هلو طلاب شلونكم.... هذا ملخص النفي بالنسبة للعربي سويته الكم ع شكل ملف و تگدرون تسحبوه هماتين..
شوكت تقرون بي؟ من يصير عندكم امتحان شهري و وقتكم يكون ضيق او امتحان نصف السنة... بحيث هذا الملخص يذكرك بالقاعدة.. و هماتين وياها مثال بسيط..
اكو بعض القواعد و الملاحظات البسيطة ما حطيت الكم عليها امثلة لان جدا بسيطة متحتاج.
#بالتوفيق

الايام الجاية اكمل الاستثناء و التقديم و التأخير اما الاستفهام ف جدا بسيط و من سويت الاستفتاء ما صوتوا عليه صار التصويت ع النفي..

بعدها ان شاءلله اسوي الكم للتفاضل و التكامل ملخصات.. و ايضا ملخصات للاتزان الايوني و الكيمياء الكهربائية و التناسقية.. و الانكلش ان شاءلله اسوي اله اخر شي و لكافة اليونتات لكن شوي احتاج وقت.. و هماتين عندنا و عندكم وقت جدا كافي.. لذلك لا تقلقون من هالناحية

اضافة الى بقية الفصول مثلا الثرموداينمك و الاتزان الكيميائي ما سويت الكم عليه شيء.. لان سهلات و بسيطات و انتو تكتيكياً راح تعرفون شنو تقرون بالضبط و شنو تتركون من تضبطون هكذا فصول

هلو طلابنا الحلوين
شلونكم شخباركم ان شاء الله تكونون بخير
احجولي شنو جاي درسون ومضبطين اموركم او لا محتاجين شيء؟
نزلوا الحذوفات انتبهولها كلش زين.
@annzq

اذا جاي تواجهكم مشاكل خبرونا
يمكن نگدر سوا نحل كل المشاكل
خلاص لازم تشدون حيلكم بعد ❤️🥺أحبكم

الي يحتاجني معرفي @aanzq

✨نصيحة لكل طلاب السادس ✨

أنتم يا أبطال مقبلين ع فترة مراجعة وأمتحانات ، أحب اكللكم أستغلوا هل وقت بكل ساعة ودقيقة ولحظة ولا تفوت لحظة وانت ما لازم كتابك وتقرا صدگني هل شهرين الي راح يجون صدك بيهم تعب وكعدة من 4 الفجر و ودراسة وتعب كله علمود توصل ليوم تخلي اهلك فرحانين ومفتخرين بيك، ادرسوا وتعبوا وجاهدوا واستمروا للحظة أعلان نتائج، أحلئ شيء بالسادس يوم أعلان النتائج يوم كله صعب كلها منتظرة نتيجة وكلها متانيتك تفرحهم، ولحظة الي تطلع نتيجتك ومعدلك عالي وتگدر تدخل للكلية الي انت تريدها هذا أحلئ شيء ♥️
حرفياً جان أحلئ يوم عندي يوم النتائج وفرحت والدي واجه حضني ويبجي ويگلي أنتي رفعة رأسي هاي نستني التعب والسهر كله لذلك اكلكم ادرسوا وتعبوا لاخر لحظة لان انتم تستاهلون النجاح وأهلكم يستاهلون أنو تفرحونهم. ♥️

ونصائح الكم خلال فترة المراجعة
1- ابدوا بالمادة الي تحبونها علمود تنطيكم حافز قوي

2- المواد الي تحس نفسك ما مسيطر عليهن خليلهم أيام أكثر وحل وزاريات الهم من 2014 لحد 2021

3- أبدوا دراستكم من 4 الفجر لان قراية الفجر كلش ممتازة لحد 9 بالليل ومن 9 لحد 4 فجر كله نوم الكم علمود جسمكم يرتاح وتكعدون نشيطين ♥️

4- لحد يگول مالي واهس ومن هل سوالف هاي ترا بس الفاشل يدور أعذار وكذا الناجح والشجاع يدخل المعركة وهو ناوي الفوز بيها

5-تبدي بالمادة بالسرة لاتظل طفر من فصل لفصل ودوخ روحك لا هذا الشيء خطا 🥲 أبدي مادة من البداية واقراها كلها وحل كل الاسئلة والامثلة مالت الكتاب بعدين تروح للوزاريات تهكرهن ✌️💪

6- سالفة انو تخلص مادة وتحس نفسك ناسيها كلش طبيعي وحالة طبيعية تمر بيها كل الطلاب

7- حاول قد الامكان انو تكون مراجعتي، المراجعة الاولئ مركزة كلش والمراجعة الثانية تكون مراجعة سريعة تستذكر بيها المواد

8- اهتموا بصحتكم وأكلكم وخلال الدراسة اشربوا ماء بارد يحفز الجسم ويبعد الملل 😎

7- التزموا بصلاتكم اقروا قرآن كل يوم الفجر ع الاقل صفحة وحدة وتبدون يومكم بذكر رب العالمين


