الله يعين گلبه الگابل امه
مكسورة ظلع مهظومه يمه
نظرات على امهم اخ وشلون
وكلمن ظام دمعه بطرف الاعيون
ــــــــــــــــــــــــــــــــــــــ
سكتو كلهم وظل الگلب ملچوم
ومن اتگوم امة حسين چان يگوم
الله يعين گلبه اشگد يظل مهظوم
التون يم أذنه امه من الوجع كل يوم

المصيوبه أمة گربه ايشوف صعبه
وساكت لچن ينزف چان گلبه
ومن حرگت الدار اتغير الون
ــــــــــــــــــــــــــــــــــــــ
امه الألم بيهه وهوه بيهه ادره
من تتنفس امه يختنگ صدره
الحسن يوجعني گال اليوجع الزهره
ويريت ابدال امي ظلوعي متكسره

ذبل ذاك الدلال وذيچ الاحظان
وعلى دمعه وحزن ملتمه الاخوان
صوت امهم سكت حيره شيگولون
ــــــــــــــــــــــــــــــــــــــ
زينب تگظي يمهه الوكت بالمدمع
على شوغات امهه الگلب يتگطع
اتروحلهه من تدعي وتوصل وترجع
ابچف واحد تشوف الزهره من ترفع

ابچف ترفع وچف تلزم كسرهه
بتهه اتشوفهه اشيبقى ابصبرهه
تدعي الزهره چانت على الملعون
ــــــــــــــــــــــــــــــــــــــ
وام كلثوم يمهه والدمع ينهل
كلما جاي حيل الزهره ظل يذبل
صفت مثل الخيال ابكثر ما تنحل
شلونچ يمه هسه ابكل صبح تسئل

على كيفچ ويه روحچ نشفي الادموع
ويبعد ظلوعي يمه شلون الاظلوع
يعصرون الگلب لمن ينشدون
ــــــــــــــــــــــــــــــــــــــ
يطب بيته علي واهمومه حانيته
ومحنيه وعليله يلگه ام بيته
بيته اظلم الچان الزهره ظاويته
وام الملگه ساكت صوت حنيته

ذبل حيل وسكت صوت المحنه
ويدري وتظم چان الصطره عنه
ومن اتگول يمه اليمهه يبچون
ــــــــــــــــــــــــــــــــــــــ
والينگط محنه يشاهد اگباله
ابعبره وخنگه صاير ملگه لعايله
ظهره ينكسر كلما يجي اباله
صطرت فاطمه ومحسن وچتاله

خلص ذاك الوداع وغمظت العين
وكله اتصيح گبلچ كون ميتين
بفرد صوت على امهم ظل يصيحون

شلون ما اتبرى والعن بالعلن
الصطر خد وكسر ظلع ام الحسن
ــــــــــــــــــــــــــــــــــــــ
ما اغض طرفي اعله وادم مجرمه
ليش طاغي وبالخلافه انلثمه
هوه قاتل هوه قاتل فاطمه
صرخه تدوي بالرخاء والمحن
ــــــــــــــــــــــــــــــــــــــ
بالمشاعل هد على بيت البتول
وحرگ باب اتقبله اشفاف الرسول
للرسول شلون صاحب عنه اگول
الصاح بالباب احرگ البيت وآن
ــــــــــــــــــــــــــــــــــــــ
زمره ماتعرف حلال ولا حرام
وي رحيل المصطفى انزاح اللثام
للطرق ردو وتقديس الاصنام
بيدهم عادوهن ايام الوثن
ــــــــــــــــــــــــــــــــــــــ
سلب اعظم حق لسيد الاوصياء
وعلى بيت النبي سن الاعتداء
الگال ما تورث جميع الانبياء
اشلون داود النبي يورثله ابن
ــــــــــــــــــــــــــــــــــــــ
اليقره فتش مايظل اعمى وغشيم
كله موجوده الحقائق عد سليم
من فعلته اتبرى شيطانه الرجيم
وحمر خله اعيونه واتغورگن
ــــــــــــــــــــــــــــــــــــــ
گام من النفس يلچمهه الكسر
ومن علي اتظم چانت اثار السطر
ومن بچيهه الصخر حن وينفطر
وعلي اينشف ادموعهه بذاك الردن
ــــــــــــــــــــــــــــــــــــــ
وفاطمه اسشهدت والمحسن شهيد
وبمچان الساده تترأس عبيد
همه ذوله الورث من عدهم يزيد
الخيم باب وللحرم سوط بمتن

