ما فشلت القناة دي انها تكون في يوم مساحة أكثر حُرية للتعبير الحقيقي عني❤️

هنا حيث يعاتبني أصدقائي على سودواية نصوصي، لأنني أكتب بإستفاضة أكثر فيها ، أجمع فيها ما أقرأ من روايات او كتب ، أشارك إقتباسات ، نصوص وكل ما قد ساهم بشكل ما في إضفاء البهجة على روحي.

https://hottg.com/fadfadah22

هذا المساء❤️

" أتمنّى لو كانت يديّ طويلتان للغاية، بحيث يمكنني أن أمدّهما طوال الوقت، بناحية كل شخص بعيد حالت بيني وبينه المسافات المُرّة،أشخاصي المفضّلين تحديدًا..

عندما تخبرني إحدى صديقاتي مثلًا بأنها تشعر بالضجر، وأن نفسها لا تميل إلى فعل شيء، أشعر بأنني أود اِحتضانَها بشدّة!
وأحتاج إلى أن أربّت على كتفها بلُطف، أو أن أفعل أيّ شيء من شأنه التخفيف عنها، المهم ألّا أشعر بقلّة الحيلة عند مواساة الأصدقاء
يتكدّر خاطري كثيرًا لأنني لست بجانبهم في تلك اللحظات القاسية، وليس بمقدوري اِبتلاع الحزن معهم، أو مضاجعة المآسي معهم، أو على الأقل تحسس أيديهم ليشعروا بالدفء..
"أنا هُنا" التي تخرج منّي هشّة وضعيفة، مبللة بالدموع، وضئيلة جدًّا، لا تفعل شيئًا..
لا تمسَح الأخِدّة المخضبة بالبكاء، ولا تستلقي فوق الأكتاف، ولا تغوص في بحر الأيادي، ولا تضُمّ إلى حجرها أحد!..
"أنا هُنا"
تخرج هكذا، باردة، باهتة، وجافة كالرمل..
لا تُصلح كسرًا، ولا تصير معطفًا يقيهم مِن صقيع الحُزن!

في مرّة قالت لي صديقتي -والتي أحبُّها جدًّا- أن الصداقة بالنسبة لها علاقة مقدّسة..
فكرت بعُمق في هذه القداسة، والتي أشعر بأني أُفسدها كلّما توانيتُ عن دوري كصديقة، أود أن أقدّسها حقًّا كما تفعل هي..
أفسدها لأنني في كل مرة أجد أصدقائي هنا، عندما كان عليهم أن يفرّوا منّي بسبب مَراسي الصّعب والغريب والمفاجئ أيضًا، ورغم ذلك بقوا هنا إلى جانبي، ليس لمصلحة أو لسبب بِعينه، إنما لأجلي..
لأجلي فقط!
أنا التي لا أستحق كل هذا العطاء منهم، إذ أنني مجحفة بحقهم، ليس لأنني لا أحبّهم، على العكس أنا أتمنى دومًا أن يكون بمقدوري انتِشالهم من التيه، وأن أكون النور في أوج ظلمتهم، وأن أقدّم لهم كل شيء كما يفعلون معي..
إلا أنني أشعر بأن كلماتي ليست كافية في حقّهم، وأنني لا أستطيع تقديم شيء لهم سوى الحُب والمجاهدة في سبيل إسعادهم!

في الوقتِ الراهن، أحاول أن أكون صديقة تعرف جيّدًا كيف تُطبطِب على أفئدة أصدِقائها
أحاول أنا أحافظ على قُدسية الصداقة!

"أنا هُنا"
سأحاصِر أوجاعكم بين السطور
وأبكيها حرفًا حرفًا
"أنا هُنا"
لأُقدّس هذا الرابط المتين، وأوغل أصابعي في منازِلكم المشيّدة في قلبي..

"أنا هُنا"
وإن كانت جافّة ولا تُجدي، ولا تُغيّر العالم
لكنني سأظلّ هُنا❤️.


#عـبير_بابكر.
@fadfadah98

#قصتي❤️

- أشتغل ولا اقعد مع العيال في البيت ؟
- اقعد مع العيال في البيت ولا اشتغل ؟


قبل ما احكى تجربتى..

