#قصائد_الامام_الكاظم_عليه_السلام
قصيدة رقم ٢


موشح بحق الامام الكاظم عليه السلام
الشاعر الشيخ كاظم المنظور الكربلائي
"رحمه الله تعالى"


يا غريب الـدار يفداك العمر
إشچان ذنبك تنچتل بالسم غدر
* ١ *
تنچتل مسموم وإبحبس الرشيد
آه والنعشك يشيلونه العبيد
إمحدد إو ما فارگك ثگل الحديد
إلا من جسمك توسد بالگبر
* ٢ *
لون من ساير الوادم ينچتل
إيشيعونه إو نعشه بالعز ينحمل
وإنتـه نعشك آه يالمالك مثل
عالجسر مطروح ظل يبن الطهر
* ٣ *
سيدي إبدنياك راحه ما شفت
بالسگم والهظم والونه عشت
إومن سجن السجن تتسلم چنت
إو بيد حارس ناصبي إو مشرچ زجر
* ٤ *
عادة المسجون لو أمسه المسه
يّخلون إوياه ضي إليانسه
آه بس إنته ينجل أهل اكسه
إبسجن مظلم تجرع إبچاس الصبر
* ٥ *
عادة المسجون لو چان إبغرب
ينخشعله إو يحـن كل قاسي گلب
إشلون حالك سيدي إبسجن النصب
تجذب الحسرات تتلاهب جمر
* ٦ *
عادة المسجون ما بين المله
إتوادده گومه إو بني عمه أو هله
إتشوف حاله إو بالدهاه إتسايله
وإنته ما چان إلك عون إو لا ذخر
* ٧ *
إبكل حبس لو چان مسجون إو غريب
يصح مسلم عون إله الصوته مجيب
لچن بس إنته يبن بنت الحبيب
ما نغر لك واحد إمن أهل الغدر
* ٨ *
إتلوج وحدك بالسجن مالك معين
إو لا گرابه إو لا أخـو مشفج حنين
واليسلي چبدك إلون والحنين
إي وحگ مجدك يمتبوع النصر
* ٩ *
ما رأت عين إو إذن سمعت حبس
ما يمر كوكب عليه إو لاشمس
إو لا إلك بي چان يمنتب ونس
إو لايهب ريح النسم بيه إو يمر
* ١٠ *
ما رأت عين إو إذن سمعت أخبار
سجن ما ينعرف ليله إمن النهار
إلّه سجن البيه چنت يبن ألأطهار
مثل جُب يوسف إو يرها بالعسر
* ١١ *
لو أوصّف سجنك الشيعتك چان
ما يشف منها الدمع طول الزمان
إو لا ضحك سنها إو رمت ثوب ألأحزان
إلا من ينتهض سلطان العصر
* ١٢ *
ذاك يوم البيه يشف دمع الإسلام
إو تغمض إعيـون المسلمين إو تنام
إو ينطفي من ضامر الدين الضرام
لمن راعي ألأمر يتوله ألأمر
* ١٣ *
إو يسل سيفه إو رايته إبچفه ترف
يا لثار حسين وأصحابه إيهتف
إوياخذ الثارات كل واحد بألف
إو ينجد ألإسلام من جـور الكفر
* * *


الشاعر الشيخ كاظم المنظور الكربلائي
"رحمه الله تعالى"

#قصائد_الامام_الكاظم_عليه_السلام
قصيدة رقم ٣

موشح بحق الامام الكاظم عليه السلام
الشاعر الشيخ كاظم المنظور الكربلائي
"رحمه الله تعالى"


