هوسات ولادة امير المؤمنين علي عليه السّلام

شكثر رادو ينمسح شگ الجدار
غاثهم هذا الأثر ليل ونهار
لأن بالكعبة علي ميلاده صار
الله شرّف كعبته وصارت مزار

وتباها بحيدر بيت الله
٠٠٠٠٠٠٠٠٠
الله ميّز حيدر باعظم صفات
وخلّه بيده الكون وسباب الحياة
وبتدت من مولده هالمعجزات
الكعبه فتحتله الجدار وبيها بات

وبّطن الكعبه يشع نوره
٠٠٠٠٠٠٠٠٠٠
خل تموت الليله أصحاب الحسد
حيدر بأمر الله بالكعبه انولد
نزل جبرائيل سواله مهد
وحيدر الكرار الباري سجد

وستبشر طه بميلاده
٠٠٠٠٠٠٠٠٠٠٠
عفيه ابوطالب الخلّف هيجي حيد
بالمهد حيدر علي ويلوي الحديد
ايد شايل سيف بيها ودرع ايد
حتى يحمي المصطفى الهادي العميد

والهادي بحيدر شد حيله

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

ولادة سيد شباب الجنة الامام الحسين عليه السلام

اجمل ولادة الليلة اجمل ولادة
فرحة وسعادة الليله فرحه وسعادة
مولد حبيبي حسين
ضوه الگلب والعين
فرحة وسعادة الليله فرحه وسعادة
٠٠٠٠٠٠٠٠٠٠٠٠٠٠
هالليله ليلة مولده الساكن بگلوب
حسين الحبيب بكل زمن مامثله محبوب
من بسمة عيونه الفرح ينثر بلدروب
اسمه الشريف بهالفرح يمسح بلذنوب
عشنه بزمانه الليله عشنه بزمانه
يضوي بحنانه الليله يضوي بحنانه
بين التهاني وبين
مولد حبيبي حسين
فرحه وسعادة الليله فرحه وسعادة
٠٠٠٠٠٠٠٠٠٠٠٠٠٠٠
بحضن الزجية فاطمه شع وجهه محلاه
والزهره مسروره شكثر بالفرحه ويّاه
كلمن دخل يم فاطمه ناداها الله
شنهالملاك الحيدري بارينه يرعاه
يزهي بجماله الليله يزهي بجماله
كلمن خصاله الليله كملن خصاله
تسألني رايح وين
مولد حبيبي حسين
فرحه وسعادة الليله فرحه وسعادة
٠٠٠٠٠٠٠٠٠٠٠٠٠٠٠
ما تنوصف فرحة علي هالليله يا ناس
وستبشر الهادي النبي فرحه ومتنقاس
من مولد حسين انتشر عالوادم احساس
خير وسعاده ومغفره وعتابه تنباس
راحة ومسرّة الليله راحة ومسرّة
نگضيها سهره الليله نگضيها سهره
نور وسند للدين
مولد حبيبي حسين
فرحه وسعادة الليله فرحه وسعادة
٠٠٠٠٠٠٠٠٠٠٠٠
ماكو بجماله ولاشفت بوصافه موجود
حسين انولد مو اي بشر هالليله مولود
طشوا التهاني بمولده وطشوها الاورود
المايشعل شموع الفرح عند الله مردود
يجمعنه حبه الليله يجمعنه حبه
يسمعنه گلبه الليله يسمعنه گلبه
هالليله ملتمّين
مولد حبيبي حسين
فرحه وسعادة الليله فرحه وسعادة
٠٠٠٠٠٠٠٠٠٠٠٠
لاشك معانه بهالحفل مهدي الزجيه
ينسه الجروح ومبتهج هاي المسيه
يتعنّه بورود الفرح للغاضريه
يهنّي الحسين بكربله يأدّي التحيه
للمهدي فرحه الليله للمهدي فرحه
يتناسه جرحه الليله يتناسه جرحه
يم صاحب الچفين
مولد حبيبي حسين
فرحه وسعادة الليله فرحه وسعادة

