يوم المبعث النبوي الشريف
......
بعثناك نبيا وللحق وليا
محمد يامحمد
...
ياعدل العدل..ياخير الرسل
يامحور الوجود
انته نبي صرت..من اتصورت
وانوارك الشهود
كبل آدم تشع.. والمايقتنع
هذا شخص عنود
أنته والعتره ضويتو
من كبل كل الخليقه
المايحبك يامحمد
ماعرف وين الحقيقه
مِنَ اللهِ رَسولا..صعوداً وَنُزولا
محمد يامحمد
...
ربك ادبك.. وقائد نصبك
وخله علي الوزير
جيت الامتك..جيت برحمتك
ياناصر الفقير
متواضع چنت.. لا مااتكبرت
مثلك فلا يصير
بالطرف تگعد يطه
وانته اشرفهم مكانه
مستواك إمن الله عالي
جيت ترفع مستوانه
كَبيراً مُستواكا.. علي كانَ مَعاكا
محمد يامحمد
...
ربك حدثك..ساعة مبعثك
بالبشره و السلام
أوحالك وحي..ياآخر نبي
من باب الاحترام
والدين انتشر.. والشر انكسر
وانطاك اعز إمام
على اچتافك يامحمد
صَعدت حامي الحميه
كسّر الأصنام بيده
وسحگ خشم الجاهليه
بالعِلمِ والثقافه.. مَحوتَ كُل آفه
يامحمد يامحمد
....
ياسر مستتر.. يالوجهك بدر
يالصادق الامين
دينك معتلي..بولاية علي
والاَل الطاهرين
الباري بحكمته..تمم نعمته
بحيدرنه والحسين
من كنت مولاه هايه
الكلمه ضلت بالضماير
اشهدو أنَ عليا
نسمع اتصيح المناير
فَسمعاً ثمَّ طاعه.. هَتفنا بِقناعه
محمد يامحمد
....
محمد الجماسي
>>Click here to continue<<