我哋要知道以巴甚至整個中東國家嘅亂局，都係嚟自一個地方，耶路撒冷。
呢個地方係三教聖地，有猶太教嘅聖殿西牆，有伊斯蘭教嘅圓頂清真寺，有基督教嘅聖墓教堂。
當你去到以色列嘅耶路撒冷老城區，你會發現三教聖地耶路撒冷嘅和諧，但係和諧嘅背後係血腥嘅民主歷史
基督教：傳聞呢度係耶穌出世嘅地方，不過呢個有少少爭議，喺基督教觀念入面耶穌係喺伯利恆（Bethlehem ）出世，但係喺耶路撒冷老城區有一個基督教教區可以見到耶路撒冷教堂，係呢度可以跟住指示牌同耶穌一齊行受難之路，因為呢個地方正正就係耶穌受難之地，耶穌聖墓，同埋復活嘅地方。
伊斯蘭教：喺呢度有一間伊斯蘭教第三重要嘅清真寺喺呢度，佢喺聖殿山上面，叫做阿爾—阿克薩清真寺，根據佢哋嘅傳統呢度係佢哋嘅先知穆罕默德喺夜晚騎神馬上天堂同天人交流嘅地方，亦係升天嘅地方。
猶太教：猶太教聖殿兩次都喺呢度起，因為呢度係神指引以色列人嘅聖殿所在地但係就先後都被破壞，分別係公元前586年嘅巴比倫王國，定係公元70年嘅羅馬帝國。而家位於耶路撒冷舊城區嘅哭牆，正正就係當年畀羅馬帝國銷毀聖殿，而佢係唯一留低嘅一幅牆，係當年被羅馬帝國摧毀嘅聖殿唯一留到而家嘅結構，猶太人奉佢為聖地。
呢個地方引嚟唔少遊客同埋朝聖者，但係呢個地方更加係呢百幾年嚟以色列同巴勒斯坦衝突嘅原因之一，雙方都宣稱自己有耶路撒冷嘅主權，而目前係各佔一半。不過巴勒斯坦首都係東耶路撒冷，而以色列首都係耶路撒冷。
以色列喺1967年嘅第三次中東戰爭佔領東耶路撒冷，而家已經將佢納入以色列嘅行政同埋安全控制之下。當然巴勒斯坦同埋以色列嘅領土爭議，唔單只係一個耶路撒冷咁簡單，無論係係而家備受爭議嘅巴勒斯坦國定係以色列都係，都係來自奧圖曼帝國嘅地區，呢個地區叫做巴勒斯坦。
P.s.呢張地圖我哋可以見到巴勒斯坦同埋以色列嘅國土，你可能會發現點解巴勒斯坦仲有一個地方叫做加沙走廊？呢個地方曾經係有以色列佔領，但係2005年撤軍，所以而家由哈馬斯佔領。
>>Click here to continue<<