غـير تـتواسه اليتـيمه مـن الهظم
مـوش بـانــواع المــظالم تنــظلم
--------------
هاي عادى ومـاشـيهه ابيــن البشر
الفاگـد ايواســونه بمـلاگه وقـهر
موش فوگ الكـسر يتواسه ابكسر
وعلى الدار الفزع ما بيهم شهم
--------------

رگظ مشـــيوله المـشـاعل لـعز دار
چنهه مـن بيـت الرسـالـه اتريد ثار
واعـلى مــن الـدار لمـن علـت نار
الماله غيره ابچلمه ابد ما يلزم
---------------

شهم ماكو يگول شنهي اهناك صار
وغيره ماكو الـجار يم الحامي جار
وكلهه تسـمع چانـت اصـياح الزغار
من علت نار وعله صوت الهجم
---------------
ابكـسره گالت هذه بيـت ام الحـسن
وعله الصوت وسمعت احچايه وان
ودفـع بـاب اعله النحيله مـن الحزن
وگباله خير البشر وسفه انشتم
---------------
اثنين من عصرين من دفعت الباب
فاطمـه والمحــسن ابذاك المـصاب
واثنينهم طاحو سـوه فوگ التراب
وبعد من ياجرح فاطم تلچم
----------------
فوگ حــگه اگــبالـه رايـــح غصـب
وفـوگ دار ابـــنار داسـوهه الـغرب
اتعدو الـحـد وسـفه علخـد تنظرب
وظل زراگ اللون اثار اللطم
---------------
منو بـي غـــيره بعــد والمـــن تلـوم
ابوسط بيت الوحي تسمع فزع گوم
وگامت ولو مـــو علي چــا ما تگوم
واول امظحيتله هــيه ابسيل دم
--------------
مو مســافه ومـوش گــوم الكـظته
بيـــن فقــاره علــي وچــف يمـنته
كـلمه منــطي ومــا يـــرد ابكـلمته
چا يخلي الـسيف بيـهم ينثلم

ساحگ سچت امتيهين
واعرف مني يل تدري اشكثر مو زين


وانه بابكم ناشدت گلبي اهواي

اشبعد ياگلبي رايح وين
لاتستخير وتحتار شني گدر الذهب والطين

ولا تتوهم وتحتار

هامنانه هامنانه هانصين

جنه ونار مايجتمع حب الدنيا ويه حسين

شبعد بية گظت وياك
چم مجلس عزاء وللگبر ماشين

شد حيلك بعد لحسين

هل دمعك بعد لحسين

فك حظن الگلب لحسين
وادفة ابحظنه مو تحرگ ابدنية اسنين

وانشد بالگبور الزين والموزين
شني درب الصدگ واشنافع الميتين

ويرد ليك الجواب ايگول
امشي ابدربة موش ابسچت امتيهين

يامولاي
اشنفع اليمشي بس اعليك مامجروح

يامولاي
اشنفع البي نفس ما عنده منك روح

انة الميت اجيت وتدري كلي اذنوب
وانه المذنب وماگايلي مذنب روح

يبرد گلبي ليش وياك
وعرفتك دمعة وانته علرمح مذبوح

ردني اليفرح شما جاس گلبه النوح

ولون الگلب من لونك
وعطرني ابنفس جونك
اجيتك ميت احييني ابظوه اعيونك

وترد فطرت گبل بالروح ازورك وانشد شلونك

اشلاگي الما مشى بدربك

واشظاگ الما يحب تعبك

غيرني الك مولاي ابداعت فاطمه الزهره

واريدن عمري كله وياك يگظي زياره لو عبره

وخليني گلب يحترگ زايد بيك
كلما يلطم بصدره

بالحزن نسئل ونتنطر جواب
ليش عد بيت النبي محترگه باب
هلمصاب الفتح باب الكل مصاب
وجرى كل دم بالظلع وادمومه

----------------

ابروح ابچي واسچب اعبار الدمع
ليش باب احترگ وعليهه اندفع
مو ظلع واحد تكسر چم ظلع
وغدت منه وي النفس ملچومة

----------------
غير بت النبي تنهاب ابقدر
وتظل محشومة على طول الدهر
ليش فاطم يشتموهه وتنصطر
وليش هل أسئله اتظل مظمومه

--------------
ليش اظمن وجع ظلع ام الحسين
وبقى كالدملج اثر صوط الادين
البت رسول الله زرگه اتصير عين
وماتت وبالعين اثر مرسومه

---------------
ليش ليلاً للمگابر رايحه
شيعوهه وماكو صوت وصايحه
بچي سكته ويكتمون النايحه
ومن مراسيم للعزاء محرومه

