كلو ما لدينا. من الحسين
**
گبل افقر واحد انه. وكلشي ما املك جنت
وهسه اكبر تاجر انه. بخدمة المنبر صرت
سجلتني خادم. ام البنين
كلو ما لدينا. من الحسين
*
واكف مجدي اعله بابه. وحاشه يطردني الحنين
وانه هذا الخير كله. العندي من جيس الحسين
غركاني خيره. طول السنين
كلو ما لدينا. من الحسين
*
انه ما محتاج شهره. بس اريدن نضرته
والله لو امشي اعله عصه. هم اضل بخدمته
عاهديت الزهره. وانه جنين
كلو ما لدينا. من الحسين
****

خادم اخلص للتخدمه. وكون توفي اويالتحب
لان هاي الخدمه تدري. بسرعه منك تنسلب
صعبه من يردك. خالي الادين
كلو ما لدينا. من الحسين
*****
انه عالفطره هويته. وكلبي بمحبته نبظ
يعني تردون الصراحه. حسين سوه براسي حظ
اهوايه كبراني. وخلاني وين
كلو ما لدينا. من الحسين
********
حسين وي عطر المجالس. كمت دوم اتنفسه
يعني اكبر شرف هذا. لمن اكنس مجلسه
السيدي وحبيبي. ما تغله عين
كلو ما لدينا. من الحسين
******
تمت
تحسين الخفاجي

للـزهره حـزنان الـورد آ يا حسافه
يالوسدت فوگ الرمل خد الترافه
يامن دفنت الصبح
حـقـك اذا تنـجـرح
ياعلي ياعلي

___________

ارد اسـئلـك ياعـلـي ابدمـعـه جـريه
اشكبره صبرك چان ياحامي الحميه
انـته من شـيعــت عطـر الله ونبــيه
شلـون متـنك شال تـابـوت المنــيه

شايل على متونك نعش لو شايل الكون
اهل السمه واهل الارض حگهم ينوحون
الدمعه اعله فاطم رمح
حـــقــك اذا تـــنـجـــرح
ياعلي ياعلي

___________

باللـــحــد ياعـلـــي لــَمن وســـدتها
اشيوجعچ يم الحسن هم ناشدتها
من فتحت الچـفن يمكـن شاهدتها
بعـده ازرگ ياعـلي لو طـاب خدها

مـحد يـلومـك انـته لـو بالعـمـه حـسيت
وبيدك يحيدر بالگبر شمس الله حطيت
هالحچي من ينفتح
حـقـك اذا تنــجـرح
ياعلي ياعلي

___________

لاتـون يـم راسها تـدري ابـوضعها
خـاف تـسمع ياعـلي وينزل دمعها
فاطمه تـدري البچـي يلچم ظلعها
وانته اكثر واحد اليدري ابـوجعها

الدافن حبيبه بالگبر خل يبچي بسكوت
ومحد يلومه ياعلي المن البچي ايموت
يالمدمعك بـي ملح
حـقـك اذا تنـجـرح
ياعلي ياعلي

___________

محني يابو حسين ليش اشكبره المصاب
الله وحــده ايســاعـدك ياقـــالــع الـــباب
علــى راسـك حقــك امـن اتطـش التراب
رمـش عـينك ياعـلي امـن الفـاجعه شاب

ياقالع الباب اشعـجب تتـعـثر اشبيك
اجروح الوديعه ياعلي بس لا تأذيك
يالمنهدم لك صرح
حـقـك اذا تنـجرح
ياعلي ياعلي

___________

باللـحد مـن نزلت بـيـدك حـياتك
انترس گبر الطاهره من نايبــاتك
يمهـا لـَمن سولـفت عـن ذكـرياتك
انته من ذاك الوكت حانت وفاتك

ميــت ولكــن هالــنفـس تتــنفــسه دين
لجل الحسن متداينه وزينب والحسين
والنفس لمـن يشح
حـقـك اذا تنـجـرح
ياعلي ياعلي

___________

الفـجر صار وبالگـبر انـته رمـيه
امتانـي عزرائيـل يلفيك ابمـنيه
اتصـيح ياسلمان اذتـني الـرزيه
اتراب گبر ام الحسن هيله عليه

بلكت امـوت وانـدفـن وي نـور عيني
بلكت اذا اموتن يخف نوحي أونيني
يالبلحـزن منــذبح
حـقـك اذا تنـجرح
ياعلي ياعلي
___________
حيدر تركي الكربلائي