🔻 بالنهاية رب العالمين يخلي كل أنسان بمكانه المناسب ومايضيع تعب شخص، ربي يوفقكم وتجي الاسئلة سهلة وحلوة وتطلعون المعدلات الي انتم تردونها وتحققون أحلامكم 💜✨

نرجس عباس / كلية الصيدلة

هانت يا أبطالي وما بقئ شيء

كافحوا حتئ النهاية 👀💙

أحبكم كلش هواي ودعائي راح يكون وياكم دائما 🦋💜

شنو من مشاكل جاي تواجهكم راسلوني ونكعد نحلها سوية وشنو الصعوبات الي جاي تواجهكم


ان شاء الله ماكو صعوبات انتم گدها وراح توصلون وتحققون أحلامكم وتفرحوني 💙

@aanzq

فضلكم يا والدي عمني حتئ اللجم كل هم قد أصبنا زادكم بالطبع هم 💜🥺

أفعلوها لأجلهم 💜

بهل ايام بالاخص
ايام المراجعة والضغط والتعب

لحوا بالدعاء، بكل صلاة، وبكل سجدة
ادعوا الله يحقق أحلامكم

سيستجيب 💜

" سيفعلها دعاء يوم عرفة " ✨♥️


يوم الثلاثاء ان شاء الله يكون يوم عرفة بهل يوم ادعوا رب العالمين من كل قلبكم ادعوا وانتم مطمئنين انو رب العالمين راح يستجاب دعواتكم ، اندعوا بقلب صادق ونية صافية ، اندعوا الله يحقق احلامكم وتوصلون الها، اندعوا ما يضيع تعبكم 🥺♥️

طلابي الاعزاء
كتبولي شنو جاي تعانون وشنو تردون انصحكم.
قبل فترة الامتحانات 🖤

وراح اجاوبكم كلكم ان شاء الله

@aanzq

طلابي الحلوين

هسه ويم كتبكم أشعلوا شمع للامام القاسم وأقروله الفاتحة وأطلبوا منه أحلامكم وهو راح يتكفل بيها ويحققها 🖤🥺

هلو طلابنا الحلوين 🥺🖤
مأجورين وعظم الله لنا ولكم الاجر، أن شاء الله بحق هذهِ الليالي العظيمة الله يحقق أحلامكم وما يضيع تعبكم 🖤

الامتحانات قربت واكو كم نصيحة الكم 👀💙

1- انا وياكم انو خايفين شوي وقلقانين وكذا
بس ما اريد الخوف يسيطر عليكم وينسيكم احلامكم ابد 😔😔 ، لا تخلون الخوف يسيطر عليكم، انتم اقوياء وأبطال أدرسوا وتعبوا لاخر لحظة وروحوا للامتحانات بقوة وبعزيمة انو تجيبون ال100 وتجون وان شاء الله تجيبوها 💙🤲

2- هل فترة كلش نظموا جدولكم ورتبوا وقتكم بحيث تنامون ب9 وتكعدون ويه آذان الفجر، تصلون وتتوكلون ع الله وتبلشون تراجعون ، مراجعة الفجر كلش مفيدة وترسخ المعلومة بالدماغ وما تروح 🦋💙

3- الي مضبط الكتاب والدفتر مالت أستاذه ال100 راح تكون بجيب 👀 ، والاسئلة الوزارية كلها سهلة وما بيها شيء بس تحتاج تركيز كلش قوي، أول ما ينطونك الاسئلة لا تجي وتقراها كلها لا لاا لاااااااا 🙂
بالبداية اگلب الاسئلة واقرا سورة الفاتحة لام البنين وتوكل ع الله، اقر السؤال الاول وحله من تخلص تراجع السؤال الاول كله، كم فرع، كم مطلب بيه علمود ما تنسئ مطلب منا ومنا خوش 👀و علمود تروح لسؤال الثاني وانت مرتاح، وهكذا لكل الاسئلة 💙🥺

4- لا تتوترون ابد بالعكس ع راحتكم حلوا اسئلة وعدكم 3 ساعات كلها استغلوها لا تستعجلون بشيء، ع كيفكم حلوا الاسئلة وراجعوا الاسئلة والمطاليب وحلكم مرة ومرتين و3 ، ابدد لا تستعجلون 👀

5- بالنهاية رب العالمين يختار النا كلشي بيه خير
وعبارة دائماً يكولها النا أستاذي وأبوي " أستاذ ثامر "
" لكل مجتهدٍ نصيب " فكل واحد اجتهد وتعب راح يحصل ع ثمرة تعبه 🥺🖤وبس أحبكم كلش هواي

" راح يبقئ دعائنا يرافقكم بالامتحانات كلها " ♥️✨

بشروني بنتائجكم

@aanzq