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

ولادة قمر بني هاشم ابا الفضل العباس عليه السلام

يابالفضل حبيتك
وسط الگلب خليتك
يا غيره وحساس
اهلا يعباس
وسط الگلب خليتك
٠٠٠٠٠٠٠٠٠٠٠٠٠٠٠٠٠٠٠٠٠٠
ميلادك اجمل بُشره بسنيني
بس انت تملي بهيبتك عيني
شمحله العلاقه البينك وبيني
حبك نجاتي ومنهجي وديني
يمجنّن الناس
اهلا يعباس
وسط الگلب خليتك
٠٠٠٠٠٠٠٠٠٠٠٠٠٠٠٠٠٠٠٠٠٠
سبحانه مَنْ سوّاك سبحانه
هيبه وجمال مضوي دنيانه
روحي لوصالك حيل عطشانه
كلمن يحبك يعله إيمانه
فرحه ومتنقاس
اهلا يعباس
وسط الگلب خليتك
٠٠٠٠٠٠٠٠٠٠٠٠٠٠٠٠٠٠٠٠٠٠
ام البنين الليله مسروره
وانت بحضنها باروع الصوره
نور بوجهها وفرحه منشوره
مشكوره يم عباس مشكوره
يالترفع الراس
اهلا يعباس
وسط الگلب خليتك
٠٠٠٠٠٠٠٠٠٠٠٠٠٠٠٠٠٠٠٠٠٠
شالك علي الكرار بچفوفه
ملهوفه روحه عليك ملهوفه
بچفك يبوس ودمعه مذروفه
تعوض مكانه بكربله انشوفه
بالرايه والطاس
اهلا يعباس
وسط الگلب خليتك
٠٠٠٠٠٠٠٠٠٠٠٠٠٠٠٠٠٠٠٠
ناداك ابو السجاد هاك ايدي
اهلا وسهلا صاح بعضيدي
حزام الظهر يالشوفتك عيدي
يافرحه زيدي بهالگمر زيدي
ياطيب الساس
اهلا يعباس
وسط الگلب خليتك
٠٠٠٠٠٠٠٠٠٠٠٠٠٠٠٠٠٠٠
زينب اجت يم مهدك الليله
فرحانه حيل بكافل العيله
كافلها بيدك عگدت الشيله
ياثاني حيدر هيبته وحيله
صاحت ينوماس
اهلا يعباس
وسط الگلب خليتك

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

هوسات ولادة حبيب القلوب الامام الحسين عليه السلام

الليله الدنيا والاكوان كلها بنورك تلالي
ياهو المثلك بهالكون واحد بالبشر غالي
امك فاطمه الزهره وأبوك المرتضى العالي

يحسين بحبك جنّينه
٠٠٠٠٠٠٠٠٠٠٠٠٠٠٠٠
الليله الزهره فرحت بيك. جينه انبارك الزهره
يحسين بحضنهه تنور تشبه جدك وعطره
بوجهك تنظر تناغيك. بيك الزهره مبتشره

وتهزّ ابمهدك فرحانه
٠٠٠٠٠٠٠٠٠٠٠٠٠٠٠٠٠٠
حيدر من اجه وشافك شالك ضمك لصدره
باسك بالجبين وصاح. هلا يا خامس العتره
وانت بوجهه تتبسّم يحسين وشلت سره

ياوارث علمه وانواره
٠٠٠٠٠٠٠٠٠٠٠٠٠٠٠٠٠٠٠
جينه لمولدك مولاي. شيعه ونفرح بنورك
ننصب محفل الميلاد. يم الحضره ونزورك
يحسين الحلات البيك. تجذب ناسك لسورك

وبّابك هوسه انسويها

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

ولادة الإمام زين العابدين علي بن الحسين عليه السلام

معصوم و ألله ختاره ضوّه الدنيا بانواره
هالليله بأجمل ميلاد. نستقبل نور السجاد
ضوّه الدنيا بانواره
٠٠٠٠٠٠٠٠٠٠٠٠٠٠٠٠٠٠٠٠٠
جينه نهنّي حسين الليله حسين الثاني الصار
ميلاد السجاد وتسطع من وجهه الانوار
بسِمه المحفل هاي الليله والفرحه بكل دار
رابع معصوم الله ختاره مستودع اسرار

