صاح ناعي الديره ويسمعونه
صادق اهل البيت سد اعيونه

------------
يركض وشيعتك ضل تركض وراه
ابحيره وادموع وهضم واتصيح اه
ابيوت فرغت والنسى تبچي ابگفاه
عليك والديره صفت مرجونه

-------------
التمت الشيعه الك وي صوت المصاب
بين يلطم واليحط فوگه التراب
شيعتك يابويه گعدو على الباب
وي ابنك بچو ويبچونه
-------------
ابوسط بيتك عله صوت امصيبتك
اچبيره ماتنسد ابيتك خلتك
التمو عليك ابهضمهم عيلتك
شلون راعي البيت وايودعونه
---------------
ادموعهم ما تنشف الهماله
يبو الملگه الحلو وي اعياله
يبو الكاضم فرگتك چتاله
وبالمصيبه الكاضم الله ابعونه
----------------
غسلك بدموع الاعيون البچن
وابنك الفصل وشدالك چفن
وخلصت اهلك مراسم الدفن
واجت وادم لبنك ايعزونه
----------------

حسين طايح لچن بس طايح غريب
والجرح فوگ الجرح والخد تريب
الصعبه گدام الخيم مرمي وسليب
وفوگ ذيچ اجروحه ويذبحونه

---------------
حسين مثله مايصح يوم وجرح
فوك ذبحه شالو الراس ابرمح
خيل فزعت على اخيام المنذبح
وغرب ظعن المنذبح يسبونه
--------------
طاح طول الچان في على العبي
والوقورات ابحبل يمشن سبي
ظعن عگب الساده بي يحدي اجنبي
وبالخرايب كل مسى اينزلونه

لسان حال مولاتي فاطمه الزهراء عليها السلام


يايمه يايمه اه يحسين يايمه

------------------

ايام هاي احسين محتار
بين العطش واصياح الازغار
محتار يمشي بين الاخيام
النغار ماصح عنده نغار
----------------

وحافي يهيم الصوب الاكبر
ويوگف على اوليده التوذر
ويصيح يبني اتهدم الحيل
اونصين گلب حسين ينطر
---------------

وابلا اعمامه يفزع انوب
العباس بالعامود مصيوب
حماي خدر الفاطميات
امگطع اليسوه شگة الثوب
--------------------

واظيج بحسين الوسيعه
وينترس حظنه ابدم رظيعه
نگعت اهدومه ابدم الاولاد
وابگلبه شايل چم فجيعه
------------------

ونسوان واطفال وخواته
اشما يطلع يگظن عباته
عطشان ويودعله عطشان
ويبجون سكته من الشماته
----------------------

سبعين الف بحسين يندار
عليه تفزع ازغار وي الاكبار
والناس تشمر ابني الحسين
بسهام وارماح وي الحجار
-------------------

وابني الحسين ايطح ويگوم
تگطر دمه من نزفه الاهدوم
ايجر النفس واتنخگه الارماح
وانصاب گلبه ابسهم مسموم
------------------

وينطبگ صدر ابني علظهره
ومن الگفى يحزون نحره
وينشال راس حسين برماح
ومن الخيم زينب تنظره
---------------

مسحوگ دامي بحر الاتراب
ومايكتفون ابهذه المصاب
چا غير يمه المات يرتاح
مو ينسلب خنصر والاثياب
----------------

ويحترگ يم حسين بيته
والشيخ ينداس بثنيته
مرخوصه امه واحچي الاصواب
وهلسالفه توجع حميته

لمولاي علي الاكبر عليه السلام


يبني اجيتك حبيبي ركظ من خيمتي
يبني اجيتك يبويه وعثرت بهيبتي

------------------

طولي يوليدي انكسر وگلبي چم مره انفطر يلطايح
والجدم يمشي وعثر ودمعي غوش علنظر يلرايح
علي چم طبره انطبر گلبي سولف هلخبر بالصايح

طايح اوليدك اصفگ ايدك
گلبي گلي وانه امشي بهلدرب

الحگ يريدك يريد توسيدك
گلبي گلي وصدگ حچي الگلب

يبني اجيتك وبديهه انشف دمعتي

------------------
اتگربت يم مصرعه جثت ابني مگطعه وگابلته
انياط گلبي امگطعه من عظيم الفاجعه الصايبته
شافني وهل مدمعه وحرگ گلبي موادعه من شفته

