Kitob oʻqiydigan kishi vafotiga qadar minglab hayotda yashaydi. Hech narsa oʻqimaydigan kishi esa faqat bitta hayotda yashaydi.

Jorj R.R. Martin

@wwwesdalikuz

Nazm kechasiga marhamat!

😊 Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” nomli teatrlashtirilgan nazm kechasini taqdim etadi.

• Dastur qahramoni: “Shuhrat” medali sohibi, shoir BEK ALI

• Mehmon: shoir va aktyor ERKIN BOZOROV

📝 So‘z va adabiyot muxlislarini 29-may (kuni) soat 17:00 da O‘zbekiston Milliy kutubxonasida kutib qolamiz.

Ro’yxatdan o’tish uchun ushbu soʻrovnomani to’ldiring:
https://forms.gle/LdKWstnmxBg4RPD26

BU UNUTILMAS KECHA BO‘LADI!

Telegram | Instagram | YouTube

Begzod va Zulhumor – Soʻnggi qoʻngʻiroq 🎊

Bugun 25-may barcha maktablarda soʻnggi qoʻngʻiroq kuni. Kimlar uchundir bu qoʻngʻiroq oxirgi marta chalinyapti. Kimlar uchundir ancha oldin chalingan 😢😢😢

@wwwesdalikuz

Гўдакдек мўлтираб ўтяпман,
Соғинчим ўзимдан-да дайди.
Нафас олмай яшамоқ мумкин,
Соғинмасдан яшаб бўлмайди!

Кимдир ёрни қучиб шодумон,
Кимдир зарга кўмилиб бахтли.
Биз бечора ошиқлар учун
Яхшиям бор соғиниш бахти!

Саломатлик - чиройли гаплар,
Соғинсангиз яшаб қоласиз!
Бор бўлгин-а бўғзимдаги сир,
Бор бўлгин-а, эй куйдирги қиз...

Ҳаёт хоҳлаганча тўзғитар -
Буғдойи юлинган сомонман.
Изсиз кетолмайман, кимлардир
Соғингани учун омонман...

Мен - дунёнинг соқов куёви
(Неки бўлса бўғзимда қолди).
Қисмат, ҳаммасига розиман,
Соғинишни ўзимга қолдир...

Шуҳрат Ориф

@wwwesdalikuz

#ko'ngilga_yaqin

🍀«Тонги шабнамдек бўлинг, ёмғирмисиз, сувмисиз, кўзёшмисиз - билолмасинлар...»

Шуҳрат Ориф

@wwwesdalikuz

Allaqachon to’zib ketardim, balki,
Va yo g’amlar meni etardi ado.
Kimningdir ko’nglini olgandirmanki,
Yuragimni asrab kelyapti Xudo.

O’zi yaqin oldi meni O’ziga,
Kunda Quyosh bo’lib yo’qlab turibdi.
Men aytgan toza bir So’z evaziga
Qilday hayotimni saqlab turibdi.

Nimaga ko’zimda yulduz kam – Ishq kam,
Men noshud umrimni kimlarga berdim?
Ko’ksim nurga to’lib bitta gul eksam,
Orqasidan o’nta nihol sindirdim…

Baribir, ko’nglimga kelaverdi U,
Kechirilib ketdi har qanday xato.
Axir, men sevishni o’rganyapman-ku.
Sevgini sevganni sevadi Xudo…

Behzod Fazliddin

@wwwesdalikuz

АДАШГАН МЕҲР
(.......га)

Мен сизга адашиб меҳр қўйибман,
Илтимос меҳримни қайтариб беринг.
Сизнинг илтифотсиз истеҳзонгиздан,
Мана юрак-бағрим не бўлди кўринг.

Эҳтимол хонимсиз, балки бегойим,
Менга деса Ҳаво бўлмайсизми, бас.
Менинг ҳам бу кўнглим хаста ва лекин,
Сиз тепиб ўтгувчи остона эмас.

Эҳтимол қонингиз шоҳлар қонидан.
Эҳтимол дунёни тутган шонингиз.
Менга чикорадир Сиз сиғинган тахт,
Мени қизиқтирмас хонумонингиз.

Мен назмлашганда Нодира билан,
Сўз сўраб Худога ёлворганим дам.
Сиз парқу болишда ухлаб ётасиз,
Эй бир тун ҳам уйқудан қолмаган одам!