---------------

گول ليش اختفى الزهرء الگبر
وليش گبر امنة ولا نعرفله اثر
وين مدفونه الزچية ابيا كتر
هلحقائق ماتظل مكتومه

---------------
ليش نسكت واحنة اهل دم وكسر
على السقيفة الردو الاصل الكفر
والظلم كلة من ابابكر وعمر
واليجامل غيرته معدومة

مولاتي ام الابنين تسئل ظعن الحسين
عليه السلام عندما رجع

وين وين ظعن المشى امحمل عشيره
وين وين الراياتهم متروسه غيره
وين وين ذيچ الهوادج عل اميره
-------------

الظعن ما ينعرف مو نفسهه التودع
المشى بسيوف تلمع رد دمع يلمع
مشىى ابتسبيح واذكاره بهمس تطلع
ورجع بس البواچي والطم نسمع

جاي جاي والظعن تهمل كله عينه
جاي جاي بوجوهه مثكوله وحزينه
جاي جاي معقولة بالخدر اسيره

-----------------

ظعن يكسر الناظر لمن ايشوفه
رجع نسوان والرايات ملفوفه
العقيله شلون تمشي بناگه مكشوفه
البت معصوم اخت معصوم مچتوفه

ليش ليش وين الهواشم فيي عليهن
ليش ليش اثار الحبال على اديهن
ليش ليش المتروس هيبة انترس حيره

-------------------

ظعن متعوب والنسوان مهدومه
نهار السبي ياخذ حيلهن يومه
بسبي ونوم الخرايب راحت ارسومه
وانه المفجوع گلبي ينطر اعلومه

راد راد الراد اسئله وانشد الراح
راد راد ماعاش لحظه الگلب مرتاح
راد راد المغرب لصوبه وجهي اديره

-----------------

يزينب وين الحسين وعظم گدره
بشريني على اخوته وفو ابكتره
مشى العباس رد والحرم تنتظره
والهاظمني كسرت خاطره وظهره

صاح صاح چم مره گوم وياي عباس
صاح صاح استوحدوني ابدونك الناس
صاح صاح طيحتك يلكافل چبيره

---------------

من يوم الصارت دمة القاروره
مثكولة ابعشيره ابسفر منحوره
باليقظه واحلامي تنرسم صوره
السادة امذبحه وايتام مذعوره

راي راي تتراكظ ابلا راي الايتام
راي راي الحفاي سحگن جمر الاخيام
راي راي ابلا راي الچبيره وزغيره

----------------

بناته واخته ركظن مايعرفنه
من حگهن بناته واخته يجزنه
المذبوح ابمچانه الخيل دننه
ابكتر اعمامته وابكتر شافنه

عليه عليه وحسين متسلبه اهدومه
عليه عليه وحسين ماصح مثل يومه
عليه عليه ابلا چفن تابوته الحصيره

انته العزيز الما فرغ بيته بطواف احبابه

لابرد لاحر لامطر ماتخلى عتبت بابه

انته الهوه وانته النفس وانته الرزق واسبابه

وشما بچى عليك البچى مقصر عليك اصوابه

خلصت حياته ابغربه
والهظم حارگ گلبه
كل ليله دمعه ايصبه علي الهادي

-----------------
انجله من ارظ المدينه من وسط ناسه وهله
بأرظ سامراء يسكن هذه ختم القافله
ابگلبه چان الحچي اهواي ومايصح سماع اله
اونس گعدات الغريب ادموع عينة الهامله

گظه الايام ابعبره
يصد وتلچمه النضره
ماكو اخو اليلزم ضهره علي الهادي

------------------
الهوه المابي ريحه اهله ابروحه يلچم من يهب
امراقب بكل چلمه يحچي وخطوته هم تنحسب
وين يطلع وين يمشي وين يوگف تنكتب
وتنحسب چانت جريمه عتبتة من تنچهب

نار ابگلب مجموره
واصحابه اله مجبوره
بالخفيه چان اتزوره علي الهادي

--------------------

ابوسط حزنه وابغربته ريحه اهله يشم بديه
وحجة الله چان يمشي ومحد يسلم عليه
ويه المولين السلام ابنضر محد يدنه ليه
اوچانت الثله القليله ابحذر تندله وتجيي

وابگلبه ظم وعينه
كل هظم ذيچ اسنينه
ماكو القريب ايعينه علي الهادي

----------------------

دنت لحظات الرحيل وهلت اعيونه ابدمع
گال جدي حسين ظامي وانهشم بي شچم ظلع
وما شلت ابني الرضيع اوشفت نحره الينگطع
وما شفت حرگت اخيامي ونار بيهن ترتفع


