محرم 1445ه_2023م
قصيده للمشايه
مشايه حسين اليلمنه
مشايه دربه عشِگنه
مشايه مشايه
★★★★★★★★★★★★★★؛
لحسين روحي هايمه تزوره
وبدربه جسمي يمتلي بعطوره
شما يمشي جدمي يشعر بقصوره
لحسيني متجه گلبي
يدريني بس اله حبي
ينطيني عزم في تعبي حسين
الك گصد على العهد گلبي بمسيره
محب اجه زحف الك بهمه چبيره
درب عشگ عشگ صدگ ماكو نظيره
محبوبي گاصد طريقه
محبوبي اصل الحقيقه
مشايه مشايه
★★★★★★★★★★★★★★؛
بحرّ الشمس نمشي ولا يهمنه
خليه يتغير شكل رسمنه
رغم الألم لكن حلو تعبنه
طَرِيقه راحه نفسيه
وَثيقه تعلگت بيّه
رَفيقه اليگصد بنيه حسين
الدرب جمر عليه نمر ما نخشه منه
من كل كتر من كل بلد دربه جمعنه
بس الحسين وخدمته ترفع اسمنه
المعشوقي روحي اسيره
المعشوقي وبدر العشيره
مشايه مشايه
★★★★★★★★★★★★★★؛
المشايه فرصه وكون نستقلها
نعمه چبيره ما تجي مثلها
من الله رحمه للبشر رسلها
هالنعمه لابد شكرها
واللّمه محله عطرها
والرحمه منك أثرها حسين
عز وجل رسل نِعَم الكل البريه
وأجملها من نمشي بأدب للغاضريه
وأفضلها خدمه طاهره لبن الزچيه
راحمنه جلَّ جلاله
راحمنه بأهل الرساله
مشايه مشايه
★★★★★★★★★★★★★★؛
زاير حسين منين ما يباوع
يشوف المواكب تارسه الشوارع
مو بالحلم لا بل حچينه واقع
عالسفره رشّو عطرهم
والفقره خلّص فقرهم
بس نظره منك تمرهم حسين
ماكو الم ماكو تعب بفضل المواكب
بهمة خدمنه تنتهي هاي المصاعب
بدفتر حسين مسجله كل المتاعب
خدّامه حسين ينظر الهم
خدّامه حافظ شكلهم
مشايه مشايه
★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
>>Click here to continue<<