Альберта Янги демократик партияси раислигига номзодлардан бири — Раҳи Панчоли мусобақадан чиқди ва Наҳид Неншини қўллаб-қувватлашга чақирди. Ўз амбициялари, орзу-умидларини четга суриб, бошқа номзодга овоз беришга чақиргани мени қувонтирди.

Ненши расиликка ўз номзодини қўйганидан сўнг партия аъзолари сони икки баробарга ошибди. Ким раис бўлишини партия аъзолари ҳал қилади.

@zambarakning_oqi

Кичкинам Абдумалик (7 ёш) мактабида коинот ҳақида зўр китоб ўқиётганини айтиб, ўшани олиб беришимизни сўради. Қанақа китоб эканини тушунтириб беролмагани учун ўқитувчисидан сўрадик. Ўқитувчиси китоб муқовасини суратга тушириб, бизга юборди.

Интернетни титкиласам, бу эскироқ нашр экан, сотувда йўқ. Абдумалик эса айнан шуниси керак, янгиси керак эмас деб туриб олди.

Кейин eBay’дан ишлатилганини топдим, қўшни провинцияда бир одам сотаётган экан. Шанба куни буюртма бергандим, бугун келди.

Энди мазза қилиб ўқияпти. Китоб чинданам зўр экан. Юрий Гагарин ва Спутник ҳақида батафсил маълумот берилибди.

@zambarakning_oqi

Тиббиёт — Ўзбекистондаги оғриқли мавзулардан. Хорижда-чи, у ерда аҳвол қандай? Тиббиёт бепулми ё пулли? Шифокорлар малакаси қандай? Томоғи оғриган одамга музқаймоқ ейиш тавсия этилиши ростми? Дори-дармон билан боғлиқ вазият қанақа? «Газета.uz» шу каби саволлар билан хориждаги ватандошларга юзланди.

https://www.gazeta.uz/uz/2024/03/29/medicine/

Telegram | Instagram | YouTube

Юқоридаги мақолада менга ўхшаган битта бола миннималар дебди.

@zambarakning_oqi

Канаданинг Марказий Осиё давлатлари бўйича элчиси Алан Ҳэмсон Тошкент кўчаларидаги жамоат транспортида

Ҳэмсон қароргоҳи Остона шаҳрида жойлашган Канада элчихонасида фаолият олиб боради ва бир вақтнинг ўзида Ўзбекистон, Қозоғистон, Қирғизистон, Тожикистон ва Туркманистон давлатларидаги элчиси ҳисобланади.

Виза керак бўлса юқоридаги одамга ёзаверасизлар, мен айтиб қўйдим.

@zambarakning_oqi

Эрталаб туриши билан Абдумалик олма еяпти. Диалог:

— Ҳа, ёрма (хлопья) емайсанми?
— Йўқ, мен соғлом овқатланяпман, Отабекдан кучли бўлишим керак.
— Нимага?
— Чунки у пультни олиб қўйганда, мен ундан қайтариб оволишим учун.

Мақсадларни тўғри қўйиш муваффақиятга етаклайди (оқ-қора, секинлаштирилган видео, фонда мумтоз мусиқа).

@zambarakning_oqi

Йўлда эса машина деярли тўлиқ ўзини-ўзи бошқариб келди.

Тесланинг янгиланган Full Self-Driving имкониятини ишлатдим. Автомобиль белгиланган тезликни ушлаяпти, олдиндаги машина секин юрганда обгонга чиқяпти, светофорда тўхтаяпти, пиёдаларга йўл беряпти. Ишқилиб, қарийб тўлиқ ўзи юряпти.

Шу кунларда алоҳида видео қиламан.

@zambarakning_oqi

Куни кеча Тесланинг тўлиқ ўзини-ўзи бошқариш дастурининг янги версияси чиқди ва шу муносабат билан Канада ва АҚШдаги Тесла автомобиллари учун бир ойлик демо тақдим этилди.

Бугун қарийб бир соат Автопилот билан юриб, жараённи видеога туширдим. Мана бу ерда батафсил видеони томоша қилишингиз мумкин — https://www.youtube.com/watch?v=a6NJVRC5-rg

Автопилотдан фойдаланиш давомида мен ҳеч нарса қилмадим. Навигаторга манзилни киритдим ва автомобиль мени ўзи элтиб қўйди. Ҳаракатланиш, йўл белгилари ва чизиқларига риоя этиш, бошқа автомобиль ва пиёдаларга йўл бериш ва ҳ.к.ни автомобилнинг ўзи бажарди. Мен фақат рульни ушлаб кетдим, талаби шунақа.