لازم نعرف انو مافى تجربة بتشبه تجربة..
ولا ظروف بتشبه ظروف.. ولا شخص بيشبه شخص..
نسخة طبق الأصل..
كل الحاصل إننا بنحكي تجاربنا عشان نستفيد ونتعلم ونطوع حياتنا طبقا لظروفنا الراهنة.
القاسم المشترك في حياتى انا شخصيا وفي كل إنجازاتي هو..
زوج داعم طموح فيما يخص أي حاجة بتخص مستقبلي..
وعندو نظرية ثابتة قالها لي من ايام الخطوبة..
إنو بشوف مهم جدا إنو الزوجة تكون مسلحة بشهادات وعمل وتخصص في مجال عملها أيا كان.. كدا الزوج بيكون مطمئن علي مستقبل عياله..
و مطمئن من مصايب الدنيا عليهو هو نفسه سواء مرض أو عدم عمل أو أي ظرف صعب تاني.

يلا أنا بحب الكتابة جدا من وانا طالبة في الثانوي في المدرسة العريقة الخرطوم القديمة بنات وخلال سنوات الجامعة الناضرات.. مابديت أنشر كتاباتي في الصحف والمجلات وما عملتا مدونتي وصفحاتي في الفيس بووك وباقي السوشيال ميديا وفي المواقع الإلكترونيه المعروفة...
الا بعد ما إتزوجتا وفي فترة قعادي مع اولادى فى البيت.
و بتشجيع و دعم من
(سيدنا السيد) 🙂
دا اسمو بالمناسبة
وكان ومازال الناقد الأول لكتاباتي وأول زول بيقرا موضوعي قبل النشر وبديني رأيو بكل صراحة.
علي الصعيد الطبي كنتا وما زلتا مغرمة بتخصص الجلدية ولما حاولتا امتحن ماقدرتا لأنو ولدي كان عمرو أقل من 6 شهور.. زعلتا من نفسي قام زوجي جاني في يوم جايب لي شيك هدية لعيد ميلادي قال لي دي رسوم ماستر
Public health
انا وزوجى اطباء..
و من عشاق تخصص الصحة العامة وطب المجتمع..

وكانت لحظة غيرت مجري حياتي.. للأفضل اكيد. أنجزتا فيها ماستر
(بتقدير إمتياز) رغم رعايتي لولدي الكبير وعمرو كان 3 سنوات وكنتا حامل وشغالة مساعد تدريس في الجامعة..
لكن كان عندي دافع إني أنجح وأنجز عشاني أولا.. وعشان زوجي المجتهد معاي ثانيا..
وعشان أولادي ومستقبلهم ثالثا.
أهم حاجة في الفترة دي بالنسبة لي كان ترتيب الأولويات..
الأهم فالمهم..
فالأقل أهمية.
اثناء دراستى للماستر حصلت لي ولادة مبكرة (في 8 شهور) ونزيف والبيبي قعد فترة في الحَضّانة..

بعون الله وسنده
وبفضل زوجي..
ثم والدى وأختي الصغيرة
(كانوا هما اللي بيراعوا البيبي حقى اثناء ما كنتا بعمل فى البحث..
انا امي متوفية ربنا يرحما ويغفر ليها)..
بفضلهم و دعمهم
أشكر الله واصلت دراسة بعد إسبوعين فقط من الولادة وخلصتا الماستر وجبتا إمتياز +A.
إتواصل الدعم من زوجي وقال لي لازم تشتغلي بعد الماستر حتي لو بارت تايم وكان بشرح لي الشغل الإداري للأطباء عندهم في الأمم المتحدة وبشجعني أدخل المجال دا..
اشكر الله اشتغلتا باحث ومنسق طبي في اليونسكو تقريبا سنتين ونص قبل ما اهاجر.
***
في أيام إمتحانات الماستر زوجي كان بشيل ولدي الكبير ويمشي بيت ناس ابوي ربنا يرحمو يتونس معاهو عشان أقدر أذاكر رغم إنو كان طالب معاي في نفس الماستر ونفس الجامعة ونفس السنة
(الأمر إللي كان يثير دهشة أبوي دايما 😊)..
و ربنا يشهد لا كان بسأل عن أكل ولا حتي شاي طول الفترة دي..
و بيغسل العدة هو ويحضر الغدا ويعمل القهوة (تخصص فيها)
ويمسك العيال من مجاميعو لعب وحمام وتغيير بامبرز وأكل ومذاكرة..
عشان اقدر أنوم شوية..
كان بيعمل الحاجات دي عن طيب خاطر والله وإحساس إنو مستمتع بالحاجة دي.

