك فارگنه يحسين القدر
* * *
الشاعر الشيخ كاظم المنظور الكربلائي
>>Click here to continue<<