خـيـرك امْـكــفّـيـنـي
امطشر اعله سنينـي
نـــور تــارس عـينـي
يـاحـسين

مـنــيـن مـا انـدار ألـك ... الـگــه خــيــرك منــتــشـر
تنطي كل هاي البـشـر ... يـالـعــطــائـك مــســـتـمـر
آنــه ضـايــع ســيــدي ... مــفــرده ابّــحـــر الـشـعـر
حـلـوه يـحـسين وعلي ... يــگــضـي ويّــاك الــعـمـر

انــتــه ويّــاي ... مِــثـل مــاي ... بـارض بس هيمـه
امغمُّض العين ... يـالاحســين ... واشـوفـك خيمـه

يـــاهـواي ابـــريـتـــي
يـــا ولــي تــربــيــتـي
مـجـلـسـك عــافـيـتـي
يـاحـسين

____1____

امن الزغر شفتك شمس ... بس تضوّي ابكل وگت
ألضـوه ايـغـأيـب ابـزمـن ... وأنـته لـحـظـه ماغـبت
ودورت شـفــتـك ســـمـه ... لـلارض مـــا لامـــسـت
مـاطـحــت فـوگ الارض ... انـته عـالــعـلّـه طـحـت

وخنصرك طاح ... كـمـصــبـاح ... جِلالي الظلـمـه
بصدرك الخيـل ... ترض حيل ... وْتـوزّع رحـمـه

مــاكــو مـثـلـك ثــانـي
ابـلا ســـؤال انـطـانـي
يــــاعـــشــگ ربـــانــي
يـاحـسين

____2____

انــتــه دلّــيـت الـرمـــح ... اعـمـى چـان ابــلا نـظـر
ديــنــك احتـاجك فـرض ... وانتــه أدّيـتـه ابـنــحـر
مـا كِـسر عـزمــك عـطش ... لا حــوافــر لا حــجــر
ابتـسـع اصـابـع خططت ... كــل مـشـاريــع الـدهـر

اتـوزع اخـيام ... يـــضـرغـام ... حـنـيــنه افـعـالـك
امحرر الـناس ... يالأحساس ... چـثـيره افـضـالـك

كلشي دونك صـحره
يـا أصـــل كـل ثــوره
يــاحـبـيـب الـزهــره
ياحــسين

___3_____

كــون احـبـك مـن گـلـب ... مـو احچـايه ابلا فـعـل
وابقى اشـيـلّـنّــك حـــرز ... عـقـلـي حـتـى يكـتمـل
اولــو يـمر اســـمـك اون ... ابلا خجل مثل الـطفـل
الــلّـه خـالــــقــنـي الــك ... يـعـني لـك كـل الفـضـل

ابـلا مسـافـات ... ومـحـطـات ... يگصدك فكري
ياضوه الشوگ ... يـمـعـشـوگ ... يـرازق شعـري

أحـْتـرامـي بـصـيـتـك
بـالـگــلـب خــلّــيــتـك
اعـمـى بـس اقـريـتـك
يـاحـسين

____4____

الخدمـه مو يـاهو الأجه ... وصـار خادم من صـدگ
الـخـادم الـصدگي شـرط ... كــون گـلـبـه مـحـتـرگ
وابـد مـايـــدخـــل زعــل ... بـيــن خـدام الـعـشــگ
أنـــتـــه رايـــد لــلـخـدم ... كــون ابــد مــاتـفـتـرگ

قـبـل الاقــوال ... بـالافـعــال ... تـريـد الـخـادم
مصحف ايـمان ... لــلأذهــان ... يــتـاج الــوادم

الـخــادم الــتـــدعــيـلـه
مـا تـلـــوحـه الــمــيــلـه
شـمـس تـضـوي بـلـيلـه
يـاحـسين

____5____
#رزقهم_سلام_الله_عليهم
#احمد_رزاق_الاعرجي

من محطات السفر يبدي الهجر
ذكـرياتـچ ناگـه طلعت بالفجـر
ونسبه حته الهوى ،،،، من مواقف نينوى


بـيـن الـمـوادع ملامح تـشـبه الهجرة السعـيدة
يـخـظـر الـدلال مـلگه حسين اذا ينزف وريدة
رحـلـتـج عالنوگ سبحه من رقيه لحد حميدة
المطر من يذبحلة غيمه الغيمة معناهه شهيدة