المثلث الذهبي ⚠️:
١. زوج داعم متفهم مُحِب+ طموح فى نفسو ومؤمن بطموحك.
٢. ترتيب أولويات بحيث تحددي عايزة شنو بالضبط وفي ياتو زمن.
٣. مرونة في إتخاذ وتنفيذ القرارات..حسب الظرف المحيط.

إضافة:
وجود الزوج الداعم مهم..
بس الأهم هو وجود طموح فى داخلك و رغبة جادة وعزيمة..
فى التغيير للأفضل.
...
انا قعدتا مع أولادي الإتنين 6 سنوات في البيت لحدي ما الصغير دخل الروضة من غير شغل فل تايم..
عن قناعة تامة بأهمية وجودي الكامل في حياتهم في الفترة دي
(اول تلاتة سنوات..
أو خمسة سنوات إذا أمكن) وعن إستمتاع تام بكل لحظاتي معاهم وعن عدم إحساس بالذنب أو المقارنة مع زميلات إتخصصو مثلا.. عشان زي ماتخصصهم إنجاز ..
انا كمان أمومتي إنجاز من العظمة بمكان.
في الفترة دي كملتا الرياضة المنزلية للمحافظة علي الوزن..
و كملتا حضور برامج وقنوات تربية الاطفال علي اليوتيوب.
انا واولادى لعبنا ورسمنا ونططنا وكوركنا..
نمنا سوا وصحينا سوا.. وفي نهاية الفترة دى.. انجزتا الماستر والحمد لله
(دا البقصدو بالمرونة في إتخاذ القرارات)

إسترخي..
فكرى بهدؤ..
دفتر وقلم
إستمتعي بلحظتك وإنجازك حتي لو كان الإنجاز دا مجرد تكملة قراية رواية..
او مغ نسكافيه دافى فى لحظة هدوء.

ادخلي قروبات مفيدة وفيها ناس بتشارك بعض قصص نجاحها وبعض همومها..
من المهم جدا ومن المهدئ للمزاج إحساسك بإنو في ناس عايشين نفس ظروفك دي وإنو دي مرحلة بتعدي وإحنا إللي بنحدد تعدي بعد كم من الزمن.
عودا علي بدء..
مافي زول بشبه زول ولا تجربة بتشبه تجربة ولا ظروف بتشبه ظروف.
و دايما رددي..
اللهم انى اعوذ بك من العجز والكسل.
واتذكرى انو قرار
(اقعد مع العيال في البيت ولا اشتغل..
اشتغل ولا اقعد مع العيال في ألبيت)
قرارك انتى بس..
انتى اللى بتقدري تاخديهو بحسب معرفتك بوضعك وظروفك المحيطة.
و احنا قاعدين مع العيال في البيت و بنربي صح..
دا إنجاز
واحنا فى الشغل نؤدى عملنا بإمتياز وتركيز..
دا إنجاز.
انتى اللي بتصنعي
وتشكلى انجازاتك..
انتى الداعم الاول و الرئيسي لنفسك..
و انت كما ترى نفسك.. وليس كما يراك الآخرون♥️.


محبتى ⚘
د.سلافا العاقب.
@fadfadah98

-

" ونسألك دوافع المضيّ لمن يصارع فتور العزم والرحمة لمن ينظر في عيون الوجع بإصرار التعافي والجبر لمن يتهشّم أمله في سُبُل الترقّب ،والقبول لقلوبٍ تتشفّع برحمتك ، وتركَن لتفضّلك."

اللهم صل وسلم على نبينا محمد وعلى اله و
صحبه اجمعين💙

هذا المساء ..

انت ما محتاج تبعد عن زول
او تتخلص من علاقة سامة

برضو ما محتاج
تعمل طقوس بداية السنة وجرد نهاية السنة

انت بس اتطور
اتطور باستمرار
وخليك مزهر وقيم نفسك صاح

خت مجهودك في الحتة الصاح .. فيك انت √.

ح تلقى كل اللي ما بشبهك وما بنسجم معاك انتهى ،اتلاشى واختفى من نفسه كمان❤️."


#حباب_غلاب.
#سنة_اولى_علاقات.

@Yakoziyat

هذا المساء ..

بيقول لك :

" You are not afraid of new experience, you are afraid of old pain."

يعني انت مش خايف من التجربة الجديدة ، إنما خايف من الألم القديم!! .


طبعا المتوقع انو الكلام اللي جاي يبقى( متخافش و اهزم الخوف ووو) والكلام ده

بس الحقيقة اني جاي اقول لك لا ، خاف !

