يم الحسن وحسين يا بويه لا تبچين
يا فاطمه يا فاطمه
_._._._._._._._._._._
لا ترخصين الدمع لا يالزچيه
انتي اول عترتي تلحگين بيه
انتي من بعد النبي اول ضحيه
ونلتقي انه وياچ بالمحشر سويه
كفي دموع العين يا بويه لا تبچين
يا فاطمه يا فاطمه
_._._._._._._._._._._
عله حوض الكوثر انجدد لقانه
نسقي شيعتنه ومحبينه معانه
نطرد العادونه والسفكو دمانه
واليبغضچ باسفل اجهنم مكانه
لا حبابچ تشفعين يا بويه لا تبچين
يا فاطمه يا فاطمه
_._._._._._._._._._._
ان چان مو عالحوض نتلاگه اخبرچ
بويه عالميزان تلگيني وابشرچ
عالسراط ان چان ما شفتيني انطرچ
هذا يوگع هذا يعبر كله بامرچ
عالمعبر تحكمين يا بويه لا تبچين
يا فاطمه يا فاطمه
_._._._._._._._._._._
تگله بويه خايفه وابچي تراني
على نفسي وعلى ولدي من زماني
نضيع من بعدك يخيمتنه ونعاني
بچه الهادي وگلهه اسمعچ هالمعاني
تسمعيهه وتفرحين يا بويه لا تبچين
يا فاطمه يا فاطمه
_._._._._._._._._._._
بويه اهل آلآخره احنه بدنيا شلنه
واطّلَع عالارض بارينه وجعلنه
على كل هاي الخلگ عالي فضلنه
اهل بيت بكل زمن ماكو مثلنه
عالبشر متفضلين يا بويه لا تبچين
يا فاطمه يا فاطمه
_._._._._._._._._._._

انه خير الانبياء ورمز للدين
وعلي خير الاوصياء من الله تعيين
وانتي سيدة النساء بمر السنين
ولشباب الجنه ساده الحسن وحسين
فرحي يزهره الحين يا بويه لا تبچين
يا فاطمه يا فاطمه
_._._._._._._._._._._
كون عندچ يم حسن بالعين عبره
بويه ضميهه على الينگطع نحره
والدچ مو مثل امر حسين امره
والدچ ما تسحگ الخيل اعله صدره
بمصابي لتنوحين يا بويه لا تبچين
يا فاطمه يا فاطمه
_._._._._._._._._._._
ياسر حسن

جديد #١٤٤٥ شهادة الرسول الاعظم صلى الله عليه وآله :


من اصحاب الغدر .. خايف عليهه
مـن بــاب وكســر .. خايف عليهه
ماشي ويمهه بالي .. اتعبهه الليالي
–—–—–—–—–—–—–—–—
بضعُف حالي وتشاهدني وتبچيلي واناشدهه
المن هالعيون اتهل يماي عيون والدهه
تگلي ابچي على حالك وانه كل همّي اهّودهَه
فرحت لَمَن گلت الهه گِرب بغيابي موعدهه

اول راحــلـــــــه .. اول شهيده
من اقدس عائله .. اول شهيده
بس يبدي ارتحالي .. اتعبهه الليالي
–—–—–—–—–—–—–—–—
ماشي واكثر من الموت بگلبي اتوجّع اعليهه
تفاحة الجنه شلون بنص اذياب اخليهه
بضِعتي وثَمرة الدلال وبنتي وامي اسميهه
بيهه آنه شكثر وصّيت وكسر ضلوع تاليهه

تاليهه علي .. الهضمه تكسره
بداره ينولي .. الهضمه تكسره
والتفگد دلالي .. اتعبهه الليالي
–—–—–—–—–—–—–—–—
الياذي الزهره ياذيني وكلش واضح بگصدي
عليهه اليعتدي محسوب عالمعبود متعدي
محور آل طه وراح منهه تصير كل ولدي
هيّ ام اهدعش معصوم من الحسن للمهدي

يا ربي انتقم .. من السقيفه
عـ السَن الظلم .. من السقيفه
حَيف ام الغوالي .. اتعبهه الليالي
–—–—–—–—–—–—–—–—
اواسيهه واصبرهه واهنّيهه لأن باچر
ندم يشبع العاداهه وبالمحشر يجي خاسر
وتغض ابصارهه العالم وتمر واحبابهه تناطر
الشفاعتهه واهي تشفع المحبهه وما يظل حاير