گرت عيوني بجتله فجعوني
وبيدي الاكبر سبح من الدمه

بيدي حط راسه وخلصت انفاسه
صحت راح اوليدي يمه فاطمه

يبني اجيتك واريدن تجبر كسرتي

-------------------
ابطول الاكبر مددت وخد على خد وسدت واشتمه
بويه گتله اتعذبت ابروحي ظلت من رحت بس لچمه
شمعه اعيوني انطفت وللبچي عليكم صفت من رسمه


من اشبگنك خاف الچمنك
طعنه فوگ الطعنه جسمك ياعلي

يلطحت ظامي ثگلت اجدامي
وصحت هاشم يشيلونك الي

يبني اجيتك بويه لمك ارجع محنتي

-----------------------

علي جبته الخيمته وتركظ امه اتلگته ابملگاهه
اتجمعت يم جثته من خواته وعمته ابمچاهه
وامه تشتم رگبته ابدمه لمن شبگته حنااهه

صاحته ليله اجروحك اثگيله
وادري الچمك ييمه ابشبگتي

ثگلت اجروحي يابعد روحي
بيك يبني چبيره امصيبتي

يبني اجيتك ردت بيك اكحل نظرتي

--------------------

ياعلي ردتك ذخر بويه ليام الكبر تدريني
گبري بيدك ينحفر واتشمني واتحطني بگبر تبچيني
گبل رظات الصدر وگبل لا حز النحر يلفيني

بلا چفن عاري وجسمي علذاري
مرمي دامي ذبيح ابكربله

منذبح ظامي بالشمس دامي
وتنسبي كل حرمنه يبويه بسنسله

يبني اجيتك اخبرك عظيم امصيبتي

يحسين زينب انه يحسين
نسوانكم  طبن  دواويين
------------------
يحسين وجهي المن اديره
فزعت عشيره الكل اسيره
وظلن  الماعدهن  عشيره
ابراي الذبحكم خويه ماشين

-------------------
مسبيه  گام  عليه  ينگال
وعليه شانت بيدي الاحبال
الحرم تمشي بكيف الانذال
تمشي النسا ماتندل الوين

-------------------
من الذبح والدرب المصايب
ومن  الخرايب للخرايب
ومن النواعي الگلب ذايب
وابكل خرابه تنشف العين

---------------------
ليل الخرايب  هظم  وانياح
ونتصابح بروس على الارماح
وابكل صبح برقيه ينصاح
وذبلت هظم خويه النساوين

--------------------

ماظن ابد ترضون ترضون
بالظعن خويه بسوگ يمشون
وشافو حرمكم بانذل اعيون
ونسوانكم مچتوفه الايدين

---------------------

من الحبل  يستحي الزلمه
وشلون والمچتوفه حرمه
واگبال وادم خويه زحمه
اتمنيت يلفي الزينب البين

انسبن يلمهدي النسواين
وبمتونهن ظلت نياشين
--------------------
من ديره والديره المشي چان
وديوان ياخذهن لديوان
يسبونه هيچ الماله خوان
وبرگبتك ثار السبي دين

---------------------
يلمهدي يا طلاب الحگوگ
چم حرمه ميته ابگلب محروگ
ميته ابسبب طبتهه للسوگ
وچم حرمه ميته ودمعه بالعين

-----------------------
لا روم لا ديلم مثلهن
ياهو انسبن وي روس اهلهن
وليل الخرابه الهن نزلهن
انهدمت گبل ذيچ الصواوين

-----------------------
يلمهدي چان العالي بابه
ابلا باب ظعنه بنص خرابه
ونامت رقيه على الترابه
وبلا سگف ذيج الحياطين

----------------------
الكم يمهدي انداست حدود
والذبحو اهله يمشي مگيود
احبال برگب نسوان مشدود
وما يدرن ايروح الظعن وين

----------------------
للشام طب ظعن الهوشم
شي فرحت وشي حجر لازم
وطلعت عجوز ابين وادم
بالحجر شمرت راس الحسين

----------------------
سجادكم گال انخزينا
بگد ما شماته اتصد علينا
وفوگ الرمح ينظر ولينا
ونحچي بدمع وي راس الحنين

-----------------------

ومن السبي گال الظهدني
يا ليت امي لم تلدني
يمشي العليل المسبي محني
ويتمنى گام ابمشيته البين

