طريق العَفّ لوّ أسلك طريق الغَيّ
‏لا تمنعني من أشواق الهوى و تعوق

‏ويا ضيٍّ ما خفَت من وجنتينك ضيّ
‏يموت الحب لكن ما يموت الشوق

‏أعرف أنك عن اللاهب لقيتي فَيّ
‏وأعرف اللي سرق ما يامن المسروق

‏ورا ضلوعي بَلد ما عاش فيه الحيّ
‏مطره الدمع وأقسى الذكريات بروق .

‏ليت صدري كل ما تهت بالحال الكئيب
‏يستلف من صبر مسباحي اللي في يدي .

اللهم انك عفو كريم تحب العفو فاعفُ عنا .

‏بنت فكري كلّما لبْسَت ثياب القصيد
‏كل متذوّق للإبداع يخطب ودّها

‏فارقة عن كل عذرى لها مبسم وجيد
‏قدّها يقول مـا فـيـه عذرى قدّها

‏مير فيها ضاع عمري ولاني مستفيد
‏لو اغازل عينها ثـم اقبّل يدّها

‏وجودي كل ما طرّف الليل المهيد
‏احسب ثقال الثواني و أضيّع عدّها

‏اطرد الدنيا و انا مثلها منها طريد
‏مير ما هي ند ليّه ولاني ندّها .

‏ماكل هاجس في النوادر مشرّع
‏ولاتوخذ الفكره بـ صنٍ مغطّا

‏بكرٍ ماهيب لكل شاعر اتفرّع
‏احياناً من المبدعين اتغطّا .

‏جعلني من رحمة الله مانيب محروم
‏وجعلني لا نوخت بي حمولي شلتها

‏وجعل وجهات النواميس مخلفة العزوم
‏لا غشاني ليلها ما غويت ازفلتها

‏من لقى لي خاطراً مسفهل و حلو نوم
‏بشروني قد لي شهور ما حصلتها

‏سعد ابو قلب ما تشعاه عالية الرجوم
‏لا لقى ما يلتهي به مع الناس التهى .

تغانموا ما يوصّلكم لـ خضر الجنان
‏ليالي العمر ! ما تمشي ، على مهلها .

ودي إن طيفك ماعاد يحط دوبه دوبي
‏ما يجيني لا سمع له صوت حقٍ يدعى

‏حتى في سعي وطواف الله يغفر ذنوبي
‏ذكرياتك في مخيّلتي تطوف وتسعى .

كل عام وانتم بخير وعساكم من عواده 🤍

‏تنكس بروقه من شمال وجنوب وشرق
‏تنكاسةٍ تبري من الخافق العلة

‏علي الحرام ان للمطر في بلادي فرق
‏مثل فرق بيت الله من بيوت خلق الله .

‏لـ التحف وجه السما مشلح الليل العتيم
‏قامت الضيقه على النفس تفرض رايها

‏بين هم يـطوي اخيامه وهــمً مقيم
‏غير هـم ً شـيف مظهور ضـيقه جايها

‏ما تقّفي لين يطـعن وجعها فـ الصميم
‏وتقفي الراحه عن الحال وقت اقفايها

‏وترجع الذكرى القديمه على الجرح القديم
‏شرّفت فـ مسرح الـبال تعـزف نـايها .