ذوب يا گلبي إو يا دمعي دسيل
عله إمصـاب البالسجن والسم چتيل
* ١ *
إهنا يدمع العين عالوجنات صب
دم عله إمصاب الگضه إبسجن الغصب
إو بالنحب والنوح دجهد ياگلب
إو عليّ إبونتك وأظهر بالعويل
* ٢ *
إهنا يگلبي زيد ونك لا خفه
إو لا أخمدت نارك ولا جمرك طفه
إو حن يچبدي إو عين چبد المصطفه
إو چبد أبو الحملات حماي الدخيل
* ٣ *
إهنا يدمعي ريت جرحـك دم خزن
آه وإهروشك لون إتشلعن
إتنوح تبگه إتعين چبد أم الحسن
عله إمصاب الكاظم الماله مثيل
* ٤ *
إهنا يدمع العين سح سيح الغمام
إو حاربن يجفون لذات المنام
إو يالنفس ملي الهنه عگب ألإمام
الچان كل يوم إبسجن يصبح نزيل
* ٥ *
إهنا يگلبي ذوب لمصـاب العميد
الوگف بين إيدين هارون الرشيد
وگفة السجاد البمجلس يزيد
إمن الولم والجامعه جسمه نحيل
* ٦ *
إهنا يدمع العين هل عالخد حمر
الفگد موسه الضيگ إو ساع الدهر
إشچان إله السندي لعد وجهه سطر
إو لا صدر منه إعله إبن جعفر جميل
* * *


الشاعر الشيخ كاظم المنظور الكربلائي
"رحمه الله تعالى"

#قصائد_الامام_الكاظم_عليه_السلام
قصيدة رقم ٤

لاستشهاد الإمام موسى بن جعفر الكاظم عليه السلام (تجليبه )

لابواب الصحن يلزاير اتعنه
كل باب التگصده گاصد الجنه
★★★★★
عونك لو وصلت اهناك يم بابه
وصحت بصوت عالي بدمعه سچابه
واويلي على المظلوم ومصابه
وتدخل للصحن بالنوح والونه
كل باب التگصده گاصد الجنه
★★★★★
يم كاظم الغيظ مرادك تنوله
كل شده وقضيه اهناك محلوله
الذنب مغفور. وزيارتك مقبوله
بكل باب التگصده والتطب منه
كل باب التگصده گاصد الجنه
★★★★★
إلطم علامام السابع الكاظم
من سجن السجن بيه معتني الظالم
العلى طول الوكت جبريل إله خادم
البيبانه فرج للصابته المحنه
كل باب التگصده گاصد الجنه
★★★★★
واسي ابن الزچيه الطاهره الزهره
وزوره وانتحب لوتسچب العبره
البيبانه كرم بيبان إله. عشره
عن جود الامام اتسولف وعنه
كل باب التگصده گاصد الجنه
★★★★★
انحب علسجين الطاح. ابن جعفر
اجناب على الجسر بجنازته تفتر
لااحباب عنده. ولا أهل تحضر
بمدامع شيعته. بيبانه تتحنه
كل باب التگصده گاصد الجنه

الشاعر حسن لعيبي الحريشاوي

#قصائد_الامام_الكاظم_عليه_السلام
قصيدة رقم ٥

لاستشهاد الامام موسى بن جعفر الكاظم عليه السلام (وزن عگيلي )

يلكاظم نظره الخدامك
يلكاظم نظره الخدامك
★★★★★
من زاير لوطالب حاجه
بدربك مثل السيل افواجه
فضلك مثل البحر امواجه
خير ونعمه علينه انسامك
يلكاظم نظره الخدامك
★★★★★
كل محتاج الگبرك ساعي
رادود وشاعر. لوناعي
بفضلك كلها اليوم أداعي
بكل لوعه المرت بأيامك
يلكاظم نظره الخدامك
★★★★★
جينالك يلباچر تحضر
للزاير لوصار. المحشر
كلها اتندبك يابن جعفر
نتشرف بتراب أجدامك
يلكاظم نظره الخدامك
★★★★★
زوار اليوم وخطارك
تشملهم ريت بانوارك
مايوم أَترَجَّع زوارك
تشافيهم يَنَّاسي آلامك
يلكاظم نظره الخدامك
★★★★★
ماخاب الزارك يلكاظم
انته النعمه وخير الدايم
ياراهب من صفوة هاشم
معصوم ومن الله إلهامك
يلكاظم نظره الخدامك
★★★★★
الخدامك يلكاظم نظره
اعليك حسين وأمه الزهره
يمدلي الحيران ابأمره
بعلمك وبدينك واحكامك
يلكاظم نظره الخدامك

الشاعر حسن لعيبي الحريشاوي

#قصائد_الامام_الكاظم_عليه_السلام
قصيدة رقم ٦


لاستشهاد الامام الكاظم عليه
السلام (وزن الميمر)

