🔔አዲስ_ዝማሬ

🎤አኑርልኝ_ለአፌ_ጠባቂ

🎙ሊቀ መዘምራን ቴዎድሮስ ዮሴፍ

✅JOIN US✅
🔔
🔺 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘🔺‌‌
https://youtu.be/nMkoV-wIjTw

🤗ኦርቶዶክሳዊ ዝማሬ🤗
👳🏽‍♂ በግሩም እና በተወዳጅ ዘማሪያን
ብዙ እውቀትን ታገኙበታላችሁ ከታች ባለው ሊንክ መከታተል ትችላላችሁ።
👇🏽👇🏽
https://youtu.be/ggPuK3XXHF4
https://
         👆 ይቀላቀሉን   👆

ቴግራም ቻናል
👇👇👇
✅JOIN US✅
@kidus_yared_kidus
@kidus_yared_kidus

​​🌷ጾመ ገሀድ🌷


 

➡️ ከዘጠኙ ዓበይት የጌታ በዓላት ሁለቱ የልደትና የጥምቀት በዓላት ተጠቃሾች ናቸው  በሁለቱ በዓላት ቀን ክርስቲያን የሆነ ሁሉ በኀዘን ማሳለፍ እንደሌለበት ቅዱሳት መጻሕፍት ይናገራሉ ምክንያቱም የክርስቶስ ልደትና ጥምቀት የዕዳ ደብዳቤያችን የተቀደደባቸው የድኅነታችን መሠረት የተጣለባቸው ዐበይት በዓላት  ስለሆኑ ነው እነዚህ በዓላት በረቡዕና በዓርብ ቀን ከዋሉ አስቀድመን በዋዜማው ለውጥ አድርገን እንጾማቸዋለን ልደት ረቡዕ ከሆነ ማግሰኞ በዋዜማው፣ ዓርብ ከሆነ ሐሙስ በዋዜማው እስከምሽቱ አንድ ሰዓት (13 ሰዓት) እንጾማቸዋለን በሌሎችም ቀናት በዋዜማቸው በየዓመቱ ይጾማሉ ቀናቱ ሁለት ቢሆኑም  ቁጥራቸው ግን ከሰባቱ አጽዋማት አንዱ ተብለው ነው የሚቆጠሩት፡፡

ገሀድ ሁለት መጠሪያ ስሞች አሉት ገሀድና ጋድ፡፡ ገሀድ ማለት መገለጥ መታየት መታወቅ ማለት ነው ተገለጠ ታየ ታወቀ የተባለውም ጌታችን መድኃኒታችን ኢየሱስ ክርስቶስ ነው ምንም ከዚያ በፊት አምላክነቱ የተገለጠባቸው ብዙ መንገዶችና ተአምራት ቢኖሩም አብ በደመና ሁኖ የምወደው ልጄ ይህ ነው በማለት፣ መንፈስ ቅዱስም በርግብ አምሳል ወርዶ በራሱ ላይ በመቀመጥ የክርስቶስ አምላክነት የተገለጠበት ዕለት ስለሆነ ገሀድ መገለጥ ተብሎ ተሰይሟል

በሌላም በኩል ጋድ ማለት ለውጥ ማለት ነው ልደትና ጥምቀት ረቡዕና ዓርብ ሲሆኑ ለውጥ ሁኖ የሚጾምበት ማለት ነው ስለዚህ ገሀድ ስንል የክርስቶስን አምላክነት በዕለተ ጥምቀት መገለጥ፣ ጋድ ስንል ደግሞ ለዓርብና ለረቡዕ ጾም ለውጥ ሁኖ የተጾመውን ጾም ማለታችን ነው፡፡ ይህንን ጾም ጥር 10 ቀን የሚነበበው ስንክሳር እንዲህ ሲል ይገልጸዋል፡፡