اه صدقني لازم تخاف و يبقى عندك حاسة الحذر الدائم ، الا تبقى مغفل متعلمتش اي حاجة من الألم القديم .

فالألم القديم مهمته هو تهيئتك لدخول التجربة الجديدة بس بوعي أكبر و رؤية اعمق ، عندك استعدادات أشمل لكل الاحتمالات المخيفة ..

عارف زي اللي ماشي في صحرا بليل ..؟
لو مش خايف من العقارب و الثعابين يبقى مغيب وفي حاجة غلط اكيد!


فالمشكلة عمرها ما كانت في الخوف ، إنما في التحوصل في كهف الخوف ..

تبقي خايف مشلول ، خايف فاشل ، خايف مهزأ !!

إنما عادي ممكن تبقى مقاتل بس خايف ، طموح بس خايف ، ماشي زي القطر لحلمك بس جواك تخوفات و قلق .

فخاف يا اسطا ، أصل لو مخفتش تبقى مش طبيعي ، تبقي أهبل مش فاهم الدنيا صح.

إحنا بنمشيها و احنا مرعوبين من حاجات كتيرة أوي ، بس بنمشي أهو مهما كان فينا ايه و مش بنتهدّ، بنخش من تجربة لتجربة و احنا بنرقص بالألم القديم.



#على_الهامش

" الشجاعة مش انك ماتخافش ..الشجاعة انك تستمر رغم خوفك ♥️."


#كيرلس_بهجت.

@fadfadah98

في مقولة بتقول :
" من رحم المعاناة يولد العظماء "💜

أنا اقتنعت بيها لأنو خلال الفترة الصعبة دي اللي بنمر بيها ظهروا كمية من العظماء اللي ما اتحججوا بالحرب في السودان والوضع السيء فيه بل بالعكس كان بالنسبة ليهم تحفيز عشان يصلحوا أوضاعهم ويطوروا نفسهم أكتر و بناءاً على طلبكم
عملت ليكم كورس مكثف لمادتي :

النساء والتوليد وأمراض النساء
                 Obstetrics and gynecology

• أنا دكتورة تنزيل صابر - بكلاريوس الطب والجراحة جامعة الرازي.

• عندي خبرة عملية في توصيل المعلومة لأني بقرأ بي طريقة فعالة اقل جهدا وأكثر ذكاءاً.

عشان كدا ح أكون معاكم في الكورس دا وح اتابع معاكم كل صغيرة وكبيرة ، مع توفير المراجع pdf وكل تكتيكات الدراسة والحاجات اللي حتعينكم .

🔻محتويات الكورس:

The Obs Lictures  will include:

- Anatomy of the female reproductive system.

- physiological changes during pregnancy.

- The History and Examination.

- Normal labour.

- Abnormal labour.

- Bleeding in pregnancy:  (bleeding in early pregnancy, antepartum heamorrhage , postpartum heamorrhage .)

- Hypertensive disorder of pregnancy( Eclamsia and pre- Eclamsia).

- Diabetes in pregnancy.

- Oligo and polyhydrominous .

-Obs Emergency.


GYN Lictures:

- Physiology of minusural cycle.
- Amenorrhea.
-Menorhagia .
- Dismenorrhea.
-Menopouse.
-Contraception.
-Molar pregnancy and Gestational trophoblastic disease.
-Ectopic pregnancy.
- Fibroid .
- Adinomaiosi and Endometriosis.
-Polycystic ovary syndrome.


• سعر الكورس للمادتين سوا بسعر المادة الواحدة✨  3500 جنيه سوداني فقط!

مع توفير المراجع والشيتات pdf و عندنا قروب ديسكشن .

وتضامناً مع الأحداث الحاصلة عملت عرض ما بتفوت🥳 🔥

الأول : " لأنو الصاحب ساحب" لو جبت معاك صحبك او زميلك يحضر الكورس حتاخده انت بـ 3000 .

و لوجبت اتنين من اصحابك حيبقى بـ 2500 .

و لو جبت 3 من اصحابك سجلو معاي، الكورس أنت حتاخدو مجاناً free وحلال عليك يا صحبي💜

..

٭ 3 دفعات تمت بحمد الله والدفعة الرابعة بدت .. سارع بحجز مقعدك😍

• الكورس online على منصة تليجرام.