الينصب مأتمي .. ينول الشفاعه
الطبعه فاطمي .. ينول الشفاعه
وهم ناس التوالي .. اتعبهه الليالي
–—–—–—–—–—–—–—–—
علي وصّيته يتصبّر لأن قِلّه اعرف انصاره
بسِكوته حقنه لا ميضيع اذا هجمو على داره
ووصيت ام حسن وحسين ابد متلوذ باكتاره
تنادي فضه سنديني وكسرهه تخفي آثاره

لو خدهه انصفع .. هم لا تحشمه
ولو محسن وگع .. هم لا تحشمه
الما يحميهه والي .. اتعبهه الليالي
–—–—–—–—–—–—–—–—
بحجر حيدر رسول الله وفاضت بالألم روحه
وحيدر جَهِزه الگبره والكون اعتله نوحه
مو مثل الغريب حسين بقت جثته مطروحه
وتتراكض عليهه الخيل وكضت بالجيه والروحه

وزينب تنظره .. ويصب دمعهه
تنادي الطاهره .. ويصب دمعهه
يا يمه تعالي .. اتعبهه الليالي
–—–—–—–—–—–—–—–—


ياسر حسن
صفر ¹⁴⁴⁵

دَوم اعله باب الزهراء مشبوحه عيني
بيهه التِمسّك ما خاب ثابـت يقـيـنــي
مِنهه المَدَد والتوفيـق لآخــر سنيـنــي
مَدد يازهراء مدد .. مَدد يازهراء مدد
••••• ••••• ••••• ••••• ••••• •••••
نظراتي هايمه ابابچ يفاطمه
ضاعن وما لَمهن وطن ،، اتخيلت اِلچ باب وصحن
وبعتبتچ حنيت ظهري وعشگ بچيت
دمعات شوگي تفايضن ،، مشتاگ ازورچ يم حسن
ابعيني ارسمتلچ باب بس مو حقد مدفوع
وما بيه بسمار وثگل من ذيچ الجذوع
ولا رضرض المحسن وكسّر منچ ضلوع

يا ملجأ المعصومين بسمچ مددهم
يالزهره يَمنه يصيحون تِنحل شددهم
وآنه ارد احلفچ بحسين لا تتركيني
مدد يازهراء مدد .. مدد يازهراء مدد
••••• ••••• ••••• ••••• ••••• •••••
من ايضيگ هـ المَلَه واتعنّه كربله
بجروحي المتراكمه ،، الحسين احلفه بفاطمه
ميردني ابو علي يرد صدري ممتلي
فرحه وسعاده وغانمه ،، لو حاجتي بگد السمه
من ١٣ معصوم اذا رايدلي نظره
بنظره وحيده من لطف فاطمه الزهره
توفقني ومن كل ذنب گلبي تطهره

هاي الذي رب الكون يرضه الرضاهه
خادمهه تحسبني وهاي الروحي مناهه
افديهه نفسي والمال واهلي وبنيني
مدد يازهراء مدد .. مدد يازهراء مدد
••••• ••••• ••••• ••••• ••••• •••••
موعدنه بالحشر بيدچ نهي وأمر
الوالاچ للجنه يمر ،، وبالنار خصمچ يستقر
اليمچ حچه (وإن) باچر يظل يوِن
ولحالته عيوني تگُر ،، واضحك من يلسعه الجمُر
شيوخ السقيفه توگف بذِل واستكانه
اول صنم ثاني صنم يشبع مهانه
نلعنهم وكون لفدك يوصل ندانه

بالجنه كون احنه نعيش فرحة الزهره
وقاتلهه والراضي اعليه باچر نقهره
بولايتچ لا ما خاف اكتابي بيميني
مدد يازهراء مدد .. مدد يازهراء مدد
••••• ••••• ••••• ••••• ••••• •••••
يا فاطمه رجاء وبكل عزه دعاء
بكل دمعه تجري الـ لوعتچ ،، من النار فطمي شيعتچ
بحگ ضلع الانهشَم سجلينه بالخَدَم
ويخلص عمرنه بطاعتچ ،، ونرخص دمعنه لدمعتچ
خل نحضر بكل تعزيه وياچ وانّوح
ثبتينه عالخدمه لحد ما تطلع الروح
لآخر نفس وياچ نصرخ آه يمذبوح