🌹🕯መልካም በዓል🕯🌹

https://hottg.com/orthoxy_ewet
https://hottg.com/orthoxy_ewet

እንኳን ለብርሃነ ጥምቀቱ በሰላም አደረሳችሁ

#ጥር 21 አስተርእዮ ማርያም

እንኳን ለአስተርእዮ ማርያም ዓመታዊ ክብረ በዓል በሰላም አደረሰን።

አስተርእዮ ማለት መታየት፣ መገለጥ ማለት ነው። ቃሉ አስተርአየ ታየ፣ ተገለጠ ከሚለው የግዕዝ ግሥ የተገኘ ነው።

ከጌታችን የልደት በዓል ጀምሮ እስከ ጥር መጨረሻ ያለው ጊዜ ዘመነ አስተርእዮ በመባል ይታወቃል።

የእመቤታችን በዓለ ዕረፍት በዘመነ አስተርእዮ ውስጥ ስለሚከበር “አስተርእዮ ማርያም” ተብሏል።

እመቤታችን ቅድስት ድንግል ማርያም ስድሳ አራት ዓመት በዚህ ዓለም ኖራ ጥር ፳፩ /21/ በእሑድ ቀን ነብሷ ከስጋዋ ተለየች።

ልቡናዋ በይኩነኒ የጸና ንጽሐ ሥጋ ፣ ንጽሐ ነፍስ ፣ ንጽሐ ልቡና አስተባብራ የያዘች ወላዲተ አምላክ ምንም እንኳን የአምላክ እናት ብትሆንም ሞተ ሥጋ ለሁሉም ዕጣ ፈንታ በመሆኑ በቃል መነገሩ በልብ መታሰቡ ከፍ ከፍ ይበልና ጌታችን መድኃኒታችን ኢየሱስ ክርስቶስ “ተንሥኢ ወንዒ”  "የነፍሴ ደስታ የኾንሽ ውድ እናቴ ሆይ ተነሥተሽ ወደ እኔ ነዪ" ብሏታል።
          መኃ. ፪፥፲ /2፥10/

እመቤታችን ሆይ ሐዋርያት በሱባዔ ትንሣዔሽን ለማየት በቅተዋልና እኛም በዓለ ዕረፍትሽን አክብረን ልጅሽ በሰጠሽ ቃል ኪዳን በቀኙ እንቆም ዘንድ ለምኝልን። በረከትሽ አይለየን።
💒Ethiopian Orthodox Mezmur 

💒ኦርቶዶክሳዊ ዝማሬ🙏
✥••┈┈••●◉ ✞ ◉●••┈┈••✥

      ╭══•|❀:✧๑✞✞๑✧❀|: ══╮
             👉 @ortodoksawzmare 
            👉  @natane_mtube  
             👉 @dmse_tewado
             👉 @zmaredawt_zeortodocs
            👉  @matebe_kbrenew
            👉  @zmaredawt_zeortodocs
       ╰══•|❀:✧๑✞✞๑✧❀|:══╯

      ✥••┈┈••●◉ ✞ ◉●••┈┈••✥
         👆 ይቀላቀሉን 👆

፨ቅዱስ መርቆሬዎስ ሊቀ ሰማዕታት
ለምስራች ወንጌል ታስሮ በሠንሠለት
በምግባር በጸሎት ጸንቶ በሃይማኖት
ጌታዬ እና አምላኬ ኢየሱስ ነው ብሎ
መከራውን ንቆ ጸና በተጋድሎ።

ዛሬም እግዚእነ ኢየሱስ ክርስቶስ በገባለት ቃል ኪዳን በራዕይ በሕልም ሳይሆን በግልጽ ተገልጾ የሚራዳ በስዕሉ ፊት ያለቀሱትን ቤተክርስቲያን ታደጋት ብለው የተማጸኑትን የአባ ጎርጎርዮስን የአባ ባስልዮስን እንባ ያበሰ አጽራረ ቤተክርስቲያንን ያስታገሰ ኃያል ሰማዕት ገባሬ ተአምር። ቅዱስ መርቆሬዎስ ሆይ በጸሎትህና በምልጃህ እርዳን!

ረድኤት በረከቱን ያሳድርብን ምልጃ ጸሎቱ ተራዳኢነቱ አይለየን አሜን።

†✝† እንኳን ለቅዱሳን ቅዱስ ኄኖክ: ቅዱስ ጢሞቴዎስ ሐዋርያ: ቅዱስ ሱርያል ሊቀ መላዕክት ዓመታዊ በዓል በሰላም አደረሳችሁ፤ አደረሰን። †✝†

††† በስመ አብ ወወልድ ወመንፈስ ቅዱስ አሐዱ አምላክ አሜን! †††

††† ቅዱስ ኄኖክ †††

††† ቅዱስ መጽሐፍ እንደሚነግረን ቅዱስ ኄኖክ ከአዳም ሰባተኛ ትውልድ ነው:: አዳም: ሴት: ሔኖስ: ቃይናን: መላልኤል: ያሬድ ብለን ሰባተኛው ኄኖክ ነውና::

ቅዱሱ የማቱሳላ አባትም ነው:: አካሔዱን ከእግዚአብሔር ጋር በማድረጉም ሞትን ያላየ: ብሔረ ሕያዋን የገባ የመጀመሪያው ሰው ሁኗል:: ለአዳም ልጆችም ተስፋ ድኅነት እንዳለ ማሳያ ሁኗል:: "በአቤል አፍርሆሙ: ወበኄኖክ አንቅሆሙ" እንዳለ ሊቁ::

