انت وعدت ربنا مش هترجع للذنب الفلاني وضعفت ورجعتله صح ؟
طب هتندم وتتحرك ولا هتفضل قاعد مكانك زعلان علي نفسك لدرجه انك مكسوف تروح تصلي وتستغفر ؟
انت فاهم انت بتفكر ازاي ؟!! مينفعش طبعا تسيب نفسك للحزن بعدما وقعت في الذنب اللي كنت توبت منه...
زعلت وندمت حلو قوووووم بقا اتحرك هات ركعتين قيام ليل او صفحتين قرآن مع شوية استغفار امحي اثر الذنب من قلبك متستسلمش....
خلي بالك لو فضلت قاعد مكانك اثر الذنب هيفضل موجود وذنب ورا التاني هتلاقي قلبك اتعمي ومبقاش حاسس بضياعه...
هتقول طب انا بقع وبقوم وبقع وبقوم هفضل كدا لحد امتي ؟!
هقولك لحد ماربنا يمن عليك بهداية، لحد ماربنا يرزقك الثبات ويخلي قلبك ينفر من الذنب اللي متعلق بيه، لحد ماتدخل الجنة عافر وجاهد يابطل...
خلي ربنا يشوف اصرارك علي ترك الذنب وهو مش هيسيبك والله وهيقبلك حتي لو أذنبت بدل المرة آلف...
كل ماتقع اجري علي ربنا جدد توبتك لعل ربنا يرزقك حسن ختام وتموت وانت تائب..
*وافتكر دايماً قول الله عز وجل " إِنَّ الْحَسَنَاتِ يُذْهِبْنَ السَّيِّئَاتِ ۚ "*
*توب واستغفر مهما وقعت لحد ما تدخل الجنة*
#يَقَظَة🤍
>>Click here to continue<<