محرم 1445ه_2023م
قصيده للمشايه
مشاي والعشگ جاباني
مشاي بهالدرب خلاني
مشاي انكتب عنواني
★★★★★★★★★★★★★★★★؛
روحي لحسين اتعنه مفرفحه وملهوفه
حتى لو مكسور گلبي ايطيب من يشوفه
حسين لو كل عمري امشي ما ارد معروفه
لأن خلاني اصيرن واحد من ضيوفه
ادريه بالدرب واگفلي
ادريه علي وياك يگلي
ادريه بالمشي باراني
★★★★★★★★★★★★★★★★★؛
حسين مثل الشمس احسه ما يغمض عينه
احنه مشايه الضريحه وهوه عينه اعلينه
هالدرب احنه نعشگه وابد ما ملينه
خمسمية كيلو نمشي وكل تعب ما بينه
هيهات ينگطع ممشانه
هيهات ينترك مولانه
هيهات هالعشك رباني
★★★★★★★★★★★★★★★★؛
بحضرتك خليني ادخل واشبع من اعطورك
وكل تعب ما يبقى بيه لون روحي اتزورك
انا احس عايش بخير بصفر وبعاشورك
كون اخلّص كل حياتي ماشي وي دستورك
مولاي خادمك خليني
مولاي خدمتك تحييني
مولاي ادري ما تنساني
★★★★★★★★★★★★★★★★؛
يلم شمل الناس دربك غصبن اعله الحاقد
وهالملايين الاجتك هذا اكبر شاهد
هذا اخوي وهذا عمي وذاك احسه الوالد
هيچ خلانه طريقك واحد يحب واحد
عشّاق جمعاهم دربك
عشّاق جنناهم حبك
عشّاق صرت منهم اني
★★★★★★★★★★★★★★★★؛
ماكو تمييز بطريقك يالطريقك عامر
بيه يتساوي الفقير ويه الملك والتاجر
حسين زوارك تراهم يكحلون الناظر
نشوف من كل الجناسي زاير يحب زاير
يحسين انته مالك روحي
يحسين يالتداوي جروحي
يحسين عايش بشرياني
★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
>>Click here to continue<<