ቅዱስ ኄኖክ በ1486 ዓ/ዓ የመጀመሪያውን የቅዱስ መጽሐፍ ክፍል (መጽሐፈ ኄኖክን) ከመጻፉ ባሻገር በብዙ ሥፍራ በክብር ተጠቅሶ ይገኛል::

††† ቅዱስ ጢሞቴዎስ ሐዋርያ †††

††† ይህ ቅዱስ ሐዋርያ አንድ የቤተ ክርስቲያናችን መብራት ነው:: ወደ ክርስትና የመጣው በ40ዎቹ ዓ/ም አካባቢ ሲሆን አሳምኖ ለቅድስና ያበቃው ብርሃነ ዓለም ቅዱስ ጳውሎስ ነው::

በጊዜውም በነበረው ትጋትና ተጋድሎ ፍሬ አፍርቷል:: ሆዱንም እጅግ ያመው ነበር:: ቅዱስ ጳውሎስ ሲጠራው "የምወድህ ልጄ" እያለ ነበር:: በኤፌሶንም ጵጵስናን ሹሞ 2 መልዕክታትን ልኮለታል:: ቅዱስ ጢሞቴዎስ ቤተ ክርስቲያንን ለብዙ ዘመናት አገልግሎ በሰማዕትነት ዐርፏል::
ዛሬ ሥጋው ከኤፌሶን ወደ ቁስጥንጥንያ የፈለሰበት ነው፡፡ ጊዜውም 330ዎቹ መጀመሪያ ላይ እንደሆነ ይታመናል፡፡

"መድኃኒታችን እግዚአብሔር: ተስፋችንም ኢየሱስ ክርስቶስ እንዳዘዘው ትእዛዝ የኢየሱስ ክርስቶስ ሐዋርያ የሆነ ጳውሎስ: በእምነት እውነተኛ ልጄ ለሆነ ለጢሞቴዎስ::
ከእግዚአብሔር ከአባታችን: ከክርስቶስ ኢየሱስም ከጌታችን: ጸጋና ምሕረት: ሰላምም ይሁን . . ."
(፩ጢሞ. ፩፥፩)

††† ቅዱስ ሱርያል ሊቀ መላዕክት †††

††† ከታላላቅ ሊቃናት አንዱ የሆነው ቅዱስ ሱርያል ክብሩ ብዙ ቢሆንም ብዙ ምዕመናን አያውቁትም:: የመላእክት መዓርግ ሲነገር ሚካኤል: ገብርኤል: ሩፋኤል ብሎ ቀጥሎ የሚመጣው ሱርያል ነው::

በሦስቱ ሰማያት ካሉት ዘጠኙ ዓለመ መላእክት የአንዱ (የሥልጣናት) መሪ (አለቃ) ነው:: መልአኩ እጅግ ርሕሩሕ እና ተራዳኢ ነውና አንዘንጋው:: ለኖኅ መርከብን ያሳራው: ከጥፋት ውኃም ያዳነው ይህ ቅዱስ መልአክ ነው::

በገድለ ሰማዕታትም ላይ እንደተጠቀሰው የሰማዕታት ረዳትና አዳኝም ነው:: ቅዱስ ሱርያል በሌላ ስሙ "እሥራልዩ" ይባላል:: "የእሥራኤል ረዳት" እንደ ማለት:: ዛሬ ደግሞ የሊቀ መልአኩ ቅዳሴ ቤቱ ነው::

††† የይቅርታ ጌታ መድኃኔ ዓለም ኢየሱስ ክርስቶስ አይተወን . . . አይጣለን!

††† ጥር 27 ቀን የሚከበሩ ዓመታዊ የቅዱሳን በዓላት
1.ቅዱስ ኄኖክ ነቢይ (ወደ ብሔረ ሕያዋን ያረገበት)
2.ቅዱስ ጢሞቴዎስ ሐዋርያ (ፍልሠቱ)
3.ቅዱስ አባ ቢፋሞን ሰማዕት
4.ቅዱስ ሰራብዮን ሰማዕት
5.ቅዱስ ሱርያል ሊቀ መላዕክት (ከሰባቱ ሊቃናት አንዱ)

††† ወርኀዊ በዓላት
1.መድኃኔ ዓለም ኢየሱስ ክርስቶስ
2.አቡነ መባዐ ጽዮን
3.አባ መቃርስ ርዕሰ መነኮሳት
4.ቅዱስ ገላውዴዎስ ሰማዕት (ንጉሠ ኢትዮጵያ)
5.ቅዱስ ፊቅጦር ሰማዕት
6.ቅዱስ ያዕቆብ ዘግሙድ