حسن العواقب وياچ ومنچ نريده
ما ننسه يوم العطشان الحزّو وريده
حسن العواقب ميهيد نوحي وونيني
مدد يازهراء مدد .. مدد يازهراء مدد
••••• ••••• ••••• ••••• ••••• •••••
بيوم الحشر تجين من الباري تطلبين
شوفة حسين بها الوضع ،، وثوبه بچفوفچ ينرفع
متگطع وخضيب تنظريله بالنحيب
يوگف وراسه منگطع ،، وبصدره للحافر طبع
تشوفينه وتلطمين ضلعچ يالحزينه
تنصبين بالمحشر عزه الگطعو وتينه
تصيحين ويلي ابني بسيوف مگطعينه

مأتم حبيب الزهراء بيوم القيامه
تشكي الظلامه الما صار منهه ظلامه
وهنياله اليعيش هناك مجلس حسيني
مدد يازهراء مدد .. مدد يازهراء مدد
••••• ••••• ••••• ••••• ••••• •••••


ياسر حسن
ربيع الثاني ¹⁴⁴⁵

يـا سـوالـف اهـّلـنـه وعـشـگـنـه الاوّلي
من الطفوله اعله حبك ربيت آنه وهلي
وبنعمـتـك كبـرنـه وعـلـي يـابـو عـلـي
روحــي يحـسـيــن .. روحــي يحـسـيــن
••••••••~~
لو ما انتّ ،، ضايع من زغري ،، ولا ما ادري ،، تالي عمري لَوين ،، لو ما لطمتلي ادين ،، ولو ما دوم احچي حُسين ،، ممنونك
وممنون من اهلي الربّوني ،، بحبّك وبـ إسمك سمعوني ،، يغَلاي
اول ما صرت اتلگّوني ،، بطينك وبعطرك مسحوني ،، يغلاي

ياحبيبي وحبيبي لَغيرك ماحِلَت
يا حقيقه بوسط ناس خرافات انملت
احمد الله دليلي بغرامك ممتلي
روحـــي يحـسـيــن .. روحـــي يحـسـيــن
••••••••~~
تضيگ انفاسي ،، واتخيّل عطرك ،، واشتم سحرك ،، وآنه بذكرك اهيم ،، يا اطيب واغله نسيم ،، بليّاك الدنيا جحيم ،، ما تسوه
يا اقرب من روحي لروحي ،، يا جرحي ويمطيب جروحي ،، يدواي
يا فرحة عمري ويا نوحي ،، يا رفعة راسي ومذبوحي ،، يدواي

بكل حواسي احبك واميزك عالبشر
بروحي صوره لجمالك ولا مثل الصور
ماكو واحد فهمني ورِسَم البداخلي
روحـــي يحـسـيــن .. روحـــي يحـسـيــن
••••••••~~
بلا ما احچي ،، تسمعني وتفهَم ،، بيّه وتعلَم ،، وآنه بكل هَم اجيك ،، ارتاح من ابچي عليك ،، كل عمري مسلمَه بديك ،، مجنونك
بس انتّ التستاهل لاجلك ،، واحد يتعب يسهر يهلَك ،، يرجاي
شما اكبر واهَرم اوصلّك ،، لو اتيّه بيتي ابقه اندلّك ،، يرجاي

تدري يحسين الى اين تِشير البوصله
اتجاهي اشتياقي انجذابي الكربله
لو عِمه الشوف اشوفك شمس ما تنجلي
روحـــي يحـسـيــن .. روحـــي يحـسـيــن
••••••••~~
الحُب مو كلمه ،، الحُب بي قدسيّه ،، وخالص نيّه ،،
وبي روحيّه عجيب ،، خِصّه اللي عنده حبيب ،، مذبوح وجسمه سليب ،، يا حاله
الحب يعني العباس اعله الشط ،، صاح اعله اجروفه من اتسلّط ،، شنو ماي
عطشان وما فَكّر بي قَط ،، بحگ الخوه ابداً ما فرّط ،، شنو ماي

ناسي عطشان لَچِن ما نسه حسينه الگمر
بالعشگ صار والايثار درس طول الدهر
ذَل الـ افرات رغم ما چبدته تصطلي
روحـــي يحـسـيــن .. روحـــي يحـسـيــن
••••••••~~
يمدللني ،، غيرك يطردني ،، ويبعّدني ،، يالساندني
شگول ،، وآنه من ذنوبي خجول ،، شحچي وزلّاتي تطول ،، خجلانك
شايف تقصيري وتعرفني ،، وتتجاهل چن ما شايفني ،، يحِماي
مزعلك لاچن ما عايفني ،، مخلّيني اخدم ومشرفني ،، يحِماي

كلهه تزعل ولا هِم ولا احِس بندم
لاچن اندَم اذا ما تعدني اويه الخدم
يا امل كل حياتي وحلم مستقبلي
روحي يحسين .. روحي يحسين
••••••••~~