المحاضرات كمان حتكون مسجلة في ريكوردات وفيدوهات محفوظة عندك للوقت اللي عايز تحملها وتسمعها فيهو عشان مشاكل ضعف الشبكة والانترنت حاليا

• للتسجيل اتواصلوا معاي على الدايركت|hottg.com/Tanzeel98


او على رقم الواتساب :0997486454

" الحمدُ للهِ ياصديقي..

الحمد لله أننا نَّملُكُ الدُعاء،
وَمع كلِ صفعةِ ألمٍ، يُولد أملٌ جديدٌ بنا
أملٌ باللهِ، باللهِ وَحدهُ❤️."
- ضحى صبحي.

@fadfadah98

مع 2024 تعالوا احكيكم
على قول صحبتي السعودية

عندي مرشد جميل جدا وعجيب جدا
مره عملنا مواعيد معاهو كم شخص
وعايزين نثرثر ونسأل كالعادة ونسمع بعض الموسيقى

لما دخلنا قال لينا :
انا عايزكم تمشوا رحلة طويلة ..
وسكت 🥸

العايز يستفسر يكتب سؤاله في ورقة
مسموح ليك بسؤال واحد في كل ورقة وفي قدامك 5 أوراق

اتفضلوا اكتبوا أسئلتكم
انا اسئلتي كانت
رحلة ل وين ؟
معاي منو ؟
شهر كم ؟
بتاخد زمن قدر شنو؟ (عشان اجهز هدوم واجازه من شغلي تراني هايفة واحب الاجازات) 😁
ما كتبت السؤال الخامس

بعد شاف اسئلتتا 🌚🤢
جزء اتهزأ وجزء اخد شوكولاتة
انا اخدت عزومة على سينما

اكتر ناس اتهزأت اللي سألت
ليه انا 🌚
والقروش كم 😂

وطبعا ناس القروش كم اخدوا هدايا من نوع قوم نضف المكتب وقوم رسل ايميلات وقوم اعمل للناس نسكافيه واقرا كتاب وتعال اشرحه لينا

الرسالة كانت
الفرص لما تجيك ح تسأل من شنو
مستوى اسئلتك
مستوى شجاعة
ولا مستوى خوف
مستوى مسؤولية
مستوى متعة
مستوى عدم ثقة بالنفس

الحمد لله انا كنت زولة بهجة مع حبة انغماس في مسؤولياتي وقال لي بيني وبينكم شايف امك في كل اسئلتك 😂😂😂
قلت ليهو ارح لأمي قول ليها ارح رحلة
بتوريك ليهو بالأسئلة والمسؤوليات

الفكرة راقبوا نفسكم
انتوا بتواجهوا الفرص بأي نوع أسئلة
كل الأسئلة مباحة
لكن في اسئلة بتقيدك وتحبطك ما تختها اول شي
اصلا في ناس وصلت level ما تسأل بكم
مش ماديا لكن وعيها بالفرص بقى ما بتقيم بالمال
بس جرب
اي فرصة ما تضع سؤال (بكم) اول سؤال
غالبا ح تتصرف وتغتنمها
لأنه في فرص جاية تعمل ليك update و upgrade
في استحقاقك واكتشافك لفرص المال عندك

اسأل كل الأسئلة
وخلي سؤال (بكم) اخر شئ
اذا ما اخدت الفرصة دي هسي ح تاخدها المرة الجاية طوالي
انت فتحت مجال لعقلك الباطن يشوف أهميتها

وطبعا سؤال ليه انا ؟ هل استاهل؟ محتاج شغل كتير

جربوا في السنة الجديدة
واحكوا لي تجاربكم

احنا ما بنعيش مرتين❤️.


#حباب_غلاب.
@fadfadah98

#هذا_الصباح♥️

"احتفظت بوعدي ليكِ ..
ما إلتزمت بكلمه منك!."


ما كنا عايزين من العلاقات اللي خضناها في حياتنا و اللي لسه بنخوضا كل يوم حاجة غير الأمان .

و الأمان و ان كان تعريف عام ، فكل واحد مننا عنده تعريفه الخاص بيه ، تعريفه اللي جاي من مواقفو هو من تجاربه من كل حاجه سمحه و شينه عدت بيو ،بقا عارف شنو الأمان بالنسبه ليو او على الاقل عارف منو اللي قادر يقدمه ليه و منو لأ.

- صحبتي عندها زول بيحبها جدا و انا عارفه الحاجه دي، لما سألتها ليه سبتيه رغم الحب ده ؟ قالت لي ما حسيت بي أمان معاه .

