بنت أبوها اتوفى قبل فترة والموضوع مأثر عليها نفسيًا بطريقة سيئة جِدًّا، فصاحباتها حاولوا يساعدوها فكانوا بجوها في البيت طوالي، ومرات بسوقوها معاهم بيتهم من باب التغيير عسى ولعل إنو يقدروا يخففوا عنها شوية، فمرة في أثناء ما ماشة بيت واحدة من صاحباتها جو مارين بمحل آيسكريم؛ فصحبتها طلبت منها تنزل معاها يأكلوا آيسكريم ويرجعوا، بس هي رفضت وقالت ما عندها نفس، بس بعد ما صاحبتها ألحت عليها نزلت معاها عشان تراضيها، بس أول ما قعدوا في محل الآيسكريم سمعوا بنات والهم كانوا من نفس الحي الهي فيو وكانوا بقولوا
"شوفوا البت الما عندها حس دي أبوها يادوب ميت وهي تطلع يومي مع صاحاباتها وتآكل اسكريم، عديمة حياء ولا كأنو المات دا ما أبوها"
.
هي سمعت الكلام وبدأت تبكي، وفي لحظتها طلعت وخلت صاحبتها في المحل بدون أي مقدمات، والموضوع كان سبب في إنو يرجعها ألف خطوة لوراء وضيع تعب صحباتها وتعبها هي في محاولة تخطي الموضوع.

مشكلتنا دائمًا أننا بنتسرع وبنتكلم بدون أي تفكير وخصوصًا لمن نلقى زول كان مرت عليه أيام صعبة، سواء أكانت فراق زول عزيز، انتهاء علاقة، فقدان صديق، وغيرها، وبنبدأ دائمًا نهاجم الناس ديل ونتعامل مع حزنهم الأول كأنوا كان مجرد تمثيل بس، في حين إنو الجانب التاني ليهم متأذي شديد وبحاولوا يطلعوا من الحاجة الهم فيها دي بادعاء السعادة والفرح.

ما أي زول مبسوط بعد حادث مرة بيو يعني كان بمثل، ولا اي زول بحاول يعيش عادي بعد ما صحبهُ مات دا بعني إنو ما كان بحبو، ولا أي زول بتونس وبضحك عادي في حين إنو كان منزل إنو انفصل من الشخص الكان مرتبط بيه دا معناته إنو الموضوع ما فارق معاو، لا كل الناس دي حزينة وقلبها مكسور بس بتحاول تتخطى، عشان كدا بطلوا انتقاد هدام وخلوا الناس في حالها!
خلوا الناس في حالها!

#أمين_عبدالماجد

بِيكـاسّـوهـات💙

بنت أبوها اتوفى قبل فترة والموضوع مأثر عليها نفسيًا بطريقة سيئة جِدًّا، فصاحباتها حاولوا يساعدوها فكانوا بجوها في البيت طوالي، ومرات بسوقوها معاهم بيتهم من باب التغيير عسى ولعل إنو يقدروا يخففوا عنها شوية، فمرة في أثناء ما ماشة بيت واحدة من صاحباتها جو مارين بمحل آيسكريم؛ فصحبتها طلبت منها تنزل معاها يأكلوا آيسكريم ويرجعوا، بس هي رفضت وقالت ما عندها نفس، بس بعد ما صاحبتها ألحت عليها نزلت معاها عشان تراضيها، بس أول ما قعدوا في محل الآيسكريم سمعوا بنات والهم كانوا من نفس الحي الهي فيو وكانوا بقولوا
"شوفوا البت الما عندها حس دي أبوها يادوب ميت وهي تطلع يومي مع صاحاباتها وتآكل اسكريم، عديمة حياء ولا كأنو المات دا ما أبوها"
.
هي سمعت الكلام وبدأت تبكي، وفي لحظتها طلعت وخلت صاحبتها في المحل بدون أي مقدمات، والموضوع كان سبب في إنو يرجعها ألف خطوة لوراء وضيع تعب صحباتها وتعبها هي في محاولة تخطي الموضوع.

مشكلتنا دائمًا أننا بنتسرع وبنتكلم بدون أي تفكير وخصوصًا لمن نلقى زول كان مرت عليه أيام صعبة، سواء أكانت فراق زول عزيز، انتهاء علاقة، فقدان صديق، وغيرها، وبنبدأ دائمًا نهاجم الناس ديل ونتعامل مع حزنهم الأول كأنوا كان مجرد تمثيل بس، في حين إنو الجانب التاني ليهم متأذي شديد وبحاولوا يطلعوا من الحاجة الهم فيها دي بادعاء السعادة والفرح.

ما أي زول مبسوط بعد حادث مرة بيو يعني كان بمثل، ولا اي زول بحاول يعيش عادي بعد ما صحبهُ مات دا بعني إنو ما كان بحبو، ولا أي زول بتونس وبضحك عادي في حين إنو كان منزل إنو انفصل من الشخص الكان مرتبط بيه دا معناته إنو الموضوع ما فارق معاو، لا كل الناس دي حزينة وقلبها مكسور بس بتحاول تتخطى، عشان كدا بطلوا انتقاد هدام وخلوا الناس في حالها!
خلوا الناس في حالها!

#أمين_عبدالماجد

hottg.com/Aminabdulmajid/342

1.3K viewsJun 16, 2022 at 09:37