❣ልቤ ሰው ይወዳል❣
"ልቤ ሰው ይወዳል
ወድያው ይላመዳል
የቀረብኝ ሁሉ ወዳጅ ይመስለዋል"
እኔን ያንተ ለማድረግ የሰራኸው ሴራ
እዉነተኛ ፍቅርን በልቤ ዘራ
እኔማ መስሎኝ ...
ከቤቴ ስትመላለስ
በሁለቱ አይኖችህ እንባን ስታፈስ
ስትል ደፋ ቀና መንፈሴን ልታድስ
ምንም አልጠረጠርኩ
ይልቁንም ዉስጤን ለማሳመን ስጣጣር አደርኩ
በዉሸታሙ ገፅታህ ልቤን አታለልኩ
ልቤም አመነና ዉስጤም ተቀብሎክ
ናፍቆትም ጀመረኝ ዉስጤ ፍቅርህን አኖርክ
ያለመደብኝን መሽቀርቀር ጀመርኩ መዋብ
አቃተኝ ካንተ ላይ ቀልቤን መሰብሰብ
የዉስጤን ልነግርህ አንተን ስጠባበቅ
አንተ ግን ቀረህ አልል አልከኝ ብቅ
እራሴን ወቀስኩኝ
እራሴን ጠየኩኝ
ፍቅሩን ሊገልፅልኝ ከቤቴ ሲመላለስ
ችላ በማለት ሳልሰጠዉ መልስ
ወቶ ቀረ ፍቅሬ
ከጎኔ የለም አይመጣም ዛሬ
ዛሬ እንኳን ሳይገባኝ
አንተ በበደልከኝ እራሴን ከሰስኩኝ
አንተ ለካ ባለ ቅኔ
ለግዝያዊ ስሜት ምትመላለስ ከጎኔ
ከረፈደ ቢገባኝም
ባንተ መሰበሬ
አልቀነሰም ነበር ላንተ ፍቅሬ
አሁን ግን ገባኝ ዉሉ
ልቤ ባንተ መታለሉ
ለነገሩ ተወዉ
ልቤን ጉድ የሰራው
ሰው መዉደድ ሰው ማመኑ ነው።
የኔ ልብ የዋህ ነው ለምለም ስንክ ሳር
ሰበራዉን ችሎ ዛሬም ሳይማር
ዳግም ሰው ያምናል
ዛሬም ሰው ይወዳል
የቀረበው ሁሉ ወዳጅ ይመስለዋል
ልቤ ሰው ይወዳል።
✍ ትንቢት ዳንኤል/Tina
@TDtina
7.9.2013
>>Click here to continue<<