أول ما ظهر أسترازنكا كانت نتايجه كويسه في الحماية من الكوفيد ، لكن كتير من الدكاترة لاحظوا إنه بعد التطعيم بقوا يشوفوا حالات وفاة غير معروفة السبب ، وبالفحص اكتشفوا إن الحالات بتموت نتيجة تخثر في الدم واللي بيسبب جلطات

وقتها الشركة رفضت الاتهامات دي وقالت مفيش أي علاقة بين التطعيم وبين حدوث الجلطات وفعلا التطعيم كانت نتايجه كويسة علي مستوى الحماية من العدوي وقلل عدد الحالات كتير

من أيام، شركة أسترازنكا سحبت كل عينات اللقاح من الأسواق العالمية ، ولأول مرة تعترف إن التطعيم فعلا بيسبب مضاعفات وآثار جانبية أشهرها TTS  أو Thrombosis with thrombocytopenia syndrome

وده عبارة عن متلازمة مرضية بيحصل فيها نقص شديد في عدد الصفايح الدموية وزيادة في معدل تكوّن التخثّر والجلطات بالجسم  ،
الحالة دي كانت بتحصل مع بعض التطعيمات زمان واللي اتسحبت من السوق ومعدتش موجودة بس علشان أسترازنكا مكنش فيه وقت ولا دراسات كافية نزل علطول وانتشر

في المتلازمة دي ، الجلطات لما بتتكون بتروح لأي عضو في الجسم  ولما بتوصل بتسد شريان أو وريد،  وحسب العضو بيحصل المضاعفات ، لو الجلطة الصغيرة دي راحا الدماغ هتعمل جلطة دماغية ، في القلب جلطة قلبية ، في الرئة جلطة رئوية في الرجل كذلك هتعمل جلطة

الموضوع مقلق ومش مقلق، مقلق لأن فيه كلام كتير إن المضاعفات دي مش شرط تحصل في مدة زمنية قصيرة ممكن بعدها بفترات ، غير إنها أكتر في النساء بالتحديد والشباب ، ومش مقلق لأن الآثار الجانبية دي ليست شائعة وقليلة كمان فيه أقوال إن اللي بيزود إحتمالية المضاعفات إنك متكنش أخدت الجرعة التانية من اللقاح واكتفين بالأولي وأغلبنا أخد الجرعتين الحمد لله، ده غير إننا متوكلين علي الله وإن شاء الله ربنا هيسترها معانا

لا قدر الله أي حد يحسن بأعراض غريبة في الدماغ أو الصدر أو الساق لابد يعمل فحوصات ، ( طبعا ده غير إن حالات الازمات القلبية والسكتات  معدتش مرتبطة بكبار السن والواقع خير شاهد)
الفحص حسب الأعراض ، أشعات مقطعية بالصبغة، سونار علي القدم لاكتشاف أي جلطات ، رسم قلب وغيره

العلاج لو لاقدر الله حصل حاجة من دي هو مضادات تخثر anticogulants  ومش هيبارين وكذلك جرعات من الكورتيزون .

وفي النهاية تحية للي رفضوا ياخدوا اللقاحات وأصروا علي رأيهم وكنا بنتريق عليهم زمان ونعمل حملات توعية ضدهم ،  اللي أنا مش منهم 🥲😐😐


د. احمد عبدالغني

فكر ..

أول ما ظهر أسترازنكا كانت نتايجه كويسه في الحماية من الكوفيد ، لكن كتير من الدكاترة لاحظوا إنه بعد التطعيم بقوا يشوفوا حالات وفاة غير معروفة السبب ، وبالفحص اكتشفوا إن الحالات بتموت نتيجة تخثر في الدم واللي بيسبب جلطات

وقتها الشركة رفضت الاتهامات دي وقالت مفيش أي علاقة بين التطعيم وبين حدوث الجلطات وفعلا التطعيم كانت نتايجه كويسة علي مستوى الحماية من العدوي وقلل عدد الحالات كتير

من أيام، شركة أسترازنكا سحبت كل عينات اللقاح من الأسواق العالمية ، ولأول مرة تعترف إن التطعيم فعلا بيسبب مضاعفات وآثار جانبية أشهرها TTS  أو Thrombosis with thrombocytopenia syndrome

وده عبارة عن متلازمة مرضية بيحصل فيها نقص شديد في عدد الصفايح الدموية وزيادة في معدل تكوّن التخثّر والجلطات بالجسم  ،
الحالة دي كانت بتحصل مع بعض التطعيمات زمان واللي اتسحبت من السوق ومعدتش موجودة بس علشان أسترازنكا مكنش فيه وقت ولا دراسات كافية نزل علطول وانتشر

في المتلازمة دي ، الجلطات لما بتتكون بتروح لأي عضو في الجسم  ولما بتوصل بتسد شريان أو وريد،  وحسب العضو بيحصل المضاعفات ، لو الجلطة الصغيرة دي راحا الدماغ هتعمل جلطة دماغية ، في القلب جلطة قلبية ، في الرئة جلطة رئوية في الرجل كذلك هتعمل جلطة

الموضوع مقلق ومش مقلق، مقلق لأن فيه كلام كتير إن المضاعفات دي مش شرط تحصل في مدة زمنية قصيرة ممكن بعدها بفترات ، غير إنها أكتر في النساء بالتحديد والشباب ، ومش مقلق لأن الآثار الجانبية دي ليست شائعة وقليلة كمان فيه أقوال إن اللي بيزود إحتمالية المضاعفات إنك متكنش أخدت الجرعة التانية من اللقاح واكتفين بالأولي وأغلبنا أخد الجرعتين الحمد لله، ده غير إننا متوكلين علي الله وإن شاء الله ربنا هيسترها معانا

لا قدر الله أي حد يحسن بأعراض غريبة في الدماغ أو الصدر أو الساق لابد يعمل فحوصات ، ( طبعا ده غير إن حالات الازمات القلبية والسكتات  معدتش مرتبطة بكبار السن والواقع خير شاهد)
الفحص حسب الأعراض ، أشعات مقطعية بالصبغة، سونار علي القدم لاكتشاف أي جلطات ، رسم قلب وغيره

العلاج لو لاقدر الله حصل حاجة من دي هو مضادات تخثر anticogulants  ومش هيبارين وكذلك جرعات من الكورتيزون .

وفي النهاية تحية للي رفضوا ياخدوا اللقاحات وأصروا علي رأيهم وكنا بنتريق عليهم زمان ونعمل حملات توعية ضدهم ،  اللي أنا مش منهم 🥲😐😐


د. احمد عبدالغني

hottg.com/Fekrrrrrrrrrr101/11340

213 viewsZain Jomaih, May 9 at 08:38