لا ما شفت گدامي
فرت ابهيمه ايتامي
ماكو ع صدري اسهامي علي الهادي

----------------

لا يجدي ماكو حرمه تركظ الصوبي وتطيح
وما سمعت ابنيه عندي اتحشم الحگنه وتصيح
بين ذيچ الخيل ظامي انه ما طايح جريح
وهسه لا مسحوگ صدري ولا سليب ولا ذبيح

هظمو يتامه اضعونك
چانت تشوف اعيونك
غايتهم ايلچمونك علي الهادي

-------------------
بيد ابني الحسن راح اتغسل وينلف چفن
وانته تتگلب ابخيل اعليك من يتراكظن
راح تتغسل ابدمك وابدموع ام الحسن
وعاري ثلث ايام تبقى علرمل وابلا دفن

ياجدي الك دمعتنه
وعليك كل لوعتنه
وبس كربله امصيبتنه علي الهادي

لمولانا محمد الجواد عليه السلام

نور الاله اعليك صلى وسلم
ونور الله بالغربيل ابد ما ينظم

ابعمر الصبى المعگوده تتعنى اعليك
اتجاوب اليسئل گبل ما يتكلم

ماتنعرف ماتنوصف ما تنلاح
بذرة كلامك تثمر اشما تنطم

اشما تنغرف تكرم ومارد طلاب
حچيك نبع كوثر وديرة زمزم

يرتوي الظامي من طرف نظره عليك
وجهك يخظر الصخر من يتبسم

ابعمر الصبى والناس من اتلاگيك
بين العثر بين ابسلام اتلعثم

ادنگ الناس ابلا شعور من اتفوت
اليمك ترد وابهيبتك تتقدم

شوفت اعيونك سيدي ادلي الظاع
تهدي العثر وتظوي دربة الاظلم

من تمشي بالشارع يظل عطرك بي
واتراب خطواتك دوه وصوغه شم

يبن الرضا ما تنوصف ما تنگال
بسمك بلابل علغصن تترنم

هنيالهم گعدو بسدك شافوك
على اجروحهم صوتك امان وبلسم

هنيالهم شافو اعيونك سمعوك
وجان ابعذوبة صوتك ايزيل الهم

اخره ودنيا فييك عليهم چان
حنية واطمئنان بيهم تلتم

وشگد چنت متقيد وتروي ارواح
ابخفيه اليجيك ابليل لو متلثم

وقاظي القظاة اعليك جابو تحتار
ويمك احتار ابروحه يحيى ابن اكثم

شما يعگد وتفتح العگده اشچم باب
واشما تنسئل عالمسئله تستفهم

طارش يخبر الهواشم يلحگ يخبر الرضا
بالسجن بيد السلاسل موسى بن جعفر گظى

-----------------
بالسجن گظى حياته بلا گرابه ولا هله
وين اهل هذه الغريب اتشوف دمعه الهامله
وتمسح ادموع الغريبه وتفل گيد السنسله
ومسرعه تفل السلاسل بيهه ادينة امرظرظا

-----------------
بوسط طامورة ظلام ومن سجن عاش السجن
شلون حاله الينسجن وبعيد عن اهله ويحن
بلا هله وابلا أولاده لبس جلباب الحزن
ابغربة هسه اسنين عمره وابغرب عمره المضى

------------------
سجن اظلم من سجن والگلب بالهم منفطر
وبالمچان الموش گدره خلص اسنين العمر
ومن ابن شاهك حسافه علوجهه من ينصطر
وابسجن سندي بن شاهك ظاگ بعونه الفضا

------------------
كلشي يتحمل سلاسل والسجون المظلمة
صابر على اصياط متنه التصب من عده الدمة
وگلبه ما يحمل ثواني تنسب أمه فاطمة
لعنه الله على القتله لعنة الله على الرضا

------------------
يشهگ انفاسه الاخيره وسمه گطع جبدتة
وين ولدة اتشربة ماي وبيدة اتمش دمعتة
اتحظنه ويقبلون خده ويعدلون اعمامتة
الچان ما حاظر حياته ابموته خل ايعوضه

------------------
ياال هاشم هسه افزعو موسى بن جعفر غريب
وحشة تشييع الجنازه بلاية صايح لا نحيب
ومن بعد فرگه طويل الرضا اتلاگه ويه الحبيب
ملگه موت وصوت عالي شيعو امام الرافضه

-------------------
والرضا جهز ابيهه ودمعت اعيونه تصب
والرضا يبچي بونين ونايحه تفطر الگلب
لچن ما شافة ذبيح على الترايب منسلب
حسين موش چفوفه ابنة بسحگ عينه امغمضه