لزيارتك هذا اليوم جيتك امامي الكاظم
★★★★★
من الحجج يانور تاسع حجه
للدين قدمت العمر والمهجه
ليوم الشهادة كل وكت تترجه

يلگاظي نحبك مسموم مارحم بيك الظالم
★★★★★
هذا الحقد معلوم واضح امره
من يوم گال الوحي الجدك اقره
اول حقد كسروا اظلوع الزهره

واضح حقدهم معلوم چي عابد انته وعالم
★★★★★
انته الامام الصالح انته الزاهد
للباري ذاكر ياتقي وياعابد
بقعر السجن صابر امامي و ساجد

مايهم حيلك مهدوم بس كون دينك سالم
★★★★★
شمامرن الصعبات ثابت انته
بماحملك ربك حفظته وصنته
لجله العذاب وماجره اتحملته

ماهمّك الراد ايلوم ابعزمك يزيد اللايم
★★★★★
نفس المسيره المشه عليها اجدادك
سّطّرت اروع ملحمه بامجادك
بقعر السجن هارون تضعف رادك

خاسر الظنك مهزوم لويوم تضعف واهم
★★★★★
نال الخزي الظالم شينفع قصره
مذموم تاريخه وحياته وعصره
سجنك مجد صار وقيودك ثوره

خلدّك فعلك للدوم للابد ذكرك دايم

الشاعر حسن لعيبي الحريشاوي

#قصائد_الامام_الكاظم_عليه_السلام
قصيدة رقم ٧

شوط كربلائي بحق الامام الكاظم عليه السلام


اجينه الموسى بن جعفر مشّايه بفخر نگصد
بمصابه انزوره نتعنّه بمدامع نوصل المرقد
............
من كل صوب اجت كلها تعنت گاصده الكاظم
هذا ابن النبي الهادي جده للرسل خاتم
و عليّ المرتضى جده وامّه الطاهره فاطم
واجب لو نجيله ازحوف
الگبره نعتني و نشوف
الموالي بهالأمر ميعوف
يظل واعلى الدرب ثابت ولائه هواي ما ينعد
............
لارض الكاظميه الها للكاظم إجت زوار
گصدو للسجين ابَهم متردها ابد لأخطار
كلها ماشيه بهمّه رجال او نسه او اعمار
لحليف السجده مشايه
بعهدهم حيل وفايه
الموالي ثابت ابرايه
بولائه باقي كل عمره سره بيه بعزم و الجد
............
لإمام الشيعه مولانه گصدنه بهالأمر لجله
بحياته و نظلم كثره واصله افضل الملّه
نريد نزور للمرقد الموالي سلّم او صلّه
سلام اعلى الولي المظلوم
يامن بالسجن كل يوم
امامي الكاظم و مهموم
سنين هواي من عمره بسلاسل حيل متقيّد
............
مشينه الكاظم بلهفه إمامي سابع الاطهار
نذكره بمرقده امصابه ومن يمنه الدمع مدرار
ملايين اعتنو لجله تظل طول الدرب باصرار
للمرقد يگصدونه
نهجهم ما يتركونه
طريق الصح يعرفونه
موسى الكاظم و تذكر مصابه لا ميتحدّد
............
حليف السجده و الصابر على جور و ظلم هارون
مصابه الكاظم و حزنه بگلبنه للأبد ميهون
نگصد لو يأذّونه وبكل اي وسيله كون
نمشي و نفتخر كلنه
الرزيته نبچي و بونه
فلا نبعد أبد عنه
على هذا الدرب و نظل ربنه الخالق اليشهد
............
علينه و عالمشي اعترضو المن هالمشي تمشون
بدعه گالو ومو صح رغم بالحگ تره يدرون
نجاوبهم على الشبهه ميظلون يعترضون
لجل موسى بن جعفر
إمامي و نظلم نذكر
يضدّونه بأذه و الشر
وهو ابن النبي الهادي ذكره باقي ما يفند
............
لارض الكاظميه ابَهم لو إلها وصلناها
الغريب الي گضه عمره حياته و بس ذكرناها
رزيّه للسجين بون وبحسره نعيناها
بسلاسل موسى من قيدوه
طاموره وسف خلوه
سنين هواي من أذّوه
لاكن حكمة الباري يظل مولاي يتخلّد
............
دربنه لو يطول اكثر نمشيله المرقد نگصده
الموالي الموسى بن جعفر ثباته بالگلب عنده
ولو وبهالدرب ميّت هي الموته شو وحده
عمرنه يرخص و نفخر
لابن طه النبي و حيدر
المحب وبهالعهد قرّر
بمسيره و المشي باقي ولائه دوم يتجدّد
............
علينه مرّت الكلفه وبكل الزمن وسنين
عادونه و يأذّونه لو شافونه من ماشين
لاكنه ما يمعنونه بدربنه للأبد باقين
و شاهد هالتزور اليوم
ملايين التجي معلوم
گصدت للولي المسموم
فضله اعلى الخلق تذكر مقامه هواي وتمجّد
............
خلها الناس لو تحجي علينه تعترض اشكال
لاكن كل موالي يظل عزمه بالگلب ما مال
ثابت بالنهج باقي لو صعبه يصير الحال
للكاظم إمامه يزور
هذا ابن الرسول النور
بفضله الدين ظل معمور
حبه نور و بگلبه الموالي بهاي متأكّد