††† "የተጠራችሁለት ለዚህ ነው:: ክርስቶስ ደግሞ ፍለጋውን እንድትከተሉ ምሳሌ ትቶላችሁ ስለ እናንተ መከራን ተቀብሏልና:: እርሱም ኃጢአት አላደረገም:: ተንኮልም በአፉ አልተገኘበትም:: ሲሰድቡት መልሶ አልተሳደበም:: መከራንም ሲቀበል አልዛተም . . . እርሱ ራሱ በሥጋው ኃጢአታችንን በእንጨት ላይ ተሸከመ::" †††
(፩ጴጥ. ፪፥፳፩-፳፭)

††† ወስብሐት ለእግዚአብሔር †††

↪ ናታኒም ፕሮሞሽንም ዓላማችን መፈሳዊ ሚዲያዎችን በመንፈሳዊነት እናብዛ ብለን በርከት ያሉ የኢትዮጵያ ኦርቶዶክስ ተዋህዶ ቤተክርስትያን ቻናሎች መዝግቦ ለምእመናን  እንዲዳረሱ  ፕሮሞት እያደርገ ይገኛል ።
↪  በፍጥነት ለማሳደግ አሁኑኑ ያስመዝግቡ
      Wave ፕሮሞሽን በፎልደር ለመዝገብ
10k በላይ ኦርቶዶክሳዊ ቻናል በዚህ አናግሩኝ👉 @Mane_tekel

" " " " ኢየሱስ ማን ነው?" " " "
     ❖ ❖ ❖
"እናንተስ እኔን ማን እንደ ሆንሁ ትላላችሁ?"
(የማቴዎስ ወንጌል 16:15)

ይሄ ጥያቄ ከክርስቶስ ለሐዋርያቱ የቀረበ ቢሆንም ህያው ሆኖ ይሰራልና ለእኛም የተጠየቀ ነው!
ስለዚህ እናንተ ክርስቶስን ማን እንደሆነ ትላላችሁ? የሚለውን ጥያቄያችንን ለልባችሁ በመተው በዚህ ተከታታይ ፅሁፍ የኢየሱስ ክርስቶስን ማንነት ከመጽሐፍ ቅዱስ እና ከኦርቶዶክሳዊ አስተምህሮ አንጻር እንማማራለን።
ኢየሱስ ክርስቶስ የክርሰትናችን መስራች የሃይማኖታችንም ራስ በመሆኑ እርሱን በሚገባ ማወቅ ከእኛ ከክርስቲያኖች ይጠበቃል። እርሱን ማወቃችንም ለሚከተሉት ዋና ዋና ተግባራት ይረዳናል።

1. እርሱን አውቀን በህወታችን ያለውን ድርሻ ተረድተን ለእርሱ እንድንታዘዝና በአግባቡ እንደናገለግለውና እንድናመልከው

2. የምናውቀውን ለማያውቁትና ላልተረዱት በሚገባ ለማስረዳትና ወደ እውነተኛው የክርስቶስ ማንነት እንዲመጡ ለማድረግ

3. በዘመናች ኢየሱስ ክርስቶስን በተመለከተ ሰዎች ያላቸው አስተሳሰብ አራምባና ቆቦ ስለሆነ ጥያቄዎችንም ስለሚጠይቁን ለእነርሱ መልስ ለመስጠት ነው።

4- ዋናው ደግሞ ኢየሱስ ክርስቶስን ማወቅ የዘለዓለም ህይወት ነው!! የሐ17-2፤4

ኢየሱስ ክርስቶስ በዚህ ዓለም በተመላለሰበት ጊዜ ሰዎች አውቀውት ተረድተውት እንደሆነ ይጠይቅ ነበር። ለምሳሌ በፊሊጶስ ቂሳርያ ሐዋርያቱን ሰዎች የሰውን ልጅ ማን እንደሆነ ይሉታል ብሎ ጠይቋቸው ነበር። ሐዋርያቱም ክብር ይግባውና ሰዎች የሚሉትን ተርከውለታል ።ማቴ 16፡18፤ማር 8 ። በዚያ ዘመን የሚኖሩ ሰዎች ክርስቶስን ኤልያስ ነው፤ሙሴ ነው፤ ዩሐንስ ነው፡ ኤርሚያስ ነው ከነዚህም ካልሆነ ከነቢያት አንዱ ነው ይሉ ነበር። ሌሎቹም
ጋኔል አለበት ብለውታል የሐ 10፤20 ኢየሱስ ክርስቶስ ግን የነቢያት አምላክ ነበር ሰዎች ባይረዱትም ቅሉ።
ሌሎቹም ካስተማራቸው ትምህርት የተነሳ ይህ ማን ነው የጸራቢው የየሴፍ ልጅ የማርያምስ ልጀ አይደለምን? ወንድሞቹ .. እህቶቹም በእኛ ዘንድ አይደሉምን? እያሉ ተሰነካከሉበት።ሉቃ 4፤16-22
ሆኖም ሁሉም ባያውቁትም ሐዋርያቱ ግን በሚገባ ተረድተውት ነበር ለዚህ ነው ሐዋርያው ቅዱሰ ጴጥሮስ አንተ የህያው እግዚአብሔር ልጅ ነህ ብሎ የመለሰው። ቅዱሰ ጴጥሮስም አንተ የህያው እግዚአብሔር ልጀ ነህ በማለቱ ብጹዕ ተባለ፤የቤተ ክርስቲያን አለት እንዲባል ሆነ።

