قصيده بذكرى استشهاد الامام علي عليه السلام
رمضان 1445ه_2024م
محزنه الليله الأرض وسماها (السماء)
روح حيدر فارگت دنياها
؛★★★★★★★★★★★★★
اليوم من الفجر والدمعه تهلي
بوسط محرابه انطبر راسه الولي
الدنيا بالهم والمصايب تمتلي
وروحي هالليله الحزن خاواها
؛★★★★★★★★★★★★★
اليوم صوب النجف روحي سيرت
والدموع بوسط عيني خيّمت
راح حيدر والحياه وياه مشت
الدنيا ما يخلص بعد بلواها
؛★★★★★★★★★★★★★
يا طعم بيها الحياة ويا امل
وراح من عدنه علي خير العمل
عاف هاي الدنيا والربه رحل
اختار دينه ودنيته عافاها
؛★★★★★★★★★★★★★
عاف كلشي ما يتم لله بصله
وأخذ كلشي العالرسول منزّله
نال من رب السمه اشرف منزله
كلشي ترضي الله علي سواها
؛★★★★★★★★★★★★★
شحال زينب بالليالي المؤلمه
شصاير بحالة عزيزة فاطمه
لمن شافت حيدر بدمه ارتمه
أصعب همومه الزمن راواها
؛★★★★★★★★★★★★★★
راح ابو تراب وترك بعده الحسن
على فراگ الوالد دموعه جرن
گله بعدك بويه حاطتنه الفتن
ننخذل بعدك علي ترضاها
؛★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
>>Click here to continue<<