مهيمن يوسف الموسوي

#قصائد_الامام_الكاظم_عليه_السلام
قصيدة رقم ٨

موشح للكاظم عليه السلام
                                    ____
خلصت عمرك امام الرافضه
بالسجن مسموم عمرك بيه گضه
                      _.
موسى ابن جعفر امام المتقين
انته من رب السمه الحق اليقين
نعمه  انته  من  الاه  العالمين

ولجلك الباري خلق هذا الفضه
                   
بيكم المعبود يبدي ويختتم
والعرف معناك حتمن ينصدم
منبع الاحكام يابير العلم

للبشر الله خلقكم موعضه
                      
كرمك ربنه الاهي بهالصفات
ياسفينه تسير بدروب النجات
الركبها فاز هسه وبالمَمات

جنه من الله وشفاعتكم حضه
                     _
باب للحاجات يبن المصطفه
والگصد معلول يم بابك عفه
شمة اعتابك يمن بيها الشفه

اداوي كل معلول يبن المرتضه
                      __
قاضي الحاجات ياأبن البتول
وارث انوار العلم من الرسول
اطباعك اطباع الولي فحل الفحول

ومن حسن وحسين تنقل موعضه
                     _
بعد كل هاي المكارم والسمات
ابگلب هارون الحقد بيكم يبات
ايحطك ابطاموره ظلمه وللمات

ماتشوف النور كل وكتك مضه
                  _
من سجن گامو ينقلوك السجن
والضلام البيها چن لليل ويجن
صار صبرك بالمدامع  ينعجن

وعظم گيدك منه يطاير شضه
                 _
خَلصِت سجنك قيام وبالسجود
تناجي ربك وانته مجتوف ابقيود
الله يطيك  النعم  وبلا  حدود

وخله گبتك سيدي اتلوح الفضه
                     _
من لفه الزاير نزل ليك ابدرج
يسألك يبن الذي  الربه عرج
گلي  يامولاي  يايوم  الفرخ

گتله يوم السبت امر الله انقضه
                  
الفرج يوم السبت فوگ الجسر
بلغ الشيعه يحضرون  الفجر
التمت الناس وگلبهم مبتشر

الشوفتك ملهوفه كلها الرافضه
               ____
مادرو مولاي تطلع بالنعش
عالجسر تابوتك ابغلضه نفرش
حته عرش الله الغيابك ارتعش