ወገኖቸ በዛሬው ጊዜ ኢየሱስን አንዱ ፍጡር/ነብይ/ ሌላው መልአክ ሌላም ሌላም እያሉ ይሳለቁበታል በእርግጥ እኛ አውቀነው ይሆንን?

ለመሆኑ ይህ ኢየሱስ ማን ነው?
ኢየሱስ ክርስቶስ ትንቢት ሳያናግር ሱባኤ ሳያስቆጥር እንዲሁ ከሰማያት የወረደ አይደለም። ይልቁንም ትንቢት አናግሮ ሱባኤ አስቆጥሮ ከሰማየ ሰማያት ወረደ እንጂ። ኢየሱስ ክርስቶስ ሱባኤ አስቆጥሮ ቢመጣም እንኳን ሱባኤውን እንቆጥራለን የሚሉ
አይሁድ ማወቅ አልቻሉም እርሱ የመጣው በደካማ ስጋ ነበርና።

ዛሬም ሰዎች ክርስቶስ በደካማ ስጋ መምጣቱን ተመልክተው ብዙዎች እርሱን በሚገባ ለማመንና ለማዎቅ አቃታቸው። ክብር ለእርሱ ይሁንና እርሱ ኢየሱስ ማን ነው። እርሱ የማሰናከያው ድንጋይ እርሱ የማዕዘኑ ድነጋይ፤ ያ ከአለት የፈሰሰው እና በጥም
የነበሩትን በበረሃ የተቃጠሉትን ያረካው ኢየሱስ ክርስቶስ ማን ነው?

ኢየሱስ በብሉይ ኪዳን፦

           ይቀጥላል............

ህይወትህን በሙሉ ለምድራዊ ነገር አሳልፈህ ከሰጠህ ምድር መቃብርን ትሰጥሃለች፤ ነገር ግን ህይወትህን ለመንግስተ ሰማያት አሳልፈህ ብትሰጥ ግን መንግስተ ሰማያት ዙፋንን ትሰጥሃለች።
ምክረ አበው

ህይወትህን በሙሉ ለምድራዊ ነገር አሳልፈህ ከሰጠህ ምድር መቃብርን ትሰጥሃለች፤ ነገር ግን ህይወትህን ለመንግስተ ሰማያት አሳልፈህ ብትሰጥ ግን መንግስተ ሰማያት ዙፋንን ትሰጥሃለች።
ምክረ አበው

ባንተ ነው ክርስቶስ

ይህ ሁሉ ወፈ ሰማይ በልቶ የሚያድረው ባንተ ነው። ይህ ሁሉ ሆደ ባሻ ጨርቁን ጥሎ ያልሄደው፣ ይህ ሁሉ ምስኪን እንባው የሚታበሰው ባንተ ነው። አፍቅሮ ጥላቻን፣ አምኖ ክህደትን የሚያስተናግደው እንደገና ወደ ቀልቡ የሚመለሰው ባንተ ነው። ለቤተ ሠሪው ምሰሶውን የምትይዝለት ፣ ጠባቂውን የምትጠብቅለት፣ ለአፍቃሪው ፍቅር የምትሰጠው፣ ሰውን ለልጁ ደግ ያደረግኸው ...ይህ ሁሉ ባንተ ነው። በአደጋ ውስጥ በሰላም የምጓዘው፣ በድካም ሕይወት ዛሬም አለሁ የምለው ባንተ ነው። ድሀ አደጉ የማይሞተው፣ ጎዳና የወደቀው እንቅልፍ የሚያገኘው ባንተ ነው። የጨለመው ቀን እየፈካ፣ ተስፋ እንደገና የሚያበራው ባንተ ነው። ያለአጥር የምጠበቀው፣ ያለ በር በምከለለው አማኑኤል ባንተ ነው ። አንተ የሰጠኸኝን ማንም አይነጥቀኝም፣ አንተ ከልክለኸኝ ማንም አይሰጠኝም። ይህንንም የምናገረው ባንተ አቅም ነው። የሰጠኸኝን ዘመን ለበረከት አድርገው!

