لتالت مرة على التوالي أضيع محفظتي وهي فيها مبلغ محترم..😅
في مرة ضاعت وهي فيها ٦٠٠ج.
ومرة ضاعت وهي فيها ١٥٠٠ج.
والنهاردة ضاعت وهي فيها حوالي ١٠٠٠ وشوية.
كل مرة فيهم بتضيع كنت بتذكر إني قولت دعاء الخروج من البيت ( اللهم اني اعوذ بك أن أضل أو أُضل أو أذل أو أُذل، او أظلم او أُظلم أو أجهل أو يُجهل عليّ، حسبي الله عليه توكلت وهو رب العرش العظيم، بسم الله الذي لا يُضر مع اسمه شيء في الارض ولا في السماء وهو رب العرش العظيم ) فأتذكر إن الدعاء دة بيحفظك من أول ما تخرج من بيتك لحد ما ترجع، فكنت أطمن إن الحاجة دي هترجع تاني.
سبحان الله في المرة الأولى رجعت بعد ٣ ايام.
المرة التانية مكنتش عارفة إنها ضاعت أصلاً ومعرفتش غير وهما بيتواصلوا معايا واقولهم لا مش بتاعي. 😂
المرة التالتة دي رجعتلي مكان ما ضاعت.😂
اللطيف إني كنت قولت الذكر دة تقريبًا أو الأذكار عامة في مرة ونجوت من الموت بأعجوبه
حتى إللي واقفين استغربوا أنا طلعت حية إزاي 😂
(عربيتين دخلوا في بعض وأنا في النص ومحصليش خربوشة الحمدلله 😌)
الشاهد إن ربنا مأمرناش بالأذكار عبث..
حاشا لله والله.
(إِنْ هُوَ إِلَّا وَحْيٌ يُوحَىٰ)
حافظوا على الاذكار حتى لو عدد بسيط قولوها بيقين..
- رانيا أبو العزم.
>>Click here to continue<<