والـتـذاكـر شايله رماد ورمـاح
يرگض بحيلة الرمح لليستراح
الينذبح ماله دوى،،،من مواقف نينوى
٭٭٭٭٭٭٭٭٭٭٭٭٭٭٭٭٭٭٭٭
الـهـيـمـه ماترحم يزينب تروع اخدود الزغار
تـنـحـنـين هواي گالو مبينه يعني ذو الـفـقار
الماي من يحترگ يصفه ومايهم يفزعله جار
زيـنـب بجدمـچ يخظر كل شبر فاگـد خظار

الشافج يشوف ابو فاضل واللوه
انـتـي ريـة محجبه وهـوه الهـوه
الينعگد ينفل سوى،،،من مواقف نينوى
٭٭٭٭٭٭٭٭٭٭٭٭٭٭٭٭٭٭٭٭
اليسمع بروحـه نواعي تنزل دموعـه مـنارة
شگد بچيتي آ يزينب حته صرتي بـصــدارة
اليبچي عالمذبوح والله يعتبر بـچـيه تجـارة
الشركة ويه حسين تحله لان مابيهه خسارة

موسـم الـونـات عـنـدج عاطفه
الصحرة تتنفس هواها بعاصفة
الدمع وجروفه ارتوى، ،،من مواقف نينوى
٭٭٭٭٭٭٭٭٭٭٭٭٭٭٭٭٭٭٭٭
هواي مذمومة الخرابة حـطـمـت كل ذكـرياتج
تـيـتـمـت حـتـه النواعـي مـالكت لمة خواتـج
حسين خط اسمج محنه وكافلج لازم غلاتـج
الشام شنهي الشام والله مايجي خيط بعباتج

الكون كله يروح فدوة لدمعتج
الـف عـمـرة بـعـتـقـادي زيارتج
زايرچ مثل الضوى،،،من مواقف نينوى
٭٭٭٭٭٭٭٭٭٭٭٭٭٭٭٭٭٭٭٭
موتتچ بالغربة صاحت ماتت الحرة العقيلة
والله تستاهل يوادم زينب الدمعة الثگيلـة
اليفهم بحيلة شريعة شـكـوتة لازم طويلـة
يابوفاضل هاي زينب والنعش محد يشيلة

متونك تكفي تحط بيهه السمه
نـخوتـك عباس هايـة فاطـمـة
زينب وهمهه انطوى،،من مواقف نينوى



حسين الگرغولي

السلام على الطفل الرضيع

طيور الجنة نزلت
عزه ال عبدالله سوت
بالطفوف بالطفوف
/ / / / / / / / / / / / / / / /
طيور الجنة من شافت جراحه
عله جسم الطفل سوت مناحه
كل واحد يضلله بجناحه
عسى العاشر فلا بين صباحه

ملائك لبست ابيض
تقبل منحره الغض
بالطفوف بالطفوف
/////////
نزل من السمه موكب عزاءه
من تحت العرش يحمل دماءه
حضر يم الطفل واشتد بكاءه
رادوا تنذبح بيك البراءه

ينضر والوعد حل
لسانه بالدمه ابتل
بالطفوف بالطفوف
////////////
نزف ضي الشمس من سال دمه
حضرت فاطمة تلثمة وتشمه
جرح محسن يعبدالله تلجمه
هضمكم كسر ضلوعي ييمه

محنيه وتحمله
على نحره تقبله
بالطفوف بالطفوف
////////
طفل حسين محسن ماسك ايده
بالطف كلمن يواسي ابعضيده
يكله اعلينه هايه مو جديده
اختلط دم الصدر وي دم وريده

مصابك وي عذابي
من مسمار بابي
بالطفوف بالطفوف
////////
نسمات الهوى بنفاسه حارت
شهك شهكت منيته وروحه سارت
بنعش نور وعله الافلاك دارت
ل أمصابه بواكي الدنيا الصارت

