524遊行 — 心態上要注意的地方
1️⃣越衝動越容易犯錯。記住少一個就係少一個,拉人速度只會快過替補。有啲時候退係適當選擇。
2️⃣唔衝動唔代表咩都唔做,而係思考清楚每一個行動既成本效益同後備方案,唔好傻更更食張紅牌出場。
3️⃣分清楚行動方式同目標,最起碼思考點解你要喺呢個時間同位置放路障或火魔。呢兩三個月見過唔少引兵入黎既路障,係本末倒置。
4️⃣戰爭中前線後勤同樣重要。你可以因為唔同原因(體能差、驚)而唔上前線,但你要做一個合格既後援。最基本學識點樣報哨,深入既就了解下唔同戰略位置,甚至發展出預測警方部署既能力。
5️⃣要提防便衣但真係唔好捉鬼。師奶、學生妹、街邊捉棋阿伯,甚至噴過染髮噴霧既都可以係便衣,你捉唔曬仲非常可能捉錯,真係捉到都只會引大量兵力入黎。注意下自己有冇俾人跟、望實就可以了。
#氣象巴打隨筆
>>Click here to continue<<