شنو هاي الكارثة؟

هسه هذا الطفل شحال امه من تشوفه هيج بشرفكم

هاي السرابيت والاطفال تارسة البوتات
علساس هو عندة غيرة على آل الصدر اكثر من غيرة
وهو لاعلم ولا فهم
هيج اطفال يحرضون على اقتتال وفتن ويدفعون بقنوات صدرية علمود تنشر

مواضيع سب وشتم المفروض اللجنة القانونية تمشي بيها مو قنوات التليكرام تنشر وتقود الصدريين وتنشر عناوين
اكو لجنة قانونية بالتيار هي الي تتكفل

هذا الطفل ووياه ٤ جرحى مدري شهداء دمهم بركبة منو؟

حضرولكم جواب لرب العالمين ولمحمد الصدر بعد هاي الفاجعة

اذا ماعندك عقل وفهم سد قناتك وانجب ولاتحرض بالناس لان ارواح الناس مو لعبة بيدك وبيد قناتك

الموضوع تكرر اكثر من مرة
الجهة الرسمية العسكرية للتيار هي سرايا السلام، مو ناس مدنية تنتمي للتيار تطلع تتظاهر بباب واحد مليشياوي قذر ديدنهم الدم والقتل ومايعترفون لا بالله ولا بأولياءه

وهذا هو المصير هسه شكم واحد انجرح وتصوب واستشهد

إنا لله وإنا إليه راجعون ولاحول ولاقوة الابالله العلي العظيم من شكم طفكة مايعرف ذوق السيد شنو وشنو الصح والغلط ويتصرف من كيفة

سيد مقتدى صارلة عشرين سنة ويانة ولسه اكو ناس تتصرف تصرف شخصي

الأمر لله
والعزاء لذوي الشهداء

رجاءً قاطعوا القنوات اللي تصرح قرارات من كيفها وتنطي أوامر ( بحجة والله شنو سب السيد الشهيد على اساس هم ما يسبونه بافعالهم ) وما عدها مركزية وخصوصا القنوات اللي لازمينها جماعة ( المراهقة ) اللي لا فهم ولا علم ، لان كل من ينقل صورة غير لائقة لهذا الخط المبارك النتيجة تكون من الإخوّة والعين واغاتي الى التشديد والمقاطعة ..

والقنوات معروفة ، الإشارة ابلغ من التصريح ...

ابحث بين الاسطر في تغريدات الزعيم وستحصل على الجواب عما تبحث عنه ان كنت متصلا قلبياً.

خوووش حجي زهير احسنت

يا اخوان يا اعزاء النا اسوة بقائدنا وبأخلاقه وبتصرفاته ..

لا تكعد تنشر شي مخالف لا تأجج اشياء من يمك وتفتعلها ، كافي خلافات كافي كلمن ينشر حسب هواه ورغبته ، انت بمنشورك المخالف راح تأذي مشروع كامل راح تأثر على ناس استجابت وغيرت من نظرتها للقائد بعد ما
عرفوا بيه رجل سلام ومحبة وتآلف ..

انت تجي تفسر تغريدة على هواك ورغباتك وتثني وتكعد تخلي احتمالات وتوقعات وتستهلك وقت حتى تنشر شي مخالف ؟!!! نشرك المخالف هذا يدمر ويأخر (مشروع ) اصلاحي (وفكر) اصلاحي (وطريق) اصلاحي..

زين انت نفسك الي تنشر هيج تحليلات مخالفه كعدت وصفنت بالتغريدات الطويلة العقائدية حاولت تقتبس منها شي ؟ اكيد لا
اصلاً يجوز تعبرها ما تقراها ...


فنرجوا عدم مخالفة القائد يرحمنا ويرحمكم الله .

الي سامع بحث مشروع هارب للشيخ محمد العامري يعرف شجاي يصير

ميحتاج احد يفسرلة

إلهي أسألك بالإمام علي بن موسى الرضا أجعلنا أخوة متحابين نحن في التيار الوطني الشيعي

#شهادة أهل الخبرة بأعلمية السيد الشهيد محمد محمد صادق الصدر

لأنه للأسف الشديد يوجد من شيوخ التيك توك من ينكر شهادة أهل الخبرة بأعلمية السيد الشهيد الصدر لذلك في الصورة المرفقة شهادة مايقارب ١٤ معمم من فضلاء الحوزة العلمية والقائمة تبدأ بالشيخ محمد اليعقوبي وتنتهي بالشيخ محمد علي الحلفي.

مصدر هذه الوثيقة كتاب الثورة البيضاء تأليف الشيخ (قاسم الكعبي) والوثيقة موجودة في ملاحق الكتاب ملحق رقم " ١" .

وثيقة نادرة تتضمن وصية من السيد الشهيد الصدر (قدس سره ) لأحد المؤمنين الذي طلب النصيحة من سماحته لما ينفع الإنسان من عملٍ بعد موته فكان جواب السيد قدس سره :

(( عليك بالصبر والتوكل وذكر الله على كل حال وحسن الظن به. واختيار ما هو أرضى له سبحانه من أمور الدنيا وإن أضر بك.
ولا تأسف على ما فات منها. وكن متوقعاً لبلائها حامداً على نعمائها. وعمق هذه الصفات في وجدانك بالتدريج. وأفضل مقدماتها هو الإبتعاد عن الطعام المشبوه والكلام المشبوه ومرافقة الشخص المشبوه.
أعوذ بالله من كل خطلٍ وزلل.
وتحية لك ودعاء من كل وجداني ))

محمد الصدر