Мен сизга адашиб меҳр қўйибман,
Тавба, мен гуллашни кутибман куздан.
Бир бора озорлар берганим учун,
Минг бора узрлар сўрайман Сиздан..

Кечиринг... адашиб меҳр қўйибман...

2006 й

Guljamol Asqarova
@wwwesdalikuz

***
Айтсам ишонмайсан - борман ҳали ҳам,
Елкамга юкланган тўрт фасл, тўрт қиш.
Ўзи бўладими, қирқ йил наридан -
Энг оғир юракни кўтариб келиш.

Чарчадим. Оғриқлар кўксимга ботди,
Бу ҳолда дунёдан ўтаман қандай?
Юрагим тўхтади бир зум - Ҳаётнинг
Қўрқинчли жойига етиб келгандай.

Хосият  РУСТАМОВА
@wwwesdalikuz

Sen
umrimdagi eng go‘zal
Kitobim bo‘lding...

Anglash og‘ir bo‘lsayam,
Tushinish azob bo‘lsayam,
Ruhim huzurlanib,
aqlim qaqshab,
o‘qiyverdim men...

Men Sening umringni
eng chirkin, eng g‘amgin
sahifasi bo‘loldim xolos...

Yoqib yuboramiz, kel...

✍Guljamol Asqarova
@wwwesdalikuz

Yoʻq,
Endi koʻnglingdan chiqarolmaysan,
Umringda quyoshday porlayveraman.
Ming yillar qa’riga ketganingda ham,
Men seni samoday chorlayveraman.

Ismingni tonglarga yozaman mahtal,
Gʻunchalar bargida uxlayveraman.
Yoʻq, baxting meningsiz boʻlolmas tugal,
Men seni har lahza yoʻqlayveraman.

Otashman,
Dengizman,
Samoman,
Nurman,
Jism-u jahoningni oʻrayveraman,
Ayt, qanday topasan, qochmoqqa imkon —
Men seni Xudodan soʻrayveraman.

Men – soʻnggi tomchiman,
Yagona najot.
Faqat sen ichgin deb qistayveraman.
Qoʻllarimda qoldi
Eng soʻnggi hayot,
Oʻlsam ham ishqingni istayveraman!

Zebo Mirzo

@wwwesdalikuz

SO‘NGGI UCHRASHUV

Avval hayron qolding, quvonding, kulding,
Jim qotding. Ko‘zingga yosh olding birdan.
So‘ng begonaday menga termulding, Yig‘i nuqsi urgan nigohing bilan.

Xavotir ichinda deding: «Men ketdim...»
To‘xtading. Xo‘rsinding. Jo‘nading shitob.
Kuzgi chorbog‘ aro yo‘qolding, yitding,
Atlas liboslarga belangan sarob.

Avval hayron qoldim. Beparvo kuldim.
Jim qotdim. Go‘dakday yig‘ladim birdan.
So‘ngra begonaday ko‘kka termuldim-
Men hanuz falakka begonadayman...

Usmon Azim
@wwwesdalikuz

* * *

Севгимиз ўлдими? - либосингиз кўк,
Кўнглингиз - бегулхан, кўзингиз - бечўғ.
Биздан бориш йўқдир, сиздан - келиш йўқ,
Келишсиз дунёда беғам, азизим,
Нега кўзларингиз бенам, азизим.

Ўт етди - қақшатди банд-бандларимни,
Тупроқда сочдингиз баландларимни,
Ақлимни, дилимни - бебахтларимни -
Боришсиз дунёга отган, азизим,
Олисда ой каби ботган, азизим.

Чунки тунга айтар рост "оҳ"ингиз йўқ,
Фалакда кезгани шаън роҳингиз йўқ,
Нечун келмайсиз, гар гуноҳингиз йўқ -
Боқаман: нигоҳим - гумон, азизим,
Йўлларинг тумандир, туман, азизим.

Қаранг, минг бир баргда кузак учадир,
Қизил-сариғида - юрак учадир,
Сўнгаклар учадир, суяк учадир -
Бу тўфон - хазонлиғ менман, азизим,
Сизсиз минг кузакка тенгман, азизим.

Аммо сиз сарғайманг - гулли боғ бўлинг,
Ям-яшил кўкаринг, мудом соғ бўлинг,
Баҳорнинг бағрида беадоғ бўлинг -
Ахир, қарғаганим сизмас, азизим,
Икки куз дунёга сиғмас, азизим...