من وجهه تشع الفرحه. ضوّه الأكوان بصبحه
خامس ينعد بالاعياد. نستقبل نور السجاد
ضوّه الدنيا بانواره
٠٠٠٠٠٠٠٠٠٠٠٠٠٠٠٠٠٠٠٠٠٠
للسجاد الليله الفرحه الخامس من شعبان
مبتهجه الأرواح وفرحت ونسينه الاحزان
ساجد للباري ابميلاده وينطق بالقـرآن
ابن حسين ومحله اوصافه صار جمل انسان

من مهده يبثّ الرحمه يرهب كل ظالم اسمه
بشموع وباقة اوراد. نستقبل نور السجاد
ضوّه الدنيا بانواره
٠٠٠٠٠٠٠٠٠٠٠٠٠٠٠٠٠٠٠٠
اوصاف حسين باوصافه ويسطع نفس النور
من كد ما محبوب الخالق. دز أملاكه تزور
نزلت أملاك الله تزوره داير مهده ادّور
السجاد المعصوم الرابع اسمه يظل مذكور

لحسين نهنّي ونفرح. والشارك ويّاه يربح
بإشعار الحب والانشاد. نستقبل نور السجاد
ضوّه الدنيا بانواره
٠٠٠٠٠٠٠٠٠٠٠٠٠٠٠٠٠٠٠٠
مولود السجاد الليله ونگضيهه بافراح
هَم العيشه وتعب الدنيا عن كل شيعي انزاح
وجه السجاد عله العالم اشرق كالمصباح
بكل دار وكل وادي وقريه عطر المولد فاح

من جده الهادي المنبع من خده الكوكب يسطع
التمينه اولاد وأحفاد. نستقبل نور السجاد
ضوّه الدنيا بانواره
٠٠٠٠٠٠٠٠٠٠٠٠٠٠٠٠٠٠٠٠
لاشك مهدينه بهالمولد ما غايب موجود
ندعيله الباري ونترجّه من هالغيبه يعود
هذا المهدي وننطر يومه ما ننسه الموعود
من يظهر يحكمنه بحبّه أمر الله المعبود

يا رب عَجّل خل يظهر. مهدينه ونفرح أكثر
دعوات المحفل تنعاد. نستقبل نور السجاد
ضوّه الدنيا بانواره

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

راعي الغيره والنخوة

هلا بعباس راعي الغيره والنخوه
هلا براعي الكفاله الكافل اللبوه
بحضن ام البنين ومايلزمه گماط
يأشر عالفقار وللدرع يهوه
انولد شايل شجاعة حيدر الكرار
وتمشي بدم وريدة كلمة الخوه
هذا البلشدايد دوم رفعة راس
هذا الاغله من كل الزلم يسوه
گبل لا ينولد سمّاه علي عباس
لأن نفس الوصي وكت الحرب هوه
يصد لحسين مره ومره للحوراء
يحيّيهم كفيل ابضحكته الحلوه
وزينب شالته وصاحتله ياعباس
فدوه لهالوجه ياهيبتي فدوه
نورت العمر يحزام ظهر حسين
باجر بالطفوف بشيمتك نروه