علي ولده اتجمعت هليله
وابو الحيل الطبره هدت حيله
------------------
ايغمظ اعيونه ويفكه من الالم
كله ما تدناله عن لا يلچم
وجوهه محزونه وعليه متروسه هم
ويمه كلسا واحد ايتچيله

-----------------
وجوهه متروسه بتعابير الحزن
شلون يمه وينحبس دمع الجفن
ياهو يصبر لو سمع حيدر يون
ونت اولاده على ونته اثجيله

-----------------
حزن مو بس بيته محزون الغريب
وبداره ما تنحبس اصوات النحيب
انتشر سمه گال لولاده الطبيب
والسمع هلخبر دمعه ايسيله

------------------
شلون چان اموادع يفت الگلب
بالاصوات النايحه ودمع اليصب
الموت كلما جاي اله ظل يقترب
وتبقى الاحزان على فگده اطويله

------------------
غمظت اعيونه علي وحان الرحيل
واهل بيته على الجسد مهدومه حيل
ابفاجعه ولوعه وبدمعات التسيل
وزينب على الجسد ظل تبچيله

-------------------
زينب على الجسد مفجوعه بمصاب
ويمه اخوته ويشركوهه المصاب
ابيت ابوهه مو ابهيمه على التراب
ويمهه اخوهه اتگابله وتشكيله

------------------
زينب على الجسد ظل تبجي وتصيح
وباچر ابكربله من التل تطيح
اطيح مذهوله على الطايح ذبيح
ويم اخوهه تركظ اتفييله

----------------
عد اخوهه الخيل ماخلت ارسوم
ياخت مذبوح اخوه ابلا اهدوم
عاري علتربان وابذاك السموم
وحسين ماينشال حتى اتشيله

اشصار ابكربله راوينه يلباقر
يلسامع وشايف يمك شصاير

----------------

شفت اعيون جدك بالعطش ذبلن
اعيونه من سمع بچي الحرم هلن
بلايه انصار واخوانه يصد المن

وانته اتشوفه يلباقر ما بين الخيام حسين
جدامه العدى التمت ويمه اطفال عطشانين
الله يعين گلبك يلچنت حاظر

---------------------

ابكل موقف تشوفه ظهرك ايكسرى
شلونك من شفت جدك لزم ظهرى
مسافة ردته شيب انترس شعرى

ذاك الهيبه ابو السجاد وسفة ابمشيته اتعثر
ابو طول الحلو بس راد يعدل طوله مايگدر
يلباقر وعينك چانت اتناظر

-----------------

انته من الخيم شفت السهم صابه
ابدم اصوابه جدك يصبغ اخظابه
مثخن بالجراح وصد على احبابه

وشفتو الشمر يامولاي متربع على صدرى
اگبال اخيامه بس حسين ضامي وينذبح نحرى

وثلث مرات جدك دايسه الحافر

--------------------

فرق بين السمع بين التحرگه النار
وفرق ركظة الملگه وركظة المحتار
ومرعبوين نسوان ويتامه ازغار

اهل امصيبه عطشانين وطبع الركظ رايد حيل
الركظ لو مايلوحه الصوط ينداس بحوافر خيل
واشچم مرى ابهظمتك سيدي عاثر

---------------------
السمع طاري السبي عدنه احترگ گلبه
شلون وانته تمشي امچتف ابدربه
العماتك تصد ودمع اتصبه

امچتف يدري ظعن حسين بس مايدري رايح وين
الخرابه السوگ للديوان للكوفه السبي ماشين
چم طفله تبچي ابكسرة الخاطر

-------------------

بيت اهل الرساله اتسمو الاسرى
يلباقر خرابه الظعن مو گدرى
وبانواع الخرايب نمتو علغبرى

بخرايب صوت ونتكم ونت فاگدين اعزاز
ونتكم لمذبوحين بلا تغسيل لا جناز
بچي ليل الخرايب يخلص مساهر

هـا ينـاعي ها يبچاي
حظرت روحك تبچي وياي
علمنذبح والماشرب ماي انه فاطمه

-------------

خطوة كل ما گرب حزنه ابگلبي تكبر خنگتي
انه ام المـات ظـامي الما اهود ندبتي
ابهاي الايام ال اكظن ظهري من امصيبتي
حظرت دمعات عينك تهل وي هل دمعتي

