هذا المساء..
" أنا ممكن أسامحك
بس مستحيل أرجع إتعامل معاك زي أول "
= في نقطة مهمة أغلبيتنا ما قادر يفهمه وهي إنو التسامُح عمرو ما إثبات علي إني ممكن إتعامل معاك زي أول .
أنا سامحتك عشان خلاص موضوع وخلص، ودرس أنا إتعلمت منو، وصفحة وإتقفلت وأنت حتتقفل معاها ما عشان لسه ما سامحتك
عشان انا جد جد ما حاقدر أتعامل معاك من تاني، العلاقه البينا حتكون مُحاطة بالاحترام ومشاعري إتجاهك حتصبح عادية جداً.
=الفاهم إنو " الحُب " ممكن يخليك تستحمل تصرفات شخص تاني أياً كانت
فأنت غلطان
الحُب ممكن يخليك تستحمل عيوب شخصك
ممكن يخليك تستحمل اي حاجه لمجرد إنك عارف أنت قضية مهمة للطرف التاني، وشعور الحُب متبادل في العلاقه دي.
هنا أنت ممكن تستحملو وتشيلو فوق رأسك كمان.
بس مافي سبب مُقنع يخليك تستحمل إنسان بيدوس عليك وعلي قلبك في كل مرة، وبيعمل كل حاجة ممكن تزعلك وهو عارف إنها بتزعلك
وكمان عارف كويس وواثق إنك حتسامح وترجع زي كل مرة ، اللهو " ضامن وجودك " وعارف إنك مستعد تبيع نفسك وتشتريهو.
#وفي_النهاية..
" يمكن أكتر حاجه بحبها فيني
إني ممكن أسامحك مره وإتنين
وفي الحقيقه إني بسامحك في كل مره ، وممكن أرجع وأتعامل معاك من تاني ، اللهو خلاص ما مُستاهلة وفرصه تانية ما بتضر..
لحدي ما يجي وقت ، بسامحك فيهو عادي
بس مستحيل تاني أقبل عليك ، ما عشان " كرهتك " عشان جد جد كده ما حاقدر إتعامل مع إنسان ما مُهتم لزعلي ، وبيعمل كُل حاجة ممكن تأذيني "
" أنا شارياك بس أكيد ما بايعة نفسي..❤️! "
>>Click here to continue<<