الكون أعلن حداده
ابحياته وكل جماده
بالطفوف بالطفوف
///////


أحمد عيسى البديري

موكب جابني و موكب يوديني
مجنون الخدامه ارجوك سميني
لا تحچيلي بالعقال
ادعيلي بدوام الحال
مجنون الخدامه
...
امي بخدمة المولى
كلش صافيه النيه
جابتني بعلي وياكم
يوم الاربعينيه
على الفطره توديني
حافي بيدي صينيه
وماي وصيحة تفضل
يزاير اشرب اميه
عفيه ابني تگلي الوافه تربيتي
من ارجع واگلها ترسي صينيتي
اي توك صرت رجال
ادعيلي بدوام الحال
مجنون الخدامه
..
بنيات الفكر ذني
شلي بكل فكر عاگر
الله وخدمة الزوار
عداهن انحسب كافر
ابوي بهذي وصاني
والهذي گلت حاضر
احط هيل اعله كلماتي
گبل لا احچي وي زاير
اركضله ركض محروگ لو عده
ترد الزهره للموكب اذا رده
وتشيل العافيه لو شال
ادعيلي بدوام الحال
مجنون الخدامة
...
عقل ما بيه تمر زوار
لله ما يوصلني
واذا هذا العقل عندك
ربي لا يعقلني
اخصمها واگلك هاي
وبهذي تخيّلني :
عگده براية العباس
انه ومنها شيحلني
كفلني حسين لخدمته كافل
ايَّس مني حالفله ببو فاضل
بعد اكثر شنو الينگال
ادعيلي بدوام الحال
مجنون الخدامه
...
ديني وديدني الموكب
وابقى انه عبد عنده
بلايا خدمة الزوار
صلاتي تظل نقص سجده
اذا زاير يمر عطشان
گبل الماي اله اتبده
واچلّب بيه مثل غرگان
هوه الدنيا لگاه عنده
أحچيها گبل لا انت تنشدني
سولفها وي عقلك منه شيهدني
واسولفلك جنوني شگال
ادعيلي بدوام الحال
مجنون الخدامه
...
آنه وزاد ابو السجاد
بكل موكب نظل اخوه
ثواب الخدمة الزوار
منذورين أنه وهوه
هوه من تمسه النار
يطيب وبالجمر يروه
وانه جروحي كلها تطيب
من بناره اتچوه
ودخان الطبخ لمن يبچيني
ذنوبي تطيح كلها وي دمع عيني
لو اوزاري ثگل اجبال
ادعيلي بدوام الحال
مجنون الخدامه
...


الشاعر علي العابدي النجفي

طفله تمشي عالنوك ترفات اديهه
كلشي بيهه مخنوك ترفات اديهه
مايلوك الهه السبي
يا سياط اتأدبي
ترفات اديهه
----------------------------؛
كان يا ما كان قصه
بيهه لوعه وبيهه هم
يحكه عن عاشر محرم
إبكربله إنصبت خيم
قصه تحجي عن سبايه
وجربه وجفوف وعلم
وبيهه طفله وصوط قاسي
املطخ امن الطفله دم

عالهزل واويلاه من ركبوهه
عودوهه عالآه من ركبوهه
عالهزل بنت النبي
يا سياط اتأدبي
ترفات اديهه
---------------------------؛
كبل لا تركب الناكه
دنكت فوك الترب
تنحب وشالت كلبهه
الطاح من كثرالضرب
حافيه وتكله انشدك
ليش طايح يا كلب
امشي ركبني واركبك
كالو ابعيد الدرب

إمشي لازم انروح ويه السبايه
نشبع اهواي اجروح ويه السبايه
حته لو نحبي حبي
يا سياط اتأدبي
ترفات اديهه
----------------------------؛
بثوبهه المحروك تعثر
والوجه مملي تراب
ولبست الخوف وتنادي
بويه مو وكت الغياب
حاجت الزورك متنهه
كافي ما احمل عذاب
سوطك المرمرني شيله
عني واتحصل ثواب

شويه رايده ارتاح يالعذبتني
كلشي من إدي راح يالعذبتني
ابتعد يالاجنبي
يا سياط اتأدبي
ترفات اديهه
---------------------------؛
تكسر الخاطر رقيه
وينهه اووين الدمه
جانت بأحضان اهلهه
عل دلال امعلمه
تلتفت وتريد ابوهه
العافته ابكاع الضمه
وحين سلبوهه التراجي
بجت املاك السمه

هايه قصة احزان بنت الرساله
تدخل اعله ديوان بنت الرساله
وينظر الله الناصبي
يا سياط اتأدبي
ترفات اديهه
---------------------------؛
بالخرابه اشلون كعده
كعدت ابحر الظهر
ذابله ويابس غصنهه
واعله ساعه ينكسر
عدهه بس مطلب تريده
تنكضي ايام اليسر
وتغفه وسط احضان ابوهه
إبدال احضان الكبر