ይቱብ ቻናላችንን ሰብስክራይብ ያድርጉ🙏
https://youtu.be/No-mmpKMgN0
https://youtu.be/No-mmpKMgN0

🌻🌻🌻🌻🌻🌻🌻🌻🌻

በስመ አብ ወወልድ ወመንፈስ ቅዱስ አሀዱ አምላክ አሜን !!!

እንኳን ለቅድስት ሥላሴ  በዓል  እንዲሁም ለሌሎች ቅዱሳን መታሰቢያ በዓል  በሰላም በጤና አደረሳችሁ፤ አደረሰን።

የአብርሐምን ቤት የባረኩ ሥላሴ እኛንም በህይወታችን በኑሮዋጭን በአገልግሎታችን  በትዳርአችን በትምርታችን በሥራችን ይባርኩን ።

ሥሉስ ቅዱስ ለሚታምን ሁሉ እምነትን በረከትን ሀገራችን ኢትዮጽያን ሰላም ያድርጉልን አሜን ::

#መልካም እለተ  ይሁንልን

     #መልካም ቀን

 

#ደጉ እና ሩሩህ መልአክ ቅዱስ ሚካኤል ወርሀዊ በዓል እንኳን አደረሳቹ።

"ቅዱስ ሚካኤል ኾይ"

እንደ ፀሐይ ሥነ ጸዳል የሚያንጸባርቁ በሰማይ ላይ ለሚንበለበሉ አክናፎችኽ ሰላም እላለኹ

የእግዚአብሔር ልዩ መልእክተኛ ሚካኤል ኾይ ከላይ ከሰማይ ተመልክተኽ በምትመጣበት ጊዜ ኹሉ በሲዖል የሚኖሩ ግዞተኞች ሚካኤል ኾይ መጣኽልን ደረስክልን እያሉ ደስታቸውን ይገልጻሉ።"

#መልክአ ቅዱስ ሚካኤል

" የእግዚአብሔር መልአክ በሚፈሩት ሰዎች ዙሪያ ይሰፍራል፥ ያድናቸውማል።"

#መዝሙረ ዳዊት 34:7፤)

"በዚያም ዘመን ስለ ሕዝብህ ልጆች የሚቆመው ታላቁ አለቃ ሚካኤል ይነሣል፤ ሕዝብም ከሆነ ጀምሮ እስከዚያ ዘመን ድረስ እንደ እርሱ ያለ ያልሆነ የመከራ ዘመን ይሆናል፤ በዚያም ዘመን በመጽሐፉ ተጽፎ የተገኘው ሕዝብህ ሁሉ እያንዳንዱ ይድናል። "

#ትንቢተ ዳንኤል 12:1

" የፋርስ መንግሥት አለቃ ግን ሀያ አንድ ቀን ተቋቋመኝ፤ እነሆም፥ ከዋነኞቹ አለቆች አንዱ ሚካኤል ሊረዳኝ መጣ፤ እኔም ከፋርስ ነገሥታት ጋር በዚያ ተውሁት። "

   #ትንቢተ ዳንኤል 10:13

" ነገር ግን በእውነት ጽሑፍ የተጻፈውን እነግርሃለሁ፤ በዚህም ነገር ከአለቃችሁ ከሚካኤል በቀር ማንም የሚያጸናኝ የለም።
"
#ትንቢተ ዳንኤል 10:21፤)ዐ

"የመላእክት አለቃ ሚካኤል ግን ከዲያብሎስ ጋር በተከራከረ ጊዜ ስለ ሙሴ ሥጋ ሲነጋገር። ጌታ ይገሥጽህ አለው እንጂ የስድብን ፍርድ ሊናገረው አልደፈረም።"

#የይሁዳ መልእክት 1:9

✞ ወስብሐት ለእግዚአብሔር ✞

ፆመ ነነዌ  ከሰኞ - ዕሮብ (ከየካቲት 18 -20 )

