نعي للعليلة عليها السلام
حلم مخنوگ برماد
غمضت عيني ونمت باجر اسافر بالضعن
وبالحلم جني وحيدة ابعيد خياتي مشن
اسمع اجراس الضعينة ايخرخشن جنهن بدن
يبعد الصوت وصدة كل ما بعد جنهن دنن
الهوة يصفر والصدة يرعب وجن ماخذ وطن
ابيوت المدينة الخوف اخذها وبيبان منها اسرگن
اسمع اصوات واگول الخفت من يمهن اجن
حلمي شو كابوس جنك لا دخيلك لا تفر بية الزمن
لاتفرگني عن اهلي لا تعلعلني ترة شموعي انطفن
بطيفي جني امشي گوة وحمّة صارت بالبدن
وحدي متعوبة صرت خواتي كل صحتي خذن
منها فزيت الحلم مخنوگ جنة وكل امانيي استحن
اگبالي اشوف ادلال عمي اشصار ليش اطشرن
وليش اشوف البيت غربة وعالگاع خاجيت الحسن
وهناك لعابة زغيرة هناك مشمورة خطية
ليش تجري دم اذنها وين ترجية رقية
اصد عيني عالمهد والگاه رماد اشصار بية
ارد اگلة يا دللول الولد الگة السهم نبلة ودمية
بغرفتي امصلاية ضلت يمها بس ونة خفية
هناك أشوفا محبس وخنصر بصفة وبي أثر لزمات ادية
هناك دخانة خيام جفوف اشوفنها رمية
عمي جودك بخت شايل طيحتة اتحز ضهر اخية
لا يحلمي مو حقيقة هاية جنها الغاضرية
هذا بيت حسين شايل جنّة يتنطر سبية
اتفطرت حيطانة كلها ومابقت بي فرحة هية
هم يرد بية وكتهم ونرجع ونلتم سوية
لا يروحي الحلم مخنوگ برماد واني بس الونة الية
الشاعر عباس الكرغولي
@ALkarakoly
كتبت حسين شفت 🔥النار🔥 بطفالة
https://hottg.com/ALkarakoly
>>Click here to continue<<