وفگدك ايهيج الحزن يابو الرضه
                    
ابو باسم الزيادي

#قصائد_الامام_الكاظم_عليه_السلام
قصيدة رقم ٩

الكاظميه اتغيرت احوالها
ودعت هاليوم خير رجالها
*****
الكاظميه اليوم عاشت بالحزن
ظلت الوادم على الكاظم تون
من البجي احمر صبح لون الجفن
والاسى والهم بقى يبرالها
ودعت هاليوم خير رجالها
*****
حكنه من نبجي على عود الرضا
ونجعل أصوات الحزن تملي الفضا
اه من مصابك بن المرتضى
صعبه كلش غيبتك يهلالها
ودعت هاليوم خير رجالها
*****
نصب وحي الله العزه نص السمه
للغريب بن البتوله فاطمه
المصطفى بي يحضر وحامي الحمه
وأم الحسين الطهر وعيالها
ودعت هاليوم خير رجالها
*****
مصابه ياشيعة علي يامكبره
مات وحده بسجن محد يحضره
وهو بن المصطفى خير الورى
والخلافه غيره مايحلالها
ودعت هاليوم خير رجالها
للكضه بسم الارض متصدعه
والخلك كله عيونه دامعه
تعزي مولاها الرضا بهل فاجعه
عظم الله اجرك يبن خيالها
ودعت هاليوم خير رجالها
*****
خن ندك عالراس وندك عالصدر
مانعوف مصيبته طول العمر
لجية المهدي ويصفيه الامر
راية الحك بس اهو شيالها
ودعت هاليوم خير رجالها
*****
خادم أهل البيت ابومحمد العاشور

#قصائد_الامام_الكاظم_عليه_السلام
قصيدة رقم ١٠


عود الرضا مات بسجن ويلي وا ويلاه
والكون ظل اعلي يون ويلي وا ويلاه
***
موسى بن خير العمل ويلي وا ويلاه
بالسجن وافاه الاجل ويلي وا ويلاه
عنه بعيدين الاهل ويلي وا ويلاه
دلاله ظل الهم يحن ويلي وا ويلاه
***
اعظم رزيه مصيبته ويلي وا ويلاه
بالآه خلص دنيته ويلي وا ويلاه
غايب بقه عن شيعته ويلي وا ويلاه
حگها علي تدمي الجفن ويلي وا ويلاه
***
الكون لجله منصدع ويلي وا ويلاه
للكاظم انرخص الدمع ويلي وا ويلاه
هذا الورع وابن الورع ويلي وا ويلاه
برواحنه مصابه يرن ويلي وا ويلاه
***
راهب العتره الطاهره ويلي وا ويلاه
سمته الگوم الكافره ويلي وا ويلاه
عالبلوى روحه صابره ويلي وا ويلاه
بصبره مثل ام الحزن ويلي وا ويلاه
***
خلص حياته بالعسر ويلي وا ويلاه
صابر بقى طول العمر ويلي وا ويلاه
ويمه انحنه كل صبر ويلي وا ويلاه
وهمه بدليله مندفن ويلي وا ويلاه
***
لمصيبته تنوح السمه ويلي وا ويلاه
واحبابه تبجي اعلي دمه ويلي وا ويلاه
تواسي ابجيها فاطمه ويلي وا ويلاه
والدمع يجري عالوجن ويلي وا ويلاه
***
خادم اهل البيت / ابومحمد العاشور(07810010732)

#قصائد_الامام_الكاظم_عليه_السلام
قصيدة رقم ١١
تجليبه بحق الامام الكاظم (ع)

يـل بــابــك وسيــعــه ولامــه الــزوار
ياموسى بن جـعـفر نعمى عقبى الدار

يـل بـابـك وســيعــه ولامـه الـمحتـــاج
يــاروضـة فـرجـنـه مـن نحس بـحــراج
تـــاجـك مـايضــاهــي ســيدي اي تــاج
لان تاجــك يموسى من الــنبي الـمختار


لأن تــاجــك يــمــوسى مـرصع بأيــــمان
ربــــــــــك خــلـدك وانـطــاك هـذا الـشان
كــبه وشــامخه وبـــــيهــه الــف بـرهــان
ماريد احـجي انــه شـحـاويـه من اسرار

مـــاريد انـــه احــجي اســرارك هوايه
يـــا آيــــه وابـــن آيــــه وابــــو آيــــه
مــــن نــورك امــنوره كـل الــولايـــه
لان نــورك مــحمد والـــوصي الــكرار


لان نـورك محـمد خــصك الـــمـعـــبود
انـتـه بــهل صبــرو اعـله الـصبرمحمود
مــامــوجـود مثــلـك ابــد مامـوجـــود
لان صـبرك صبر واصرارك انته اصــرار