የነነዌን ህዝብ ጸሎት የሰማ አምላክ የኢትዮጵያንም ህዝብ ልመና ለቅሶ ችግር ይሰማ ዘንድ ቅዱስ ፍቃዱ ይሁን አሜን፡፡

           ፆመ ነነዌ

ዮናስ ማለት 'ርግብ: የዋህ' ማለት ሲሆን ከ12ቱ ደቂቀ ነቢያት አንዱ ነው::በሰራፕታ ተወልዶ ያደገው ነቢዩ በልጅነቱ ታሞ ሙቶ ነበር:: ታላቁ ነቢይ ኤልያስ ግን 7 ጊዜ ጸሎት አድርጐ ከሞት አስነስቶታል::እናቱ የሰራፕታዋ መበለትም ደግ ሴት ነበረች::
    ቅዱስ ዮናስ በእድሜው ከፍ ሲል የቅዱስ ኤልያስ ደቀ መዝሙር ሆነ:: የነ ኤልሳዕና አብድዩም ባልንጀራ ነበረ:: ነቢየ እግዚአብሔር ኤልያስ ካረገ በሁዋላ: ቅ.ል.ክርስቶስ በ፰፻ ዓመት አካባቢ የነነዌ ሰዎች ኃጢአት ከመሥፈርቱ በማለፉ የእግዚአብሔር ቃል ወደ አማቴ ልጅ ወደ ዮናስ መጣ::

  ሒድና ለነነዌ ሰዎች ንስሃን ስበክላቸው" አለው:: ከነቢያት ወገን ከሙሴና ከዳዊት ቀጥሎ የዮናስን ያህል የዋህ ገራገር የለምና እንቢ አለ ሰምቶ ዝም አለ:: እግዚአብሔር እየደጋገመ ሲናገረው ግን "እንዲህ የሚዘበዝበኝ ከፊቱ ብቀመጥ አይደል!" ብሎ ወደ ተርሴስ ኮበለለ።
     ወገኖቼ አንድ ነገርን ልብ እንበል:: እንኩዋን ነቢየ እግዚአብሔር ቅዱስ ዮናስ እኛ ክፉዎችም ከጌታ ፊት መሸሽ እንደማይቻል ጠንቅቀን እናውቃለን:: ታዲያ ለምን ሸሸ ቢሉ:- ጥበበ እግዚአብሔር በውስጡ ስለ ነበረበት ነው::

   ምክንያቱም ዮናስ በአሣ አንበሪ ሆድ 3 ቀን ሌሊት ኖሮ: ሙስና ጥፋት ሳያገኘው መውጣቱ ለጌታ ትንሳኤ ጥላ ምሳሌ ነው:: ለዚህም ምስክሩ ራሱ ጌታችን ነው:: "ወበከመ ነበረ ዮናስ ውስተ ከርሠ አንበሪ ሠሉሰ ዕለተ ወሠሉሰ ለያልየ: ከማሁ ይነብር ወልደ እጉዋለ እመ ሕያው ውስተ ልበ ምድር ሠሉሰ ዕለተ: ወሠሉሰ ለያልየ" እንዲል:: ማቴ. 12:39

   ቅዱስ ዮናስ በገንዘቡ ዋጅቶ ወደ መርከብ በገባ ጊዜ ታላቅ ማዕበል ሆነ:: የእምነት ሰው ነውና እንዲያ እየተናወጡ እርሱ በእርጋታ ተኝቷል:: እነርሱ ግን ቀስቅሰው ቢጠይቁት እጣ ወድቆበታልና የእኔ ጥፋት ስለ ሆነ ወደ ማዕበሉ ጣሉኝ" አላቸው::
     እያዘኑ ቢጥሉት ታላቅ ጸጥታ ሆነ:: እነዚያ አሕዛብም እግዚአብሔርን በመስዋዕትና በስዕለት አከበሩ:: ዮናስ ግን በማዕበልና በአሣ አንበሪ ሆድ ውስጥ ለ3 ቀናት ጸለየ:: አሣ አንበሪው በ3ኛው ቀን ወደ ነነዌ ተፋው::ቅዱሱም "እስከ ሠሉስ ዕለት ትትገፈታእ ነነዌ ዐባይ ሃገር" እያለ ንስሃን ሰበከ::

የነነዌ ሰዎች ኃጢአታቸውን አምነው ቢጸጸቱ ከሰማይ ወርዶ ከደመና ደርሶ የነበረው የእሳት ማዕበል ተመልሶላቸዋል::
    የነቢዩ ትንቢት ግን አልቀረምና ታላቁዋ ነነዌ ከ፫፻ ዓመታት በኃላ ጠፍታለች:: ቅዱስ ዮናስ ግን በቀሪ ዘመኑ ፈጣሪውን እያገለገለ ኑሯል:: ጠቅላላ እድሜውም 170 ዓመት ነው::