فزز ابروحك ليه الوجدان
گرب يطب ليكم العطشان
المهيوب يبقى بوحده حيران انه فاطمه

--------------

حظر اهدومك السود التشم من عدهن حرگ
وباللطم لقن ابصدرك تدري يلبعدك تدگ
حسين ماعنده مچان ابصدره سالم ينشبگ
وتدري ياگلبي الحسين ابخيل گرب ينسحگ

حظر ابگلبك حظر الاهدوم
ايام بيهه حسين ملچوم
ايام كله احزان وهموم انه فاطمه

-------------

الممتحن گلبي ابمصايب وهذه اعظم ممتحن
عاونوني ابدمع حرگه على ابني انه ام الحسن
اعيون اهل النايبه احنه ادور اعيون البچن
واندور الصوت الحزين ويا نحن لمن يحن

لمن يصيح اه يلحسين
يحترگ گلبي وتهمل العين
والدمعه دين ونوفي بالدين انه فاطمه

------------

فرغ اهمومك الهمنه واطلب وشد العزم
خلي هم سبعين طفله يبچن ابگلب الخيم
واذكر عيون الحسين على الخيم من يلچم
وچان من يسمع بناته من بچيهن ينهدم

من حيرته يم الخيم ظوگ
وي حرگ گلبه عيش محروگ
هاي الايام اليحب مخنوگ انه فاطمه

-----------

رخص ادموع البعينك والگلب خل ينكسر
اليرى والمايرى يبچيله واحجار ومدر
ظوگ كل موقف كسرنه وحزم علينه الظهر
بعد خطوات ويرد محني الحسين من النهر

لخيامة يرجع حاسر الراس
وصاح ابعبرته وخنگه انفاس
زينب بديه مات عباس انه فاطمه

------------

كل جرح مصيوب ابني انفتح بابه من الثنين
من السقيفه ونار بيتي احترگت اخيام الحسين
ذاك چف الصطر عيني صطر چم خد وي عين
ومذبح حسين ومصابه الفاطمه مرقد ونين

لا ما يفتر دمعي والنوح
گلبي المحرم دوم مجروح
اليوم السليب ومات مذبوح انه فاطمه

حزن وخدامه عاشور
بيهن اصل كل النور
تجاره ابد لن تبور ابخدمتك ياحسين

-----------------

مو لجل مصلحه ودنيه مو لجل غايات ابد
خدمتك ماي الحياه الشرب من چفك خلد
انه احبك انه اخدمك سيدي من الذر عهد
وانه ألك غايت وجودي من المهد حد الحد

كل زين من جودك جاي
منك ألك يـامولاي
خليني اصيرن وفاي ابخدمتك ياحسين

----------------

خدمة عن مبدء وياك ومعرفه وحب وفكر
ابغير اسمك كل كرامه حدهه بيبان الگبر
ويه غيرك كل خدامه وهوه عايش يندثر
بذره الخادم وياك اشما انطم يطلع ثمر

انتة الانس وانته النوح
وانتة النفس وانته الروح
انذرني الك يامذبوح ابخدمتك ياحسين

--------------

انته الذ كل اؤنس عدنه وانته الذ الطيبات
المات يمك عدله بعده واليعوفك عدل مات
ابرحمتك امسح صفحتي وگلي ذنب الفات فات
ميت أنه احييني انته ودمك العاد الحيات

يالما ترد ايدك ايد
سجلني يمك شتريد
خل همتي وياك اتزيد ابخدمتك ياحسين

----------------

مجلسك والثوب الاسود دمعتي وهذه اللطم
سيدي ابداعت الزهره مااريدن انحرم
وخلني ليامك وحزنك سيدي بيهن اهم
وانتة ثبتني ابعزائك وانته ارزقني الهظم

ما ريد اميلن بدروب
لبسني بچفوفك ثوب
خليني عندك محسوب ابخدمتك ياحسين

----------------

وياك كل مصداق خدمه اتحير وماتنعرف
يابحر حب وخدامه وبالكرم ما تنوصف
من الظياع من الظلام الباري اكرمنا ولطف
الباقي متمسك ابحبلك بالفتن ما ينجرف

الما ركب يمك غرگان
والما يخدمك خسران
كل عمره يخلص عطشان ابخدمتك ياحسين

----------------

كلشي ياسيدي يمك يختلف من رحمتك
اذنب وابعد وازور وچن وتجيني بعتبتك
دمعة العين العلامه من تهل لمصيبتك
سيدي انتة الكريم وخلني دوم ابخدمتك

اعذرني عن كل الصار
والعاثر اباب الدار
انه العبد بس مو بار ابخدمتك ياحسين

لايذ مثل فطرس المكسور اجناح
الكل شدة والكل عگده انته المفتاح
بس ابخدمتك كون مولاي ارتاح
وعگعدني الك علشباچ بس علچفك تنحل