سيد زيد الفحام

ولادة الإمام المهدي عجل الله فرجه الشريف

هالليله افراح وسهر
مولد حبيبي المنتظر
اهلا وسهلا بالولادة المهدويه
٠٠٠٠٠٠٠٠٠٠٠٠٠٠٠٠٠
ليلة فرح. بيها انشرح. گلبي وفتح لبِن الحسن بيبانه
للمنتظر. اجمل بشر. الليله انولد وتنوّرت دنيانه
متوالمه. ارض وسمه. مبتهجه كلها بمولده وفرحانه
بدره كتمل. عالدنيا هَل. مهدينه نور بكل زمن ويّانه
هيبة مُحمّد هيبته
اسمه عله اسمه وكُنيته
نسل الامام المرتضى وأمه الزجيه
اهلا وسهلا بالولادة المهدويه
٠٠٠٠٠٠٠٠٠٠٠٠٠٠٠
نفرح سوه. بهذا الضوه. وجه الامام المهدي يضوي علينه
راحة وهَنَه يوم بسَنَه. ياريته كون ويبقه يفِرِح بينه
نشعل شمع. ننسه الدمع. ليلة فرح فرّحنه يا مهدينه
انت الأمل. وعظم عمل حبك يمهدي وما نِضِل تهدينه
اوصافك اوصاف النبي
غصباً على كل ناصبي
نشعلّك شموع الفرح هاي المسيه
اهلا وسهلا بالولادة المهدويه
٠٠٠٠٠٠٠٠٠٠٠٠٠٠٠
سهره وعشگ. ما نفترگ. ليلة نصف شعبان أعظم ليله
محفل اله. من كربله. ورود الولادة والفرح نهديله
مهدي العمر. بي ننتصر. لساعة ظهوره بكل وكت ندعيله
يحله السهر. مثل الگمر. وجه الإمام المهدي يضوي بحيله
اشهد علينه يا زمن
هذا الحفل لِبِن الحسن
هالليله نسهر للصبح نفرح سويه
اهلا وسهلا بالولادة المهدويه
٠٠٠٠٠٠٠٠٠٠٠٠٠٠٠٠٠٠٠
طشوا الورد. لا ينحسد. اقروا المعوذتين حلوه اوصافه
هيبه وسمو. كلش حلو. هنيال الف هنيال كلمن شافه
حين انولد طاهر سجد للباري قرآن الحمد بشفافه
آخر ولي. وارث علي. يرعانه دوم المنتظر بلطافه
ندعيله والكل ابتهج
عَجّل يرب يوم الفرج
اجمل حفل للمنتظر بالغاضريه
اهلا وسهلا بالولادة المهدويه
٠٠٠٠٠٠٠٠٠٠٠٠٠٠٠٠٠
ما ينوصف هذا اللطف يم الحسين المحفل مسوينه
وسط الصحن. جنة عدن. شيعة علي وبكربله ألتمينه
بدار الوفه. والمعرفة. نبارك نبينه وعترته ابمهدينه
ضيّه انتشر. شيعه وفخر. بالمهدي مو حب عابر انجنّينه
يم الحسين بكربله
بهذا الحفل تستقبله
أوصافه اوصاف النبي وحامي الحميه
اهلا وسهلا بالولادة المهدويه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

قصيدة في ولادة علي الأكبر عليه السلام


علي الأكبر. بدر نوّر
ياهلا بميلاده. ياهلا بميلاده
🌿🌿🌿🌿🌿

نجمعنه بمولد الأكبـر وجينه
شـمـع وورود لـلأكبـر بدينــه
نهنّي المصطفه وحيدر ولينه
بدر وجهه ويشع نور بجبينـه
بوهج خدّه. يشع مهده
ياهلا بميلاده. ياهلا بميلاده
🌿🌿🌿🌿🌿


شبيه المصطفه بحِسِنه وجماله
عـلي الأكـبـر رسـول الله بكماله
كلامه وشكله وخلاقه وخصاله
اجينـه بـمـولــده نحيي احتفاله
ابـواليمّـه فرح بسمه
ياهلا بميلاده. ياهلا بميلاده
🌿🌿🌿🌿🌿

نهنّي حسيـن ابـوالاكبـر بالاكبر
سطع وجهه وعله الأكوان ازهر
اجينــه الليـله بالافــراح نسـهـر
علي الأكبر نحبّه وبيـــه نـفـخـر
تهانينه. يوالينه
ياهلا بميلاده. ياهلا بميلاده
🌿🌿🌿🌿🌿

لـواء الأكبـر ابـطال الميـاديـن
رجال وبالشدايد نصروا الدين
نهنّيـهــم نـريــد بأبن الحسيـن
علي الأكبـر يعلّمـهـم مضاميـن
نحيّيهم. نهنّيهم
ياهلا بميلاده. ياهلا بميلاده
🌿🌿🌿🌿🌿

علي الأكبـر لوائه بزوده معـروف
رجـال وماتهـاب المـوت والخوف
على خط السواتـر وگفـوا وگـوف
انتصارات الهم بكل معركة نشوف
بسراياهم علي وياهم
ياهلا بميلاده. ياهلا بميلاده

