#نداء_منا_إلينا 💚🌿
بهالأيام الفضيلة وبما أنه الكل عم يدعي دوماً وعم يجهّز دعواته لعرفة ، وكُلنا ثقة وأمل بربنا الكريم أنو رح تستجاب الدعوات كلها 😍
حابّة انبّهكم ع فكرة كتيير خطيرة!
أول شي لازم نفرّق بين شغلتين ..
الدعاء بالخير والمعروف :
يعني لما تدعي لنفسك بالخير وبكل شغلة ترجو من الله حصولها ولها في دائرة حياتك أسباب.. مثلاً عم تدرس وتدعي بالنجاح ، عم تحفظ القرآن وتدعي بالإجازة، عم تمشي بسبيل الدعوة إلى الله وتسأل الله الثبات ،
الدعاء بالشفاء والدعاء للأهل، وتطول القائمة بهي الدعوات التي يفضّل أن تلح بها وتدعو حتى تستجاب وهي أجور أو مدفوع بها أذى 💚
النوع التاني من الأدعية اللي صاير منتشر كتير :
الأحلام والأماني ( اللي أنت كُل ما صرلك فرصة بتسرح فيها بخيالك واللي بعيدة كُل البعد عن الواقع واللي أنت أصلاً تماديت فيها برفع سقف توقعاتك لحياتك القادمة ... وغالباً بتكون دعوات بتخص مستقبلك العاطفي ( يارب فلان) أو (يارب فلانة) ومبدي شي من الدنيا غير هالطلب،
وغالباً هالفئة بتغلب حسن الظن بالله بطريقة لا تصح
(( الله أرحم من أن يرى قلبك متعلق بشيء ثم لا يعطيك إياه))
والصح نقول ( الله أرحم بك من نفسك ومن أمك عليك فسّلم له الأمر ولا تعلق قلبك إلا به) ...
واللهِ الموضوع خطير عليكن أنتو بالأول 💔 ،
رفع سقف التوقعات والتعلق بأحلام واهية وخصوصا العاطفية،
لما ما بتستجاب الدعوة وبيروح الطرف التاني من دائرة الإمكان للمستحيل بيصير نكسة فظيعة،
ويارب أنا ماكان بدي غيره وأنا دعيت وما استجبت وأنا كنت احسنت الظن وانا وانا وانا....
يا جماعة خلونا نتقي الله بأنفسنا ولا تعلقوا قلوبكم إلا بالله ...♥️
ولو كنت لا بد بدك تدعي ادعي بس
أسأل الله العافية دوماً واقرن دعواتك ب ( لو كان خيراً لي)...(لو رأيته خيراً فيسره وإن شراً فاصرفه) بتماام التسليم والطاعة ... ولو كان الأولى ترك الدعوة بشخص محدد 💚
ولكن لا تعيش أحلامك براحتك وتقول ربنا كريم ... أي ما خلاف ربنا كريم بس أنت سلّم حالك لأمره وسلم حالك لكرمه.. مو تقوله أنت كريم بس ما بدي منك شي غير اللي أنا شايفه وبس !!
ربّنا قال بكتابه الكريم :
«ومن الناس من يعبد الله على حرف فإن أصابه خير أطمأن به وإن أصابته فتنة انقلب على وجهه خسر الدنيا والآخرة»
معنى الآية العامّ... هي أنه في ناس بتعبد رب العالمين على حرف إذا رب العالمين اكرمها وعطاها خير بتضل عم تعبد، وإذا رب العالمين منع عنها شيء ابتلاءً واختباراً اعترضت وسخطت وبطلت تعبد وهدول الناس خسروا الدنيا والآخرة ...
نسأل الله العافية 💔
فانتبهوا - ألا هل بلّغت اللهم فاشهد - وأسألوا الله المعافاة وأنو ما تتعلق قلوبكن إلا بالله وأسألوه من خير الدنيا فهو كريم ولكن بإيمان تامّ بحكمته ورحمته وعدله 💜!
وما ننسىٰ القضية الأهم ...
أن تدعو لآخرتك أكثر مما تدعوا لدنياك ♥️!
وخصوصاً بهالأيام العظيمة ..
ادعي لحالك تعيش و تموت عالإسلام، ادعي بالخاتمة الحسنة، ادعي لحالك لما رح تروح القبر لوحدك، ادعي ليوم رح تتحاسب لوحدك، ع كل صغيرة وكبيرة، ادعي ليوم عظيم طويل ،،
ادعي لحالك بالهداية ودوام الثبات على الدين بالوقت اللي الشباب والبنات فيه عم يتركوا كُلشي، ادعي بالجنة بل بالفردوس ادعي تشوف النبي صلى الله عليه وسلم وتشرب من يديه الشريفة، ادعي تكون مع الناس اللي بتحبن وتحشر بزمرتهن،
وبالأخير وبما أن الدعاء مُخ العبادة، فيا صحبة الخير
لا تعبدوه ليعطي بل اعبدوه ليرضىٰ فإن رضي أدهشكم بعطائه 💚!
>>Click here to continue<<