---------------
بيبان بختك لله اوسع بيبان
يبيظ گلب والوجهه الدگهن ندمان
يتبشر ونشيانه يطلع فرحان
يبتسم يطلع مسرور الطب ابدمعته التهمل

-----------------
ياسر وجود الكون والوسط الكون
تقدير ارادة الله يمك يلگون
التصدير منك بيدك الكاف ونون
والكلشي تبقى انته الحل الرايد يجرب يسئل

---------------------
تكرم لمن يتبدى من چف الجاي
وما تسئل وي التنطي مذنب خطاي
عفوك يغزر كون يحسين وياي
حتى الجدم يثبت زين مايظل كل يوم وزل

------------------
بگلوب اهل الفطره اسمك ينظاگ
وصفنه بس ماظگنة حال العشاگ
وابحر حبك خلني سباحه براگ
بلكت ابروج اغرگ بيك ماحسب انشف وابتل

-----------------
من هاي ما استحي گايل موزين
ولو زين من مجلسك صاير يحسين
شخدم وشبچي شوفي الك من يادين
وعزتي ويه اسمك مولاي ومن ابتعد عنه انذل

-------------------
الماينقبل ما ينشرى والمذموم
ابخيمتك يغلى وينحسب عالي السوم
ابخيمت خدمتك خلني يمك للدوم
امحلفك بحق الزهراء ابخيمتك خلني امسجل

----------------------
لمن عرفت ابخدمتك ماكو ازغار
وابكل كتر من خيمتك بيهه اسرار
بس خادمك احسبني وانته التختار
تحسبني خادم ممنون مولاي من تتقبل

---------------------

وابتربتك سر وشفاء المعلول
وبتحت گبتك سر جواب المسؤل
خارج قوانين العقل والمعقول

ماتنحد وماتنقاس. ومايوصف اليتامل

السيده حميده عليها السلام لسان حالها مع مولانا مسلم بن عقيل عليه السلام عند دخولها للكوفه


بويه تدري عدنه چم فيي انذبح ذاك الظهر
بويه تدري علينه كل ذيچ الخيم صارت جمر
بويه تدري تفر صعبة الظهر ربات الخدر

--------------

طوله امان على الخيم من يمر يم صيوانه
هينه العطش هينه التعب وحسين كون ويانه
مانحس كل طعم اليتم من يجي ويتلگانه
وكلما يودعله محب يرجع ودم بردانه

ابلا انصاره يمشي بوداع ويرد جايب شهيد
ابلا انصاره ظل غريب ابكربله حسين وحيد
بويه تدري. الا من ناصر الي صاح اشكثر

--------------

شال الرظيع ابدمعته وصاح الهم يرونه
عبدلله من ذاك العطش اتغيرت شفته لونه
ياگلب يحمل وگفته بيده ابنه ويذبحونه
وبدمه متروس الحظن چانت تشوف اعيونه

تشوف عينه من ذبح نحر ابنه تارس چفه دم
تشوف عينه شلون ابنه ايشبگه من حر السهم
بويه تدري. راجعلنه وخاطره وظهره انكسر

----------------
ابلا ابو فاظل لا علي وانذبحو اهل الشيمه
ويابويه باخر طلعته حسيت روحي ايتيمه
التمت يتامه والحرم يمه علباب الخيمه
گلناله من تمشي الحرم تركظ ابهاي الهيمه

يمشي خطوه. وابو الغيره على المخيم يلتفت
يمشي خطوه. عدي امانه الك صاحتلة الاخت
بوية تدري والأمانة من امهه تقبيلة نحر

----------------

بجراحة مثن والطعن ريحانه امهه الزهره
والكون چن يتمايل ابساعت وگع من مهره
وعلى السهام البصدر من طاح فوگ الغبره
امصوب جرح فوگ الجرح وانوب گطعو نحره

على الترابه امخظب ابدمة وحرج فوگ الجرح
على الترابه . منهو سامع يسلبون الينذبح
بوية تدري. خيل عشرة رظن بذاك الصدر

------------------

الما مرن على البال ابد صارن عگ ذبح حسين
حفاي نركظ علجمر ماندري بس نركظ وين
وطاهر ومطهر بالفلة وابلا اهل محتارين
لا موتة وابچي ع اخوتي وما ادري بيهم عدلين

بوية فرو طاهر ومطهر يبويه اتعذبو
بوية فرو بالصحاري من الخيول اتغربو
بوية تدري وانة امشي هسه بدروب اليسر