عن نفسي ما ناقشتها ولا قلت كلمه بعد الرد ده ، رغم انه ممكن زول تاني يشوفه كلام واهي او مجرد عذر ، و لكني عارفه تماما انها كانت سعيده بالحب ده و انها بقت بتفكر حتلبس شنو في الزفاف !.

طالما قدرت تمسك نفسها و تقيف من كل شي كانت بتبني ليو ، يبقى فعلاً هي ما حست بي امان معاه.
..

إلتزامنا تجاه العلاقات افتكر انو هو حد اركان الامان اللي نحن بنتطلّع ليه ، قدر شنو انت وفيّ للكلام البتقولو ؟ و قدر شنو انت قادر تحقق كلامك ؟ و قدر شنو انت تطمني !؟

ما هو ما كلام و بس ..

احمد زكي لما ادى كريم عبدالعزيز كف في فلم "اضحك الصوره تطلع حلوه " قال ليه زول هو وعدها بحاجه ؟
احمد زكي قال ليه "أيوه وعدها ، كلمه بحبك وعد "!


(ده كان الحوار في اطارو العام قد اكون ما حافظاه كويس ، بس اللي اكيد حافظاه انو "كلمه بحبك وعد !")

لو فكرنا فيها كويس ما حنقولا ساي ولا حنخون الوعد ده ان كُنا قلناها ...

ده مش كلام عن الناس المرتبطه و بس ، لانه الحبّ ما مقتصر على كده ولا الامان ..

اصدقاءنا و اهلنا و الناس المفروض انهم كل حياتنا ديل اكتر ناس مفروض نحس بي أمان معاهم ..

عندي صديقه ايام ما عندي امتحانات و مكتئبه و ما بطلع من البيت ، بتفتح الايميل حقي و ترد على ناس الشغل و ترد على ناس الامتحان ، و تلقاني ما نجحت في الامتحان التجريبي ، تدفع قروش امتحان جديد ، و تضرب تصحيني من النوم ، قومي امشي المكتبة انا حجزت ليك للامتحان ♥️!

"عشاري " حكى عن صاحبة اختو اللي بقت اختهم من كتر ما هي لصيقه بي صديقتا ،، قال لما اختو كانت عيانه و راقده في المستشفى صحبتا كانت بتتدسا في الحمام ، لما يجو الحرس عشان يطردو الناس ، عشان تبيت مع صحبتا ♥️.


العلاقات بقى اللي ما قدرت تحسسنا بالامان ايا كان تعريفه الفردي ، ممكن نخليها تفوت مننا عادي ..

ابدا ما حنخسر حاجه ، غير احساس العشم الاولاني اللي انكسر جوانا ، و عشان ما تبقى سلسله انكسارات .. يكون الانسحاب ابرك !.



#سلمى_المصباح.
#علاقات.

@fadfadah98

كل حاجة بقت بتتغير في ثانية !

وظائف بتختفي - مدخرات بتضيع - صحة بتزول - علاقات بتنتهي - محبة بتتبخر!

فمهما كان وضعك المادي، المهني، الشخصي، مركزك الإجتماعي، عوّد نفسك دايماً تقول الدعاء ده :

"اللهم إني أعوذ بك من زوال نعمتك، وتحوُّل عافيتك، وفُجاءة نقمتك، وجميع سخطك، اللهم أدم علينا نعمك وبارك لنا فيها وإحفظها من الزوال❤️."

ربنا يزيد في بصيرتنا ، يلهمنا الرضا في الموجود ويطرح لينا فيه البركة وخلاص.

هذا المساء..


بيقول لك :

" Your identity should be so secure that when someone walks away from you they don’t take you with them."

يعني هويتك لازم تكون محمية كويس عشان لما حد يجي يبعد عنك ، ما ياخدش هويتك معاه!

- و يبقى السؤال كيف أحمي هويتي ؟؟

الموضوع مش مقتصر علي العلاقات العاطفية بس ، إنما حتي العلاقات الاسرية أو العلاقات الإجتماعية بين اعز الاصحاب، فكرة ان الانسان يكون في علاقة مهما كان شكلها عارف يحافظ علي كيانه بشكل خاص و واضح ، مش دايب في شريك عاطفي او حد من افراد اسرته .. !

فبيقول لك تاني :

" Learn to live without the person you can’t live without."

يعني " أتعلم تعيش من غير الشخص اللي مش عارف تعيش غيره .!!"