لان صــبرك صبر وكــنوز حاوي اعلـوم
مارادو وجــودك ســيــــــدي ويــــدوم
ولهذا الســــبب لمن طحــــت مسمـوم
سموك بـــسجن هــــارون هــــالاشــرار

حسـبو مـــوتـــوك ومـامــتــت هـيهـات
الــمــثــلـك مـايــموت و لا ابـد مامـات
رادو تـخــتــفي واصـبحـت للحاجــات
قاضي وكــرمــك رب الـعرش واخــتار


يل بـــابــك وسيـــعه ولمت الــــطاحـوا
من فـــوك الجسر واعــله الأفـق لاحـوا
من طاحوا يموسى بكل شرف صاحـوا
سجـلـنه يـمـــوسى بــــدفـــترك أنصـار


قربان وفده كـل أحنــــه لجـــل حسـين
واجــب هذا بـاقي بــالرگــاب وديــــن
نــقسم بالـفـگد شوفــه ونـطه الجـفيـن
نـعيش أحرار احنه ومــن نـموت أحـرار






لاتنسون والدي وأبني عباس من الرحمه والغفران
خادمكم رياض الرسل الجابري

#قصائد_الامام_الكاظم_عليه_السلام
قصيدة رقم ١٢
قصيدة دارمي لنعش الكاظم
وممكن تقرأ ٣ دگات (ع)


من سجنه طلعناه هاي المسيه
موسى ابن جعفر مات ابن الزچيه
١
ماشايف اهله اسنين بالغربه مسجون
بطاموره عاش ومات وبسجن هارون
وين اهله ليش ابعاد خلهم يحضرون
هذا الغريب انصيح يهل الحميه
٢

نعش الغريب انشال بدموع الآهات
وين اهله مايدرون بالسم گضه ومات
چان بسجن ويصيح للذله هيهات
مثل الشهيد الطاح بالغاضريه

٣

ننحب الليله انريد بدموع المصاب
عالبل سجن محروم ماشاف الاحباب
ونذكر الزهره اليوم والعصره والباب
خلي نون وانوح كلنه سويه

٤

نعش المصيبه انشيل نعش النوايب
وگلب المحب هاليوم بالحسره ذايب
بالدمعه والأهات ليل مصايب
شيخلصه هذا الليل عالجعفريه

٥

الزهره وابنها اليوم نفس المصيبه
خل نبچي عالمسموم واعله الحبيبه
هذا الغريب امنين ابن الغريبه
مخفي گبرها وليش ياهل بريه

٦

نتمنه هذا اليوم واندگ على الراس
لو هسه بالتشييع يحضر العباس
يلطم على المسموم واتشاهده الناس
ونتمنه كلنه اليوم بالكاظميه





لاتنسون والدي وأبني عباس من الرحمه والغفران
خادمكم رياض الرسل الجابري

#قصائد_الامام_الكاظم_عليه_السلام
قصيدة رقم ١٣
ميمر بحق الامام للكاظم (ع)


باب الشرف اعظم شرف
گلبي اغتنم منها وغرف
من عندي حاجه اتعناك يالكاظم وتگضيها

1

بابك يبو الحاجات متخليني
واگف وحاير بالعجل تنطيني
تترسلي مو بس ايدي تترس عيني
ولهذا شوگي البابك ايوديني
لا مو وهم باب الكرم
ماخاب من دگها وسلم
بابك اشتحمل آثار بس الله يعلم بيها

2

هالباب باب المكرمه والعفه
للبيه علل من عدها ياخذ وصفه
بس يمسح اباب الكريم ويشفه
يرجع البيته مطمئن ويغفه
الكلمن وصل يشفي العلل
مضروب بالكاظم مثل
اعظم طبيب ابغداد كل العلل يشفيها
3

امجربها اني وانته جرب زوره
امخلي العطايه غايته ودستوره
باب الحوائج موسى هذا ونوره
بغداد بسمه اتسمت ومعموره
اگصد اله بأي مسأله
مايرد حاشه سائله
اعقدها روح بأخلاص والنيتك صفيها

4

لمن تروح اتزوره صفي النيه
كل الحوائج عنه ما مخفيه
اقسملك اني بزينب المسبيه
من عنده ترجع حاجتك مگضيه
سور وحمه من الضمه
بس حلفه انته بفاطمه
تاخذ الحاجه ومسرور وبأيدك ايخليها