للسيده رقيه عليها السلام


اخر نفس  حيره ابحياته
وكظت اردانه  ازغر بناته
-------------

اه  يلنضرى  الاخيره
نضرات شيخ انترس حيره
يبچي ومسح دمع الزغيره
وصوت البچي صار اشعلاته

---------------
وي دور ظهرك گلبي مشلوع
وياروح گلبي البين الاضلوع
تبچي وتنشف البتك ادموع
واحترگ گلبي ابنايباته
-------------

خل چفك ابچفي ارد الزمك
وكل حيلي يابويه ارد اشمك
واترس اعيوني ابشوف رسمك
ولا شوفن واسمع شماته
--------------

بويه رقيه شلون تبچيك
الذيچ السيوف شلون تنطيك
بعدك عدل واتصوبت بيك
ودنگت اشم  طارف  عباته
---------------

من عافني وهل دمعه بسكوت
طلعت وردت شوغت الموت
راح من ادينه فيي الابيوت
وباب الخيم  تنحب خواته
----------------

طب روح بته ابغصت ارماح
وابكل  كتر  بسهام  يلاح
بجروحه مثخن لحد ما طاح
واجروحه  كثره الضاهداته
---------------

كون ابمصابه طلعت الروح
ولا شفنه راس الغالي مذبوح
الذبحت ابونه ايكفي يانوح
وركظن  لجسمه امدللاته
------------------

ابدمه  بناته  حنت  الراس
وصاحن احسين بحافر انراس
ومذبوح ابونه وعمنه عباس
وابيا خراب اليل اباته

طيحتك بالعتبه تاذيني
يمه گوم ونام بحظيني
وتغفه بمناغي واونيني محسن يلسبط

---------
باب العتبه ابد مابي محنه ولا امناغه احباب
ابحظني كمل النومه يلطحت ابدفعت الباب
يشوغت گلبي يمه عليك اول طيحتك بتراب
شنو ذنبك تفز مرعوب لعنت الله ع كل حطاب

يمه يامحسن بعد روحي
يمه اگعد داوي بجروحي
هذه جرحك ثگل ابنوحي محسن يلسبط

---------

اغطيك اوظمــــنك كون ابجفـــني وابعيـــني
بس اعذرني ياييمه حمـــرة الـــعين تاذينـــي
احچي ابصوت يمه وياي اعرف تسمع ونيني
اسولف حتى لخونك أسمعت صوته ويناغيني

اجروح گلبي وظيمي ما ينعد
اول اولـــــيداتي تستــشهد
اورحت محد صالك ســيد محسن يلسبط

-------
يبعد اعيوني هاي اوهاي اليچوني من اگوم ابچي
والتفگد ولد مثلك تحير ابكلشي من تحچي
ذبل خدك اشوفنه وعليييه هب عطر مسچي
تكبر ويه اخوتك ريت وعلمــتونك انه ارچي

بس رحت من وكت من ايدي
جمره بيه اعليك يوليدي
الباقي بس دم ذكر الك بيدي محسن يلسبط

---------
ما تطفي ابد ناري عليك والموتي اظل بحزاني
غفله امسافرة انفاسك يلبيهن. چنت اني
امحسبه وتبقى ريحتهن يمحسن فوگ ذرعاني
الظلت يمي تچويني منك فقط نيراني

يمه ميت حلمي بظنوني
لمن شفتك غافي من دوني
متت من كل صوره بعيوني. محسن يلسبط

---------
اشگد تتنطرة اختك ليك وبالكارك تتسله
واهدوم الخظر متحظرات وافراشك شگلله
شگول وانته حظن الباب من امك خذك غفله
يجرحك خله بگليبي مصيوب باالف عله

كلف جرحك وسط دلالي
امسمه باخر سبط يلغالي
اعليك تبقى دمعتي اتلالي. محسن يلسبط

-----
يأاول ولد لهل البيت الگبرة اوا الممشه
ويا اول عزيز ايروح وكاروكه انگلب نعشه
ويااول غالي عندي ايبات ابكبر واتراب اله يفرشه
وبمچان البي طحت يمه اگظي ليله الوحشه

اعليك من ايسلن ادموعي
يحن خدي اعليك واظلوعي
انگطع هسه فرع بفروعي. محسن يلسبط