مادرت يجي راس يوم التلاقي
وتذبح اعيون الناس يوم التلاقي
ياعيون اتحجبي
يا سياط اتأدبي
ترفات اديهه
-----------------------------؛
شالت الراس وتكله
اشعطلك يبن البتول
عاش من شافك يغالي
تدري ما اكدر اكول
انطيني اشبكك ياحبيبي
وخل المشابك يطول
إشماله وجهك بي علامه
جنه اثر حافر خيول

بويه بويه يحسين وياك اخذني
اجري دمعة العين وياك اخذني
فدوه نفذ مطلبي
يا سياط اتأدبي
ترفات اديهه
----------------------------؛

ش/ علي الإبراهيمي

اسرك سر يبويه واسمع احساسي
بحجرك ما اضن يغفه بعد راسي
نهايه الهجر مو شده
ووياك الفرح عده
____
حنيت _ ونيت_ وسكن صوتي وبقت روحي
تشتاك _ الفراك _ ملح وغيابك ايذره عله جروحي
تمنيت _ ياريت _ تجيني وامسح بثوبك دمع نوحي
احلام _  وايام _ لاتخلص ولايخلص الك دوحي

كل مسافر اتعنه واسئلنه
ابوي الراح ماعندك خبر عنه
يكلي الراح شيرده
ووياك الفرح عده

#رقية_عليها_السلام

عمه عمه   اتمنيت اني الراهب
عمه عمه  واشبگ ابوي الغايب

آه  بيه حسره
آه  وينه نحره


جنت الحبيبه  وهسه الغريبه
الداسته الخيل من وين اجيبه
ميت والاسهام  كلسا تصيبه
شعظم المصيبه

المات بموت عباسه
ذبحوا كل هَلَه وناسه
وحطو عالرمح راسه

ثوبه ثوبه  متشگگ أمن الحافر
ثوبه ثوبه  انسلب يوم العاشر

صار  كلشي عثره
آه   وينه نحره
.
.
.
.

عطشان أبويه يا عمه صعبه
جا يمتى اشوفه ماي ارد اشَربه
مشتاقه اخلي راسي اعله گلبه
گلبي واحبه

لساه ما خلص ذبحه
الوادم تضحك لجرحه
الشاله يهوس برمحه

ذابل  ذابل  وجهه المتعب الزهره
ذابل  ذابل    وعيونه كلش  حمره

بي  الله ادره
آه وينه نحره
.
.
.
.

عمه المسيحي  مات اعله رسمه
كون بمكانه  واسهر واشمه
وبدموع العيون اغسل له دمه
لا ما الجمه

ما اگله اني عطشانه
ارسمه يمشي ويانه
موش اشفافه ذبلانه

ارسم ارسم   رأسه مع كل جسمه
ارسم ارسم  من شعره عمه لجدمه

ماي واعله صدره
آه  وينه نحره


.
.
.
.
بالملگه أصبن دمعي اعله دمعه
ترفعيلي رأسه  مو انه ارفعه
مچويه اديه خافن اوگعه
ياذيني وضعه

مثل بچيه اعله اخوه عباس
هيج ارد ابچي فوك الراس
حريمه ذبحوا الاحساس

ميته ميته  حسبيني لو شفته اني
ميته ميته  من القهر واحزاني

نوح  گلبي جمره
آه  وينه نحره

.
.
.
.

عالوالد أسأل  جند ال اميه
يگلولي عفناه  للاعوجيه
يا عمه مطحون  چبد الزجيه
بالغاضريه

خنصر أيده ما هوه
يجر هذا الهوى كوه
بلا اولاد لا خوه

وحده  وحده  والشمس تصهر جسمه
وحده  وحده  جامد بعينه دمه

صار ساحه ضهره
آه   وينه نحره
.
.
.
.
يا عمه بالشام يكثر تعبنا
الرايح الراد الواگف يسبنا
ومن نظرت الناس يوگف گلبنا
محد يحبنا

احجار من السطح يوگع
علينا ولا فرد يفزع
ودمنا من الوجه يطلع



يوگع  يوگع   الماي حار اعلينا
يوگع يوگع  ومثل الخيم يجوينا


اوجوه   كلها حمره
آه  وينه نحره

#الشاعر .. عبدالله الشويلي