يعني في عز حبك و تعلقك بهذا الانسان لازم تكون علاقتك فيه قايمة علي وعيك بمحبتك له ، مش عشان انت هتضيع من غيره .. !

قايمة علي نضوج و كرامة ، مش علي اعتمادية و عجز ...

قايمة علي انت بتدي من عندك ، مش جعان مستني تاخد من غيرك .. !

فعشان الانسان يحافظ علي هويته لازم في الاساس يعرف كويس قيمة هويته ، قيمة نفسه الغالية عنده ، قيمة كل تفصيلة بتشكّل روحه و جوهره .

ساعتها اللي يقعد يقعد و اللي يمشي يمشي، هو مش مربوط بإحتياج او نقص ..

فسواء هو في علاقة او مش في علاقة هو كيان قوي متماسك بمبادئه و افكاره، هو شبعان بنفسه و مصدق بكدة مش خادع نفسه.


#كيرلس_بهجت.

@fadfadah98

حسألك سؤال واحد بس
ولو إجابتك كانت حاضرة بدون تفكير فما تقرأ البوست ده
ولو لا .. أوعدني إنك تقراه للنهاية

وسؤالي هو :
- إنت بالضبط كده ، مِنو؟

هل إنت الشخص البتعرفه عن نفسك والفاكرو عنك ، ولا إنت الشخص البيعرفوه عنك الناس ومفكرنّك عليه ، ولا إنت خليط بينهم ، ولاّ إنت لا هذا ولا ذاك ، ولا إنت ما بتعرف نفسك تماماً ولا الناس بيعرفوك تماماً..
وات إيفر..
خلِّيني أسهِّل عليك المهمة دي

مؤخراً قريت كِتاب لعالم نفس اسمه روبرت هير ، بيقول فيه :
إنو الشخصية عموماً ليها تلاتة تقسِيمات
الأولى
الشخصية الحقيقية واللي هي بتمثل حقيقتنا بكل جوانبها حتى الجوانب الناكرنها والماعارفنها عننا
والتانية
الشخصية النحن شايفين نفسنا عليها ، والبتمثل تصوراتنا عننا ، والطريقة البنحاول نظهر بيها للناس بما في ذلك الطريقة النحن عايزنهم يشوفنا بيها واللي بنبذل كل جهدنا عشان نغذّيها ونحسّنها
والثالثة
الشخصية الشايفنها علينا الناس ، والبتمثل تصوراتهم الشخصية عننا نحن ، ونظرتهم لينا سواءً كانت متوافقة أو مخالفة لنظرتنا لنفسنا ، وسواء كانت صحيحة أو خاطئة

يعني أنا كل الشخصيات دي؟
أيوه يا سيدي ، إنت كل دول
والرحلة الحقيقية بتتمثل في إننا نوازن بين الشخصيات التلاتة دي ، وكلما كان التباين بينها كبير كل ما كان ده بيعني إنو محتاجين نعيد حساباتنا ونشوف المشكلة وين بالضبط!
وبرأيي ، إنه بس الإنسان العنده وعيي ذاتي كبير هو الحيقدر يوازن بينها ، لأنه مدرِك لشخصيته الحقيقية وفي نفس الوقت يوجد تناسق كبير بين الشخص اللي هو عليه فعلاً والشخص اللي فاكرنو عنو الناس ، بإختصار مش متناقِض.

في كل الأحوال..
جزء كبير من الإتزان السلوكي والنفسي بيعتمد على إنو يكون عندك وعي كبير بحالك
والوعي الذاتي ده بدوره بيعتمد علي إنك تكون صريح صراحة تامة مع نفسك..
يعني الواحد يبقى شايف نفسو من كل زواياها
شايف الضلمة الفيهو زي ما شايف النور بالضبط.
وده صعب ، لأننا كلنا بنحاول نداري الجانب المظلم مننا ، بس أنا ما قلت ليك أعرضو للناس .. لأ ، إتقبّل وجوده ، إعترف بيه فيك ، لمن تعاين في المراية شوفو برضه.
عشان ما تتفاجأ بإنه غيرك بيعرفو فيك أكتر منك ، أو زي ما بيقول المتنبي :
ومَن جَهِلَت نَفسُهُ قَدرَهُ
رَأى غَيرُهُ مِنهُ مالا يَرى.

