-أنا كنت عامل زيك كده بالضبط، بركز في كل التفاصيل
=وبعدين
-خدت كام خبطة كده في قلبي، رديته على البارد، وبقيت بختار بعقلي المناسب ليا مش اللي نفسي فيه
.

▫️2022-3-6

‏بقى أنتي تطيبي خاطري؟
‏وتيجي طريقي وتخاطري
‏وقلمك يمشي على سطري
‏ويكتب ايوا قلبي معاك
‏تخيييل
‏حد مكتوبه يقابل واحده مش توبه
‏تشوف أحزانه وعيوبه وبرضه تقوله أنا قابلاك
يا حسن الحظ يا جماله
يا واحد ربنا ادله عوض رب السما على الأرض🤍

▫️2022-3-27

هاتلي بَدل الوحدة صاحب ، هاتلي بَدل الغربة بيت.

▫️2022-3-30

الخوف من تكرار أخطاء الماضى مُميت، ف متخلهوش يحاصرك ويمنعك من الأوقات اللي فيها سعادتك في الحياة، ومهما كان النسيان صعب عليك فالحياة أصعب لوحدك. ف متطفيش نفسك بنفسك وعيش اللحظات الحلوة .

▫️2022-3-31

في ناس تستاهل فرصه ثانيه
في ناس متستاهلش ترجع لنفس مكانها زي زمان
مبدئيا اي حد يغيب لو رجع ميرجعش زي زمان
الايام تعدي ، الضروف تغير ، الوحدة تقوي
زي ماكنت معايا اليوم كله و بنتكلم بالساعات
لما رحت بقيت لوحدي

متسيبوش مكانكم و ترجعو تدورو علي ،
اينعم مكانو لسى خالي و هيفضل خالي بس مينفعش تملو
ولا حد تاني يملي

هيفضل ذكرى جميله و توعيه هيفضل يفكرنا ازاي استغليتو طيبتنا بابشع صوره و اول ما قررتو تكونو شخصيات قذره قذارتكم بانت معانا
•

▫️2022-4-1

من الحاجات اللي بتمناها اني مفضلش اخد بالي من أدق التفاصيل

التفاصيل الصغيرة اللي محدش بياخد باله منها اساساً ممكن تفضل تخليني بفكر الليل كله، كلمة شخص قالهالي وقت ما كان متعصب ، نبرة صوت شخص تغيرت معايا ، نظرة شخص ليا معجبتنيش ، الردود الباردة اللي متتنسيش، الحاجات الصغيرة دي بس كفيلة إنها تقفلي يومي كله.

قبل كده قرأت مقولة بتقول " ستدرك أن نصف حزنك لم يكن إلا بفعل تحليلك العميق و تأملك الدقيق، بينما الأمر لم يكن يتطلب إلا أن تتخطاه دون تفكير"
الواحد بيتمنى يكون كدة والله بس مش عارف إزاي.

▫️2022-4-14

-ممكن تقولي ايه المشكلة من غير ما تسكت و تقول انا اسف تاني
=ما هي دي المشكلة، انا مبعرفش اعمل زيك او زي الناس الحوالينا عامتاً
انا بيبقى في كلام كتير في مخي بس مبعرفش اقولو ،
انا بقعد احسب الحاجه ١٠٠ مرة و افكر فيها كتير بس برضو الكلام مبيطلعش
ولو طلع مابيبقاش زي اللي كان في دماغي اصلا•

-📹مین قال ۲۰۲۲
.