سيد زيد الفحام
_________

مبارك عليكم ولادة الإمام المهدي عجل الله فرجه الشريف

هلا بميلاده
أمير الساده
وامير الناس كلها
٠٠٠٠٠٠٠٠٠٠٠٠٠٠٠٠٠٠
هذا الإمام المهدي يا ناس
وكت الشدايد يرفع الراس
وارث شجاعة عمه عباس
هذا بمُحمّد جده ينقاس

٠٠ محتاره الدنيا باوصافه ٠٠
جبير القاده
أمير الساده
وامير الناس كلها
٠٠٠٠٠٠٠٠٠٠٠٠٠٠٠٠٠٠٠
ليلة ولادة وليلة افراح
الليله الحزن عن كربله انزاح
بالمهدي فرحت والألم راح
كل شيعي بسم المنتظر صاح

٠٠ حبيت المهدي وماعوفه ٠٠
شرف أمجاده
أمير الساده
وامير الناس كلها
٠٠٠٠٠٠٠٠٠٠٠٠٠٠٠٠٠٠٠٠
وين الروافض واليحبون
هالليله ليتكم تسهرون
سووها فرحه من العمر كون
تغيظ النواصب واليكرهون

٠٠ والمايفرح ليمر بينه ٠٠
وريث اجداده
أمير الساده
وامير الناس كلها
٠٠٠٠٠٠٠٠٠٠٠٠٠٠٠٠٠٠٠
فرحتنه تحله يمّ لحسين
بالحضره تلتم الموالين
عالمهدي لا تسأل بعد وين
حاضر معانه ناصر الدين

٠٠ يم جده ويحرس زواره ٠٠
گرب ميعاده
أمير الساده
وامير الناس كلها
٠٠٠٠٠٠٠٠٠٠٠٠٠٠٠٠٠٠٠
يم الحُسين ونشعل شموع
اي للفرح والحزن ممنوع
بالمهدي اسم الشيعي مرفوع
وصوت التهاني الليله مسموع

٠٠ نفرح بالمهدي واعياده ٠٠
المقدّس راده
أمير الساده
وامير الناس كلها

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

ولادة الإمام المهدي عجل الله فرجه الشريف

ليلة الافراح هاي الليله
للأمام المنتظر ندعيله
٠٠٠٠٠٠٠٠٠
الليله كل شيعة علي فرحانه
بكربله من كل بلد تلگانه
بمولد المهدي انجمعنه هنانه .
وردة وي جاري النهر نهديله
٠٠٠٠٠٠٠٠٠
بكربله ألتمينه محله اللمّه
بصحن ابواليمه ونصيح بأسمه
هلا يا مهدينه يابو الرحمه
هَمّه عن گلبه الحزين انزيله
٠٠٠٠٠٠٠٠٠٠
حفل بين الحرمين انقيمه
بين ابوالأكبر وراعي الشيمه
للأمام المهدي يارب ديمه
يا إلهي بقوّتك شد حيله
٠٠٠٠٠٠٠٠٠٠
حلوه هاي الليله يا محلاها
وجه ابو صالح يشع ضوّاها
بالامام المهدي حگ نتباها
بيرغ العباس بسمه انشيله
٠٠٠٠٠٠٠٠٠٠
لصحن ابوالغيره بوفاضل جينه
نفرح الليله بوجه مهدينه
وبوفاضل حاضر يحيّينه
بحضرة العباس تحله الهيله
٠٠٠٠٠٠٠٠٠٠٠٠
الليله نسهر للصبح منعوفه
وبضريح حسين وجهه انشوفه
للفرج ارواحنه الملهوفه
ندعي للمهدي يرب تعجيله
٠٠٠٠٠٠٠٠٠٠٠٠٠٠
ياحلاته وياجمال عيونه
قل اعوذُ نقره ليحسدونه
المهدي نفس المصطفه يوصفونه
واليضد المنتظر ياويله

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

https://youtu.be/Q6x02J2g6b4?si=TAryEX7yYBRVzDAo

بالولادة المهدويه

الرادود فالح الكناني
الشاعر سيد زيد الفحام

صلوات / ولادة الإمام الحسن المجتبى عليه وسلم

فرحه وبدت من فاطمه
وستبشرت ارض وسمه
مستبشر الهادي النبي
هالليله وي حامي الحمه
هالليله ميلاد الحسن
راعي الكرم والغانمه