ياسر حسن
ذو الحجة ¹⁴⁴³

عيون ام الگُمر .. تَعَبهه السَهر .. واشواگ وصُور
الغَوالي .. الغَوالي
—–— —–— —–— —–— —–— —–—
الليل كلّه مساهره ،، ومو دمع هذا الجَره ،، وبَل وجِنهه
روحهه صارت شمِع ،، وذابَت بشكل الدمع ،، من جِفنهه
حيلهه باد بسهرهه والظهَر منهه انحنَه
ليلهه فَرهَد عمُرهه ومدري كُبرَت چم سَنه
عاشِرَت هَمهه وقهرهه تنام تصحه مدوهنه

الدرب الطف تصِد .. وبي تنثر ورِد .. لجيّتهم تعِد.
ليالي .. ليالي
—–— —–— —–— —–— —–— —–—
بدارهم تنشد بقَت ،، ها يدار اهل البخت ،، هَم يرّدون
وانتّ تستانِس وانه ،، وترِد عيشتنه بهَنَه ،، نگر العيون
الضعن لو رد مثل الاول تزهي بيهم دنيتي
وكون ميردون نذبل بوحشتِك وي حسرتي
هالزلم لو كلهه ترحل ربي عَجّل موتتي

لا شك لا وَجَل .. يرحمني الاجَل .. ولا دُور الأهل
خَوالي .. خَوالي
—–— —–— —–— —–— —–— —–—
الصبر فعلاً جميل ،، لكل قدَر مِن الجليل ،، وبالشِدد عَون
بس يعالَم الاشتياق ،، الصبر عندَه لا يُطاق ،، تصبر شلون
تصبر شلون وگلبهه يعلم شحَل بالطفوف
تعاين الحومه وحربهه تعاين سهام وسيوف
وعالرمح مشيول حُبهه وعالجثث زينب تطوف

تناديـ يا نبض .. مطشر عالارض .. والحافر يرض .. بدَلالي .. بدَلالي
—–— —–— —–— —–— —–— —–—
الفرگه ما خلّت حچي ،، لسانهه صار البچي ،، تسولف دموع
غير بس چلمة حُسين ،، وياهه ترجع يمته وين ،، ماكو موضوع
اربعه اولاد الجفوهه بموت ما چانت تهِم
چان همهه يخيبوهه وما يوافوهه الزلم
وحِين وصّت، جاوبوهه بِشري، صاحت والنعِم

ام متبرعه .. بدم ولد اربعه .. إرضه تسمعه
بحلالي .. بحلالي
—–— —–— —–— —–— —–— —–—
من بعد طول انتظار ،، رَد ضعن كلٌه انكسار ،، ذابل اللون
بس يتامه بلا كفيل ،، ونِسوه مثكوله وعليل ،، وحيرة ام عون
اتگابلن والدمع سايل نِبَع من كل عَين عَين
زينب تنوح ابو فاضل آ يمگطوع الادينِ
وام گمر هاشم تسائل وين يا زينب حسين

صح راسه انگطع .. وبرماح انرفع .. و وي ضعنچ رجع
سؤالي .. سؤالي
—–— —–— —–— —–— —–— —–—
‏عله راسه ناشدت ،، زينب وزينب بچت ،، لطاري الراس
‏تگلهه يوم الاربعين ،، راسه رد يم البنين ،، وراس عباس
‏لحودهم بيدي احفرتهه وضاگ هالكون الوسيع
اسبعطش نحر اجمعتهه وچان منظرهه فجيع
من ابو السجاد احسبتهه لحد عبد الله الرضيع

يا لبوة علي .. راحو كل هلي .. وشوفي بمنزلي
شبقالي .. شبقالي
—–— —–— —–— —–— —–— —–—


ياسر حسن
محرم ¹⁴⁴⁵

للامام علي الهادي عليه السلام...