አምላከ ቅዱስ ዮናስ እድሜ ለንስሃ: ዘመን ለፍስሃ አይንሳን:: ከበረከቱም ይክፈለን::
በጾመ ነነዌ ስለ ሃገርና ቅድስት ቤተ ክርስቲያን ሰላምና አንድነት መጸለይ ይገባል::
  ክፉና አመንዝራ ትውልድ ምልክት ይሻል:: ከነቢዩም ከዮናስ ምልክት በቀር ምልክት አይሰጠውም:: ዮናስ በአሣ አንበሪ ሆድ ሦስት ቀንና ሦስት ሌሊት እንደ ነበረ: እንዲሁ የሰው ልጅ(ጌታችንን) በምድር ልብ ሦስት ቀንና ሦስት ሌሊት ይኖራል:: የነነዌ ሰዎች በፍርድ ቀን ከዚህ ትውልድ ጋር ተነስተው ይፈርዱበታል:: በዮናስ ስብከት ንስሃ ገብተዋልና:: እነሆም ከዮናስ የሚበልጥ ከዚህ አለ::
                    ማቴ. 12:39
ለሀገራችን ሰላም ለምድራችንም በረከትን ያድልልን!!
       ወስብሐት ለእግዚአብሔር
        ወለ ወላዲቱ ድንግል
         ወለመስቀሉ ክብር

https://hottg.com/dmse_tewado

​​"4 ተገድለው 1 ጠፍተዋል፤ ገዳሙን እና እኛን ለማዳን እነሱ ተሰው፤ የእኛንም በደል እነሱ ከፈሉ"
የደብረ ከዋክብት ዝቋላ አቡነ ገብረ መንፈስ ቅዱስ ገዳም አባቶች
++++++++++++++++++++++++++++++

የገዳሙን መጋቤ እና ዋና ጸሐፊ ጨምሮ የደብረ ከዋክብት ዝቋላ አቡነ ገብረ መንፈስ ቅዱስ ገዳም 4 መነኮሳት በታጣቂ ኃይሎች መገደላቸውን ማኅበረ ቅዱሳን ቴሌቪዥን የደረሰው መረጃ ያመላክታል።

ከገዳሙ በስልክ ያገኘነው መረጃ እንደሚያሳየው የካቲት 12/2016 ዓ.ም የታጠቁ ሰዎች ወደ ገዳሙ በመግባት ሁለት መነኮሳት መውሰዳቸውን እነሱ ይመለሳሉ ብለው ሲጠብቁ በማግስቱ የካቲት 13/2016 ዓ.ም ታጣቂዎቹ ድጋሚ መጥተው ለውይይት እንፈልጋችኋለን በማለት 3 መነኮሳትን ወደ "ጂዳ ተክለ ሃይማኖት" ወስደዋል ብለዋል።

መነኮሳቱ "ለውይይት" ሲባሉም "ችግር የለውም እናንተ አባቶች እዚህ ቆዩ እኛ አነጋግረናቸው እንመጣለን፤ ተረጋጉ" ብለው ታጣቂዎቹን ተከትለው ከገዳሙ ሂደዋል።

ቀኑን ሙሉ ስልካቸው ክፍት እንደነበረ አመሻሽ ማግኘት ባለመቻላቸው ተጨንቀው የአካባቢውን ምእመናን ሲያጠያይቁ 4ቱ መገደላቸውን እንደነገሯቸው አንደኛው አባት ግን ተለቀዋል ቢባልም እስካሁን ያሉበት እንዳልታወቀ አባቶቹ ለጣቢያችን በእንባ ተናግረዋል።

በታጣቂዎቹ የተገደሉት አባቶች

፩ አባ ተክለ ማርያም አሥራት (የገዳሙ መጋቤ)

፪ አባ ኪዳነ ማርያም ጥላሁን (የገዳሙ ዋና ጸሐፊ)

፫ አባ ገብረ ማርያም አበበ (ቀዳሽ ካህን፣የመጽሐፍ መምህርና የገዳሙ አስተዳደር አባል)

፬ ባህታዊ ኃ/ማርያም ስሜ (የገዳሙ የአስተዳደር አባል)
ሲሆኑ
እስካሁን ያሉበት ያልታወቀው ደግሞ አባ ኪዳነ ማርያም ገ/ሰንበት ናቸው።

ገዳሙ በተደጋጋሚ በታጠቁ ሰዎች ዐይነተ ብዙ ጥቃት እንደሚደርስበት ነገር ግን መፍትሔ እንዳላገኙ በመግለጽ የአሁኑ ጥቃት ግን በቃላት የማይገለጽ ነው ብለዋል።

"ገዳሙን እና እኛን ለማዳን እነሱ ተሰው፤ የእኛንም በደል እነሱ ከፈሉ፤ ጻድቁን አገልግዬ እዚሁ አርፋለሁ ሲሉ ደመ ከልብ ሆነው ዐፈራቸውንም ሳይቀምሱ ቀርተዋል" ሲሉም መረጃ የሰጡን አባቶች በከፍተኛ ሐዘን ገልጸዋል።