الليله الحسن ضيه انتشر
جبـــــــريـل ناده بهالخبر
صلوا عله طه المصطفى
وجه الحسن شع وظهر
فرحانه كل شيعة علي
تدعي لظهور المنتظر

محفلنه هالليله اكتمل
بسم الحسن خير العمل
ننثر ورد نشعل شمع
هلال الحسن عالدنيا هَل
ليلة فرح ليلة سهر
حلوة ومثل طعم العسل

صلوا عله طه وحيدره
وأمه الزجيه الطاهره
اهلا يمولانه الحسن
والينه دنيا وآخره
نبعث تهاني لفاطمه
بمولد ابنها ومنظره

سيد زيد الفحام

ولادة الإمام الحسن المجتبى عليه السلام

هلا بانواره
عظيمه سراره
الحسن روح الزجيه
٠٠٠٠٠٠٠٠٠
اول ولد للزهره مولود
اسمه الحسن بوصافه مشهود
راعي الكرم والغيره والجود
بهاي البشر ما مثله موجود

٠٠ تنظرله الزهره وفرحانه ٠٠
إلهي ختاره
عظيمه سراره
الحسن روح الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠
ليلة نصف رمضان بالنور
وجه الحسن اشرق على الدور
حامي الحمية الليله مسرور
ابنه الحسن بوصافه مذكور

٠٠ يتباها بكرار الثاني ٠٠
يشعّ بداره
عظيمه سراره
الحسن روح الزجيه
٠٠٠٠٠٠٠٠٠٠٠٠٠٠٠٠٠٠٠٠
بحضن الزجية يزهي محلاه
شافه الرسول وصاح الله
رب العرش يا ناس سمّاه
نور وكرامه ومعرفه انطاه

٠٠ يتجنّن بي كلمن شافه ٠٠
مُحمّد زاره
عظيمه سراره
الحسن روح الزجيه
٠٠٠٠٠٠٠٠٠٠٠٠٠٠٠٠٠٠٠٠٠
بسم الحسن محفلنه يا ناس
هذا الإمام اليرفع الراس
بحيدر علي وبالهادي ينقاس
شايل صلابه ورقّه وحساس

٠٠ والينه ونفخر خدامه ٠٠
حجاهن جاره
عظيمه سراره
الحسن روح الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠
بهذا الحفل رفعو الصلوات
نور الحسن ضوّه السموات
هيهات ننسه فضله هيهات
ويانه عايش والله ما مات

٠٠ يعرفنه ونعرف عنوانه ٠٠
قرينه خباره
عظيمه سراره
الحسن روح الزجيه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

ولادة الامام الحسن المجتبى عليه السلام

ميلاد الحسن والدنيه فرحانه
وهنياله الفرح هالليله ويّانه

من حيدر علي ومن فاطمه نوره
اشرق وجهه والاكوان مسروره
واملاك السمه تتنزّل تزوره

ابن المصطفى والجود عنوانه
وهنياله الفرح هالليله ويّانه
______

من مهده الحسن تتوهّج انواره
وارث من مُحمَّد علمه وسراره
فرحان الرسول ويشرح اخباره

ويفرش للحسن جبريل جنحانه
وهنياله الفرح هالليله ويّانه
______

فرحانه الزجية وحيدر وياها
بالمولود ابنهم دنيا ضوّاها
من وجهه المدينه تزهي خلّاها

هذا الحسن هذا المرتفع شانه
وهنياله الفرح هالليله ويّانه
________

بشهر الصوم ضوّه الدنيا ميلاده
من طه وعلي متورّث امجاده
ننصب محفل بهالليله عالعاده

كل شيعي انشرح هالليله وجدانه
وهنياله الفرح هالليله ويّانه
________

بميلاد الحسن خل نفرح الليله
ورود الفرحه بالميلاد نهديله
يعجّل بالفرج للمهدي ندعيله

لاشك حاضر الموعود يرعانه
وهنياله الفرح هالليله ويّانه

سيد زيد الفحام
______________________________

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------