المرتاح منو ؟؟؟
الفات برة معتبر الكفالة دي ذله
والفي بلدو زهجان من قعاد الحله
الكوز شايف العلماني بره المله
والعلماني شايف الكوز هو سبب العله
*
النشال بشوف انو السياسي حريف
الفي البادية مفتكر الحضيري شريف
والفي العاصمة يبكي على حياة الريف
*
البي شعرو بمشي براهو يحلق صلعه
والاصلع بيلبس عمة قدر القلعة
الجيعان بشوف انو الفرح في الضلعه
والشبعان بشوف الفرحه سفه وولعه
*
البي اولادو من الهم صبح مجنون
والماعندو معتبر السعادة بنون
*
المتزوج يشكي ويسعى في البتحلّو
والعزابي يبكي عشان يكون في محلـّو
المرتاح منو ورونا ؟؟؟
#باحوت
>>Click here to continue<<