5

اگصد البابه وروح شم اترابه
واسجد بنيه خالصه اعله اعتابه
اتوجه بگلبك واحسب انته احسابه
وصب الدموع وصيح عندي اطلابه
يمه الامر بعد العسر
من عنده ترجع باليسر
تاخذ الحاجه ومسرور سهله والك ينطيها

6

مايرد طالب حاجه والگاصدله
بخالص النيه كلمن اليوصله
ياخذ الحاجه وحاشه لا ميفشله
راعي الكرم معروف هوه وأهله
كلمن وصل يلگه الامل
امجربين كل هذا العمل
بس مره وحده اطلب شوف والطلبه ميثنيها




لاتنسون والدي وأبني عباس من الرحمه والغفران
خادمكم رياض الرسل الجابري

#قصائد_الامام_الكاظم_عليه_السلام
قصيدة رقم ١٤


موسى بن جعفر عالجسر. گومو يشيعه انشيله
٠٠٠٠٠٠٠٠٠٠٠٠
مسموم بالله بياذنب وبياذنب ياذونه
بگيد السلاسل والسجن. تحت الارض يخفونه
يدرونه من بيت النبي وبالمصطفه يوصفونه

بالسم گضه ومات بسجن. ياويلي هدمو حيله
٠٠٠٠٠٠٠٠٠٠٠٠٠
فزّعو الروافض خل تجي. تشيل النعش لتعوفه
عالروس ينشال النعش. والشيعه كلها اطوفه
معروفه شيعة حيدره. وكت الشدد معروفه

تتحده ظلم الناصبي. ورواح هم تهديله
٠٠٠٠٠٠٠٠٠٠٠٠٠
شالتهم الغيره واجو. شالوا نعش واليهم
وتشيّع بهيبه وفخر. موسى وتفاخر بيهم
قَدمَو تعازي للرضا. قائدهم وحاديهم

عن والده گيد السجن. بيده الامام يزيله
٠٠٠٠٠٠٠٠٠٠٠٠٠٠٠٠
معصوم لاشك الرضا. يحفر گبر للكاظم
للحفره نزّل والده. بيده وتجهله الوادم
هذا الرضا الشال النعش. ما جاسه والله الظالم

تولّه الدفن هوه الرضا. بيده وأمر تغسيله
٠٠٠٠٠٠٠٠٠٠٠٠٠٠٠٠٠
بهذا الزمن وبكل زمن نحيي بدمع تشييعه
خدامه احنه وشيعته. أمر الامام انطيعه
مجلس عزاءه بحضرته. وللعالم احنه انذيعه

والمهدي حاضر بالعزَه يوم الفرج ندعيله
٠٠٠٠٠٠٠٠٠٠٠٠٠٠٠٠
باب الحوائج كل زمن والينه ما سد بابه
موسى بن جعفر مايرد. يكرم جميع أحبابه
يشفي المريض بحضرته. وعنده الرزق وسبابه