يا عاشِر صواب .. بگلوب الاحباب
جرحك يهون وكل جرح
من نذكر الطف والذبح
بگلوب الاحباب
؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:
من المدينه اتغربت يالهادي مجبور
سافرت وحدك ما خَذِت ربّات الخدور
وحسين حتى الـ بالمهد رافگه لعاشور
بس ظلّت اعليله بهضم وبگلب مكسور

عفت الاميرات .. بدارك عزيزات
الوداع الاصعب يتضِح
من نذكر الطف والذبح
بگلوب الاحباب
؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:
بسامره يوم اللي انزلت صح يصعب امرك
صح ما الك صاحب نعم محّد ينصرك
بس خيل عشره ماشفت منتظره صدرك
ولا شفت تل لا مشرعه يكسرن بظهرك

اي صدره ينداس .. من يمشي عباس
وما بي كثر سالم يصِح
من نذكر الطف والذبح
بگلوب الاحباب
؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:
عالطاغي يالهادي ادخلت مجروح الاحساس
نكرو مقامك يا وسَف وانت اشرف الناس
بمجلس يزيد حسين اجه بلا جثه بس راس
وزينب تعاينهه الخلگ من كل الاجناس

اذكرنه اصعب ايام .. بالكوفه والشام
اذكرنه سبي ونوگ ورمح
من نذكر الطف والذبح
بگلوب الاحباب
؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:
سجنك ظلامه ووحشته بالذاكره تعيد
اليل الخرابه ولوعته وجروحك تزيد
من صاحت ارقيه هله براسك يالعميد
يا بويه ها ليش اگطعت بينه يصنديد

ميته لگوهه .. يم راس ابوهه
نذكرهه والمدمع يسح
من نذكر الطف والذبح
بگلوب الاحباب
؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:
دمّك حُسيني انت لذا اذكرلك حسين
سامره صارت كربله وذبحونه مرتين
كلت اعله حب سبط النبي يرخص ضوه العين
وگلت امشو دوم لكربله لو گطعو ايدين

ونهجك حييناه .. لا ما نسيناه
وكل طاغي لابد ينفضح
من نذكر الطف والذبح
بگلوب الاحباب
؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:


ياسر حسن ¹⁴⁴⁴
رجب الاصب

ياسيف الگِدَر ياذيك .. يَمرَجف الزلم طاريك
يا اعظم ولي
تِتفايض دماك شلون .. وباقي ما فِنه هالكون
صعبه يا علي
°°°° °°°° °°°° °°°° °°°° °°°° °°°° °°°°
هذا يا سيف التجرّه و خسف بدرك
وما عِرف قدرك علي يالعالي قدرك
والله لو ما ساعة السجده يغدرك
كل سيوف الدنيا ما تگدر تقهرك

من احروفك تهاب اعداك .. سيف الله النبي سمّاك
واسمك معتلي
صعبه وانت داحي الباب .. بدمّك يغرگ المحراب
صعبه يا علي
°°°° °°°° °°°° °°°° °°°° °°°° °°°° °°°°
ضَجّت الاملاك في كل البرايه
ودمعة القران سالت آيه آيه
وصاح جبرائيل من عُظم الجِنايه
اتهدمت والله اركان الهدايه

شحال الفقره والايتام .. سمعو طايح الضرغام
دمهم يغتلي
يعيشون بيتِم للدوم .. وجوع وكل عمرهم صَوم
صعبه ياعلي
°°°° °°°° °°°° °°°° °°°° °°°° °°°° °°°°
بدارهه زينب ونادت ويّه جبريل
گبورنه شالتنه ريت ولا علي ايشيل
تراب فوگ احجابهه بحسراتهه تهيل
ادخيله من فرگاك وانت حامي الدخيل

يا خيمتنه وين تريد .. نعايدمن صباح العيد
يا ضحكة هلي
نعيّد بالثياب السود .. وديوانك يظل مسدود
صعبه ياعلي
°°°° °°°° °°°° °°°° °°°° °°°° °°°° °°°°
تعثر بهمهه وتگوم ولن اجوهه
على چتاف اخوانهه محمول ابوهه
گابلتهم بالمناحه وگابلوهه
شلونه ابوي وراح ابونه جاوبوهه

ناداهه الحسن وحسين .. بونّچ زيدي لتهيدين
الهم ما ينجلي
راسه منجسِم نصّين .. وباقي اويانه بس يومين
صعبه ياعلي
°°°° °°°° °°°° °°°° °°°° °°°° °°°° °°°°
كل يتيمه وكل يتيم اباله ذكره
وي علي ايام حلوه بدنيه مره
منهو بعدك النه ظلت بينه حسره
چِنّه ما نعرف دوه تشافينه نظره

ارجع يا بو چلمة هاك .. هاك اعمارنه التفداك
بهجرك ننولي
نِلت بهالشهاده الفوز .. اخسرناك ولفانه العوز
صعبه ياعلي
°°°° °°°° °°°° °°°° °°°° °°°° °°°° °°°°


ياسر حسن
شهر رمضان ¹⁴⁴⁴

أعمال ليلة القدر
ليلة ٢٣