---------------

صار الوكت نطلع سبي وتكسر ظهر طلعتنه
ومن على النوگ اوداعنه وياهم ابصحيتنه
جايين للكوفه ابسبي وشلون بس جيتنه
متسلب ومسبي الظعن ابسوگ العصر طبتنه

كل عشيره خذت حرمتة اجت من السبي
كل عشيره للسبي ظلن حرم ال النبي
بوية تدري من الخرابة انروح يابوية القصر

السيده زينب عليها السلام تتكلم عن مصيبه
علي الاكبر عليه السلام

طاحت ادموعة من ودع اوليده
ودمع الحسين ينشف علي بيده
طيحت دمع طحنه اويلاه اويلاه
من اتشابگو صحنه اويلاه اويلاه

------------------
مايحس باهل المصيبه غير بيت اهل المصاب
طلع بس طلعت اجنازه واحنه طحنه ع التراب
مشيته ابكل خطوه مقتل لحد ما عن عيني غاب
ونسئل حسين ابخيمنه ها يقاتل ها انصاب

ابوجهه الحسين تعايين كله مفجوعه
ها فرح ها حزن ها طاحت ادموعه
اباب الخيم رحنه اويلاه اويلاه

---------------
والكتلني شوف وجهه بالحزن گد ما ذبل
ابعيد عنه علي ابنه ويلچم من ينسئل
الحسين ايميل شفته بطوله ابو طول العدل
امناطر ايده فوگ عينه والدمع علخد يهل

هظمته وكسرت الخاطر ولونه
اخته واقراهه كسراته بعيونه
امگابل عليه نحنة اويلاه اويلاه

----------------
بعد ما غاب على عيني علخيم شفنا يطب
اتلاگه الحسين وي الاكبر ملگه اليگطع الگلب
گله اريدن ماي اشرب حتى ارجع للحرب
السانه فوگ السان ابنه خله بدموع التصب

الاكبر يبويه يگلة ومنكسر گلبه
ألسانك من العطش يشبهه الخشبه
بالدمعه شاهدنه اويلاه اويلاه

--------------
طلع طر صوب العساكر والرماح ويه النبال
وگلبي متگطع عالاكبر والحسين اليمي ظال
شفته حط ايده ع ظهره طاح ابني ابصوته گال
الفرس بالدم عمه اعيونه وبعلي ع الجيش مال

حسين الله يعينه ابشوفت الاكبر
ابنه بعيونه ينظر جسمة الموذر
ظل يشتم باابنه اويلاه اويلاه

-------------------
حگة من يبچي الحسين اچبيره هاي امصيبته
مدد ابصف طول ابنه وحنه بالدم شيبته
ذخر يبني الولد يوگف يم ابو حد موتته
والابو ايشوف الولد والدمة امغسل جثته

امگطع الاكبر وتنزف اجروحه
الشايف اجروحه زين وبقت روحه
امصابة ظاهدنه اويلاه اويلاه

----------------
رجع بس شبان هاشم جايبينه على الخيم
ابلا عمامه ومحني طوله وحيل الحسين انهدم
من رجع ثگل المصيبة ابوجهه اشوفن منرسم
خالية اچفوفه وابحظنة من الاكبر اثر دم

گلي شميت يزينب اخر انفاسه
اخر اوداع حظنته وقبلت راسه
وظل الحزن عدنه اويلاه اويلاه

اه يحسين يايمه
-----------

وين اليندب المحتار
وبگلبه تچوي النار
ويبچي دموع دم لصار
ولبني يحترگ دمه


--------------

وينه اليطلم ومصيوب
علمنذبح والمسلوب
على وجهه علترب مگلوب
بلا تغسيل ظل جسمه

-------------

المصيبتنة ابگلب مكسور
شاهد من يطر عاشور
قميص ال بسمه منشور
وعلينه ثگل همه

------------------

ما يتفزع المحروگ
علعطشان والمسحوگ
ويانه المصايب ظوگ
وحيلك بالحزن هدمه

------------

يم الماي مذبوحين
ابظهر الشمس عريانين
وامگطع واليدي حسين
خل عينك عليه تعمه

--------------

من دمه صفه التغسيل
چم مره انسحگ بالخيل
لصدر حسين هد الحيل
وحس بالسحگ والچمه

-------------

ألمن بي ثلثتيام
والطم علظلع والهام
البس هلحزن هندام
لحزن المنلسب هدمه

-------------
ابچي وحزن اليبچون
وعلى امصابه اعمي عيون
بس حسين ما مدفون
لحسين افزع ابهمه