Усмон Азим

@wwwesdalikuz

Бугун севимли адибимиз Неъмат Арслон таваллуд топган кун. Яқинлари ва мухлислари номидан чин қалбдан табриклаймиз!
**

Неъмат Арслон 1941 йил 7-июн куни Шаҳрисабз тумани Мираки қўрғончаси яқинидаги Такия қишлоғида туғилган. Самарқанд давлат университетини тамомлаган (1965). 1971-80 йиллардан бошлаб “Адабиёт ва санъат” газетаси, “Ёшлик”, “Шарқ юлдузи” журналларида ҳикоя, қисса ва романлари босила бошлади. Ўзбекистон Ёзувчилар уюшмаси аъзоси. Мустақиллик йилларида “Аёл сувратига чизгилар”, “Олдинда яна тун бор” ҳикоялар тўпламларим чоп этилди. “Адам водийси”, “Мавҳумот” романлари дунё юзини кўрди.

@wwwesdalikuz

...tanishib qolishda tasodif bor-u, maqsad kam, tanishib olishda tasodif yoʻq, maqsad bor.

Hutoma
Neʼmat Arslon

@wwwesdalikuz

Гумбазларим қайга йўқолди?
Нега осмон очилиб қолди?
Нима топдим, нима ўргандим?
Aллоҳу акбар деб тургандим.

Қиблам қани? – сўрадим ҳайрон,
Туриб олди қаршимда шайтон,
Пешонам тупроққа ургандим,
Aллоҳу акбар деб тургандим.

Қушиқ тинди. Қулоқчинларим…
Жаллод чиқди саёқ жинларим.
Бошимни икки бургандим…
Aллоҳу акбар деб тургандим.

Жуссам семиз. Aрвоҳим ориқ.
Тўним қани? Нега бу чориғ?
Қанотим-чи? Учиб юрганим –
Aллоҳу акбар деб тургандим.

Шошма, эй ҳур! Нима бу жумбоқ –
Юзинг сўлғин, сочларинг тарқоқ?
Мен сени жаннатда кўргандим,
Aллоҳу акбар деб тургандим.

Рост айтасан, синов учундир,
Тушундим-у, яна тушунтир.
Саволга – савобга буркандим,
Aллоҳу акбар деб тургандим.


Шаҳриёр Шавкат
@wwwesdalikuz

* * *
Сен кўзларингни тикасан
кўзимга узоқ
нимадир излайсан
нимадир сўрайсан
билмайсан
ҳаммаси сенга берилганини

* * *
Шундан бошланди ўзи
орзуларни бошқача ном билан аташдан
кун ботишини тонгга ўхшайди дейишдан
бўлмаса
жарни тоғ деб ўйлармидик севгилим

ташбеҳ шафқатсиз

* * *
Севмайсанми
Бўлмаса нега
Уни кўрганингда
Кўзларингда
Бахт айланади

✍️ Азиз Саид
@wwwesdalikuz

#Sevimli_Parcha

Esingdami, ko'p gapirardim,
Esingdami, eshitarding jim.
Senga yaxshi ko'rinay derdim,
Lekin yaxshi ko'ringan u kim?

Sochlarimga oq oralabdi,
Oralarmi qalbingga titroq,
Qismat meni ko'p qoraladi,
Ayt, qo'llaring o'shandaymi – oq?

✍ Salim ASHUR
@wwwesdalikuz

#Sevimli_she'r
ALAMLI QO'SHIQ

O’zgani sevsang, sevgin,
Men ham senga zormasman!
Kel, yonimga, kela qol deb,
Chorlasang ham bormasman!

O’zi seni nega sevdim?
Buncha bo’lmasam ojiz.
Go’zalmassan, sen shunchaki,
Nayrang-makri ko’proq qiz.

Rostin aytsam arzimaysan,
Na she’rim, na sevgimga.
Men balandman! Qo’ling yetmas!
Ketavergin tenging-la...

Nima deding! Aslo, hech ham
Ko’zimdagi yosh emas.
Yosh bo’lsa ham sening uchun,
To’kmayapman... Bo’ldi... Bas...

Ketgin endi. Sevmayman-ku,
Meni qoldirgin yolg’iz!
Tugayapti sabrim... Tag’in –
Oyog’ingga cho’kmay tiz...

Usmon Azim
@wwwesdalikuz