يربح اكيد وينسعد. كلمن يجي يشكيله

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

#قصائد_الامام_الكاظم_عليه_السلام
قصيدة رقم ١٥
ميمر للامام الكاظم عليه السلام

موسى إبن هادينه === مسجون وإﻣﮔيدينه
سمـّوه ذوله الأنـذال === ﻳﺷﭼـي ﺛﮔلها الأغلال
مسجون وإﻣﮔيدينه
ــــــ
الله ما أحلى المشي المولانــــــه == نمشي إو نشارك حيدره بحزانه
لازم نزوره إو ﻨﮔﻌـــد إبديوانــــه == معروف موسى إبطيبته وإحسانه
يـَمـّه ننال الآمال === يقبل إلهي الأعمال
ثابت إمامي إبدينـه === مسجون وإﻣﮔيدينه
ـــــ
غيضوا الخوارج بالمشي ياشيعه == عاهدنــــــــا نادوا والعهد مـَنـْبيعـَه
شيلوا السجين إو شاركوا إبتشييعه == ويـّاكـــــــــم المهدي يجي التوديعه
عزّوا الزﭽيه إبآهات === وإجروا عليه الدمعات
غاب التقي والينه === مسجون وإﻣﮔيدينه
ـــــ
موسى إنهدم حيله إبسجن ظـُلاّمـَه == ما شـــاف فرحه وإﻨﮔضت أيـّامـــه
بس عاش بالعز وإحتمل آلامـــــــه == مرفوع راسه إو ما نصت أعلامه
واليوم سـَمـّوه إو راح === بعده نسينه الأفراح
عيني فداها العينه === مسجون وإﻣﮔيدينه
ــــ
فوﮒ الجسر هاليوم نعش الغالي == شيلـــــــــــوه ياشيعة علي للعالي
سمــّوه ما عدهم رحم هالوالــــــــي == أفديله روحي إو كـُل هلي وأموالي
مسجون ما شاف النور === موسى الغـِدَه إلـْنـَه السور
أحبابه وإمــْتانينه === مسجون وإﻣﮔيدينه
ـــ
بالكاظميـــــــــه ترتفع أنــــــواره == ﻳﮔضي الحوايج سيدي الزوّاره
مفتوح بابه إو ينتظر خـُطــــــــّاره == من فاطمه إو حيدر علي أسراره
إﮔصد إلــَه إو لاتنساه === نادي إبمصابه ويلاه
صابر ﮔضاها إسنينه === مسجون وإﻣﮔيدينه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سابع إمام إو سجدته موسومه == أمـّه الزﭽيه فاطمه المظلومه
سجنوه موسى إو ضـَيـّعوها إرسومه == أرواح من فيـض الولي محرومه
والشيعه تاهت تنخاه === وينك يبن حيدر آه
مايك عذب يروينه === مسجون وإﻣﮔيدينه
ــــ
ما ظل صبر يبن الحسن نشكيلك == أرواح لـــــو نــــورك يهل نفديلك
وإنريد يانبعـــــــــة علي ﻧﺣﭽيلك == يـَمـْتـَه العدو تمحيه صولة خيلك
يـَمـْتـَه تجي ياموعود === يومك نشوفه المشهود
دينك شكالك بينه === مسجون وإﻣﮔيدينه
ــ
الشاعر المرحوم جابر الخزرجي النجفي

#قصائد_الامام_الكاظم_عليه_السلام
قصيدة رقم ١٦
تجليبة بحق الامام الكاظم عليه السلام

دمعات الحزن يم موسى إجريها
والزهره الشفيعه ﮔوم واسيها
ــــــ
والزهره الشفيعه تنتظر يومك
تدريها عليمه دوم بهمومك
تنتظرك تجيها إو توصل إعلومك
ياموعود إﻠﺣﮓ شوف تاليها
ــــ
ياموعود إﻠﺣﮓ شيعتك ياثار
بيهم حاطت إو ﻳﭼوي لهبها النار
بني العباس عادوا زمرة الأشرار
وأميـّه عادت إو تنشر مآسيها
ـــ
وأميـّه عادت إوياها يزيد اليوم
قريب إيريد يوصل يم ثرى المسموم
يخسه إيزيد وأعوانه الشقي المهزوم
هاي الكاظميه موسى يحميها
ـــ
هاي الكاظميه ما تذل لشرار
تحاوطها أبد ما تنطفي الأنوار
أنوار السجين الحاويه الأسرار
وأنوار الجواد الساطعه بيها
ـــــ
وأنوار الأمام السابع الراهب
تشع بالكاظميه إو تكشف الناصب
تنادي إظهر يبو الثارات ياغايب
عزيمتهم جنود الخير حـَيـّيها
ــــ
عزيمتهم جنود الخير ما تنهد
يظل محمي إبدماهم موطنك والحد
ياحامي الشريعه ياشبل أحمد
إلك أرواح ياموعود نفديها
ــــ
إلك أرواح نفدي إو ننتظر إحنه
ملـّينه الصبر محنه إبأثر محنه
تعال إو شوف حالة شيعتك صحنه
تعال إو إحضر المأتم يواليها
ــــ
تعال إو إحضر المأتم يعالي الشان
نريدك سيدي إتشاركنه بالأحزان
جنود إنصير وياك إو حلو العنوان
من كل ظالم الدنيه نصفـــّيها
ــــ
الشاعر المرحوم جابر الخزرجي النجفي

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------