Қарийб бир соат давомида Тесла бир марта узлуксиз чизиқни босиб кетди, бир марта светофорнинг сариқ чироғига ўтиб кетди. Бир марта эса полосани вақтида алмаштирмай, бошқа кўчага кетиб қолди.

Бир неча марта машинани тезлаштириш учун ўзим акселератор педалини босишимга тўғри келди, аммо бирор марта тормозни босмадим.

Видеони тўлиқлигича томоша қилинг (https://www.youtube.com/watch?v=a6NJVRC5-rg) ва фикрларингиз билан улашинг.

@zambarakning_oqi

Канадага туристик виза билан бориб, кейин ишчи визага ўтказиш мумкинми? Сўнгги кунларда мана шундай саволлар кўпайиб қолди. Мен 100% аниғини билмайман, аммо билганимни айтиб бераман.

Назарий жиҳатдан ҳа, мумкин. Аммо амалиётдан бундай ишни — виза турини биридан иккинчисига ўтказиш жуда қийин.

Дейлик, сиз туристик виза билан келиб, кейин бу ерда иш топдингиз. Лекин барибир турвиза билан ишлаш мумкин эмас. Аммо иш берувчи хоҳласа, визангизни ишчи визага алмаштириб бериши мумкин.

Бунинг учун у аввал маҳаллий аҳоли орасида ходим қидириши керак. Бир неча ой ичида топа олмаса, кейин ҳукуматга ариза топширади, “маҳаллий аҳоли ичидан тополмадим, чет элдан ишчи ёллашга рухсат беринг” қабилида. Ариза узоқ муддат (бир неча ой) ичида кўриб чиқилади. Рухсат берилганидан сўнг, визангизни алмаштиришга ҳужжат топширади. Унинг жавоби чиққанидан сўнггина сиз ишга киришишингиз мумкин бўлади.

Кўриб турганингиздек, бу жуда узоқ ва мураккаб жараён. Иш берувчиларга бундай жараённи бошидан ўтказишга нима наф? Нима учун шунча қийналиб, сизга ишчи виза олиб бериши керак?

Шу сабабли ҳам иш берувчилар бу жараёндан ўтишдан аввал ва кейин ходимини итдек ишлатади ва кам пул беради. Чунки ходим бу компанияга боғлиқ, нимаям қила оларди?

Мана шунақа гаплар.

@zambarakning_oqi

Калгаридан қуёш тутилишининг кўриниши.

@zambarakning_oqi

Уйдаги энергия мониторинги тизимига янги функция қўшдим.

Энди, ишлаб чиқарилган қуёш энергияси, ишлатилган энергия, тармоққа сотилган ва ундан сотиб олинган қувватга қўшимча равишда, тармоқдан сотиб олинган энергиянинг қанчаси “тоза” эканини ҳам кўришим мумкин бўлди.

Electricity Maps сайти худудларда электр энергияси қандай ишлаб чиқарилиши (газ, кўмир, қуёш, гидро, шамол ва ҳ.к.)ни мониторинг қилиб, натижаларини сайтида ва API орқали намойиш қиларкан. Мен API ёрдамида бу маълумотларни уйдаги серверимга юклаб оляпман. Натижада, тармоқдан сотиб олаётган энергия қанчалик “тоза” (экологияга зарар келтирмайдиган) эканини кўра оляпман.

Суратга назар ташланг:

Бугун (кундузги соат 12) 10,5 кВт*соат энергия ишлатибмиз, 5,1 кВт*соатини тармоққа сотибмиз, 6,9 кВт*соат эса сотиб олибмиз. Шу сотиб олинган энергиянинг 1,6 кВт*соати қайта ишланадиган манбалардан ишлаб чиқарилган экан.

Умуман олганда, бугун сарфлаган энергиямизнинг қарийб ярми “тоза” манбалардан олинибди. Кеча кун роса қуёшли бўлганди, шу сабабли ишлатган энергиямизнинг қарийб 90 фоизи “тоза” бўлди. Электромобилни эса тўлиқ қуёш энергияси ёрдамида қувватладим, “топ-тоза”.

@zambarakning_oqi