ده ذكرني مشهد في مسلسل الهرشة السابعة
لما واحدة كده اسمها نادين كل الحواليها قالوا ليها إنها بتحكم علي الأمور من وجهة نظرها دايماً من غير ما تراعي للشخص التاني وإنها بتفرض وجهة نظرها الخاصة وبس ، لمن سمعت الحاجة دي من أكتر من شخص قريب منها بمختلف الصِيغ إتصدمت جداً ، حست إنهم ظلموها ، ونظرتها لنفسها بدت تتهزّ ، وده كلو ما كان حيحصل لو هي كانت مُدركة لوجود العيب ده فيها مسبقاً!
فإنك تكون صريح معاك بيتطلّب إعترافك بعيوبك وبنقصك وبالحاجات الماحلوة فيك ، بيتطلّب بإختصار شجاعة إنك تحاكِم نفسك بحيادية وكأنها إنسان آخر.
العندو إدراك زي ده صعب يتكسِر ، صعب تحوّر عليه أو تضغطه ، صعب تهوِّب ليه بعيوبه وبنقصه أو تستخدمها ضده ، صعب تهزمه أو تهزّه أو تأثر فيه .. لأنه already مدرك الحاجة دي ، ومتقبِّل بل متصالِح مع حاله.

وزي ما قال واحد اسمه Mueiz :
(إنك تكون "زول كويس" دا جُهد عظيم ، وبيتطلّب أولاً معرفة بنفسك وعيوبك عشان تقننها ودا بحد ذاته تحدي ضخم جداً ، ثانياً تحتاج تتعلم كيف تتعامل مع الآخرين ودا تحدي أضخم لأنو كل شخص مختلف ، وكل شخص عنده عقدته براهو المحتاج تتعامل فيها معاه وتفهمها
إذن إذا كنت فاكر نفسك زول كويس فإنت غالباً زول سيئ لكن إنت لسه ما عارف الحاجة دي ، لأنه زي ما واضح إنك تكون زول "كويس" دا شئ صعب جداً ، وبما إنه شرط عشان تكون زول كويس يكون عندك وعي بالنفس معناه حتكون عارف عيوبك وعارف إنك ناقص ، وعندك الإحتمالية إنك تكون سيئ ودا حيخلق عندك تواضع وبالتالي وعي لنقطة إنك حتكون في رحلة مستمرة عشان تكون أحسن).

بلا شك ، كلنا نفسنا نكون عندنا وعي زاتي بينا ، كلنا عايزين نفهمنا ونفهم الآخرين بصورة أوضح
وده كلو مُمكن
ممكن لمن نبطل نشوف نفسنا ، أو نشوف الحياة ، أو نشوف الناس التانيين بصورة مثالية.


صباحكم موزون♥


#مريم_الشيخ.

-
" اللهم امنحنا في هذا اليوم من رحمتك وفضلك ماتُسعِدُ به قلوبنا، وتَشرح به صدورنا، وتُيَسّر به دروبنا، وتُنَفّس به كروبنا، وتغفر به ذنوبنا، ياربّ العالمين."


اللهم صل وسلم على نبينا محمد وعلى اله و
صحبه اجمعين💙.

زعلان منّي!؟

أنا آسف .. حقك علي♥️

تعالى كلمني ، وقول أنا زعلان منّك في كذا و كذا
أنا بقدِّر دا جدًا .. و ان شاءالله حنتراضي ونصفى.

لو زول قال ليك عني حاجة كعبة! ما تظلمني بسبب اللي سمعته؛ ممكن بيكذب عليك، تعال و اسألني، وأنا ببقى صريح معاك؛ ولو أنا كعب!! ساعدني أبقى كويس.

ياما ناس بعدت وكانوا فاكرين إننا مُتجاهلين زعلهُم، ونحنا أساساً ما عارفين انهم زعلانين.. و ناس اتكلمت من ورانا وقالوا عننا وخلو الناس تكرهنا ونحنا أصلًا أبسط من كدا بكتير.

ما تسيبوا فراغ سلبي بينَّا .. ممكن ؟!


@fadfadah98

صباح السلام النفسي ❤️


" انت ما مضطر تشارك في كل مشكلة في مواقع التواصل الاجتماعي ، ما لازم تكون مع أو ضد في كل ترند، ينفع عادي تكون ما مهتم بالقصة أو ماعندك حاجة تقولها أو حتي ما عايز تخش في صدام وحابي تحتفظ بوجهة نظرك لنفسك ..

مبارزات الآراء ماهي إلا شحن مستمر لطاقة الغضب جواك !

-أسامة عكاشة.

@fadfadah98